Oseas 2:15 - Marahay na Bareta Biblia

¹⁵ Itatao ko giraray saiya an mga ubasan na sadiri niya asin an Kapantayan nin Kasakitan gigibohon kong sarong pintoan nin paglaom. Sisimbagon niya ako duman siring kan ginibo niya kan hoben pa siya, kan mag-abot siya hale sa Egipto.

Oseas 2:15 ပူးပေါင်းရင်းမြစ်များ

1 Mga Hade 16:31

Bako sanang nagkasala si Ahab arog ki Jeroboam, kundi inagom pa niya si Jezebel na aking babae ni Hadeng Etbaal nin Sidon dangan nagsamba siya ki Baal.

Salmo 106:12

Saka sinda nagtubod sa tataramon niya, asin nag-awit nin pag-omaw saiya.

Salmo 129:1

O Israel, sabihi kami kun paano ka pinasakitan kan saimong mga kaiwal poon kan ika aki pa.

Isaias 65:10

Sasambahon ninda ako asin papangenotan ko an saindang mga hayop tanganing manabsab sa Kapatagan nin Sharon sa solnopan asin sa Kapantayan nin Acor sa sirangan.

Isaias 65:21

Matugdok nin mga harong an mga tawo asin sinda an mag-eerok diyan—dai iyan gagamiton nin iba. Magtatanom sinda nin mga ubas asin mag-iinom kan arak na hale diyan—bakong iba an mag-iinom kaiyan. Siring sa mga kahoy, mabubuhay nin halawig na panahon an sakong banwaan. Papakinabangan ninda an mga bagay na saindang pinagpagalan.

Jeremias 2:1

Tinaraman ako nin Kagurangnan

Jeremias 2:2

na ipahayag an mensaheng ini sa lambang saro sa Jerusalem. “Nagigiromdoman ko an saimong pagkamaimbod kan ika hoben pa, an saimong pagkamoot sako kan bago kitang kasalon; nagsunod ka sako sa kalangtadan, sa sarong daga na mayo nin maski anong tinanom.

Jeremias 29:11

Ako sana an nakakaaram kan mga plano ko para saindo, mga plano na darahan kamo nin kaginhawahan asin bakong karatan, mga plano na tawan kamo nin paglaom sa saindong huring mga aldaw.

Jeremias 3:4

“Sinasabi mo ngunyan sako, ‘Ika an sakong ama, asin namotan mo na ako magpoon kan ako aki pa.

Jeremias 32:15

Nagtaram an Kagurangnan nin mga hukbo, an Dios nin Israel, na magkakaigwa giraray nin pagbabarakalan nin mga harong, oma, asin ubasan sa dagang ini.”

Mga Panambitan 3:21

Alagad minabalik an paglaom kun naroromdoman ko an bagay na ini:

Ezekiel 16:22

Sa makauuyam mong buhay bilang maraot na babae, dai mo man lamang nagiromdoman an mga aldaw kan ika aki pa—kan huba ka asin nagkakarigos sa sadiri mong dugo.”

Ezekiel 16:60

Alagad gigiromdomon ko an tipan ko sa saimo kan ika aki pa, dangan makikipagtipan ako saimo nin sarong tipan na magdadanay sagkod lamang.

Ezekiel 16:8

“Pag-agi ko giraray, nahiling kong panahon na tanganing mamoot ka. Tinahoban ko kan sakong alikboy an huba mong hawak, saka nanuga akong mamomotan taka. Nakipagtipan ako saimo kaya nagin sadiri taka.” Ini an tataramon nin Kagurangnan Dios.

Ezekiel 28:25

Nagtaram an Kagurangnan Dios, “Titiponon ko giraray an banwaan nin Israel hale sa mga nasyon na pinagwarakan ko sa sainda, asin maaaraman kan gabos na nasyon na ako banal. An banwaan nin Israel mag-eerok sa sadiri nindang daga, sa daga na itinao ko ki Jacob na sakuyang sorogoon.

Ezekiel 28:26

Matiwasay sindang mag-eerok duman. Matugdok sinda nin mga harong saka matanom nin mga ubas. Papadusahan ko an mga kataed ninda na nagtuyatuya sainda. Dangan maaaraman ninda na ako an Kagurangnan na saindang Dios.”

Oseas 11:1

Nagsasabi an Kagurangnan, “Kan an Israel aki pa, namotan ko siya, asin bilang aki kong lalaki inapod ko siya paluwas sa Egipto.

Oseas 12:13

Nagsugo an Kagurangnan nin sarong propeta tanganing iluwas an banwaan nin Israel sa Egipto asin tanganing atamanon sinda.

Oseas 12:9

Alagad ako, an Kagurangnan na saindong Dios na nangenot saindo paluwas sa Egipto, an mapaerok giraray saindo sa mga tolda, arog kaidto kan magdatong ako saindo sa desyerto.

Oseas 13:4

Nagsasabi an Kagurangnan, “Ako an Kagurangnan na saindong Dios, na nangenot saindo paluwas sa Egipto. Mayo kamo nin ibang Dios kundi ako sana. Ako sana an saindong paraligtas.

Oseas 2:12

Raraoton ko an saiyang tinanom na mga ubas asin mga kahoy na higera, na sinabi niyang ibinayad saiya kan mga namomoot saiya karibay kan saiyang paglingkod sainda. An saiyang mga ubasan saka mga kahoy na higera gigibohon kong sarong kalangtadan; raraoton an mga iyan kan mga lalaw na hayop.

Amos 9:14

Ibabalik ko an sakong banwaan sa saindang daga. Hihirahayon ninda an nagkararaot nindang syudad asin mag-eerok sinda duman; matanom sinda nin mga ubas asin iinomon ninda an arak; matanom sinda sa mga tatamnan patin makakan kan bunga kaiyan.

Zacarias 9:12

Magpuli na kamo, mga itinapok na ngunyan igwa nang paglaom; magpuli kamo sa ligtas nindong mga harong. Ngunyan tinataraman ko kamo na babayadan ko nin dobleng bendisyon an gabos na tinios nindo.

Mga Bilang 21:17

Dangan nag-awit an Israel kan awit na ini: “Paluwasa an tubig mo, O Bubon! Asin sasabaton mi iyan nin awit—

Juan 10:9

Ako an pintoan; an siisay man na minalaog na minaagi sako, makakaligtas; malaog siya saka maluwas asin makakakua siya nin sabsabon.

Mga Gibo 14:27

Pag-abot sa Antiokia, tiniripon ninda an mga paratubod saka inosipan kan gabos na ginibo nin Dios sainda, asin kun paanong binuksan nin Dios an dalan nin pagtubod sa mga pagano.

Josue 7:26

dangan tinambonan nin gapo. Yaon pa ngunyan an dakulang tambak nin gapo. Kaya sagkod ngunyan, an lugar inapod Kapantayan nin Acor. Dangan nahale an kaanggotan nin Kagurangnan.

Hukom 8:34

asin dai na ninda pinaglingkodan an Kagurangnan na saindang Dios, na nagligtas sainda sa saindang mga kaiwal sa palibot ninda.