Oseas 2:14 - Marahay na Bareta Biblia

¹⁴ Kaya ipag-iiba ko giraray siya sa desyerto; duman bibihagon ko giraray siya sa paagi nin mga tataramon nin pagkamoot.

Oseas 2:14 ပူးပေါင်းရင်းမြစ်များ

Genesis 34:3

Alagad nagayonan si Shekem ki Dina kun kaya tinuboan siya nin pagkamoot sa aking babae ni Jacob. Hiningowa ni Shekem na mahulog man an boot kaini saiya.

An Libro ni Job 36:16

“Hinale ka nin Dios sa kasakitan, asin pinapagmate nin katiwasayan; asin saimong lamesa pinano nin pagkakan.

Awit nin mga Awit 1:4

Ibahan ako, asin madulag kita; ika an sakong magigin hade asin daraha ako sa saimong kwarto. Magigin maogma kitang duwa, mainom nin dakul, asin mag-oogma sa satong pagkamoot. Kaya bakong makangangalas na namomotan ka kan gabos na babae!

Isaias 30:18

Alagad naghahalat an Kagurangnan tanganing maherakan kamo. Paladan an mga nagsasarig sa Kagurangnan.

Isaias 5:5

“Ini an gigibohon ko sa sakong ubasan: Hahaleon ko an kudal sa palibot kaiyan, asin papabayaan kong kakanon iyan saka timaktimakan kan mga lalaw na hayop.

Jeremias 16:14

Nagtataram an Kagurangnan, “Maabot an panahon na an mga tawo dai na manunumpa huli sako bilang buhay na Dios na nagluwas sa banwaan nin Israel hale sa Egipto.

Jeremias 2:2

na ipahayag an mensaheng ini sa lambang saro sa Jerusalem. “Nagigiromdoman ko an saimong pagkamaimbod kan ika hoben pa, an saimong pagkamoot sako kan bago kitang kasalon; nagsunod ka sako sa kalangtadan, sa sarong daga na mayo nin maski anong tinanom.

Jeremias 45:4

“Alagad ako, an Kagurangnan, an naggagaba kan sakong itinugdok saka naggagabot kan sakong itinanom. Gigibohon ko ini sa bilog na daga.

Ezekiel 20:10

“Kaya ilinuwas ko sinda sa Egipto pasiring sa kalangtadan.

Ezekiel 20:33

“Siring na ako an Kagurangnan Dios na buhay, pinapatanidan ko kamo na sa sakong kaanggotan, gagamitan ko kamo nin makosog asin nakaunat na kamot sa sakong paghahade.

Oseas 2:3

Kun dai siya mag-ontok, huhubaan ko siya arog kan aldaw na siya namundag. Iaarog ko siya sa sarong alang saka mayong tanom na daga, dangan magagadan siya sa paha.

Mikas 1:7

Maroronot an gabos na mahalagang mga ladawan, masusulo an gabos na tandan sa mga maraot na babae sa templo, asin magigin sarong tambak nin ati an gabos na dios-dios. Huli ta tinipon nin Samaria an mga bagay na ini hale sa mga tandan sa mga maraot na babae sa templo, kaya dadarahon sinda kan saindang mga kaiwal sa ibang lugar bilang mga maraot na babae sa templo.”

Mikas 4:10

Mamiripit ka sa kulog asin mag-agoro, banwaan nin Jerusalem, arog sa sarong babaeng nangangaki, huli ta kaipuhan bayaan mo an syudad asin mag-erok ka sa kaomahan. Kaipuhan magduman ka sa Babilon, saen ililigtas ka nin Kagurangnan sa saimong mga kaiwal.

Juan 12:32

Kun ako iitaas na hale sa daga, titiponon ko sa sako an gabos na tawo.” (

Juan 6:44

Mayong makakadolok sako apwera na sana kun irani siya sako kan Ama na nagsugo sako; asin bubuhayon ko siya liwat sa huring aldaw.

Kapahayagan 12:14

Alagad tinawan an babae nin duwang pakpak nin dakulang agila, tanganing makalayog siya, harayo sa dragon, pasiring sa kalangtadan, saen aatamanon siya sa laog nin tolo may kabangang taon.

Kapahayagan 12:6

Nagdulag an babae pasiring sa kalangtadan, sa lugar na inandam para saiya nin Dios tanganing atamanon siya duman sa laog nin mil dos syentos sesentang aldaw.

Hukom 19:3

Nagdesider an lalaki na sosogon siya asin pakiolayan na umiba giraray saiya. Kaya ipinag-iba niya an saiyang sorogoon asin an duwang asno. Pag-abot duman, pinadagos siya kan babae asin kan mahiling siya kan ama kaini, maogma siyang sinabat.