Oseas 2:11 - Marahay na Bareta Biblia

¹¹ Tataposon ko na an saiyang kaogmahan—an saiyang taon-taon saka bulan-bulan na mga pyesta asin an saiyang mga Sabbath—an gabos niyang itinalaan na mga pyesta.

Oseas 2:11 ပူးပေါင်းရင်းမြစ်များ

1 Mga Hade 12:32

Nagselebrar man si Jeroboam nin sarong pyesta kan ikakinseng aldaw kan ikawalong bulan, siring kan pyesta sa Juda. Sa ibabaw kan altar duman sa Betel, nagdolot siya nin mga sakripisyo sa mga bulawan na baka na saiyang ginibo. Ibinugtak niya sa Betel an mga padi na naglilingkod sa mga altar na pagsasambahan na saiyang ginibo.

Jeremias 16:9

Ako an Kagurangnan nin mga hukbo, an Dios nin Israel; hinanyoga an sakong sasabihon: Paoontokon ko sa lugar na ini an mga tingog nin kaogmahan asin kagayagayahan saka an maogmang tingog kan mga bagong kasal. An pagkaotob kan mga bagay na ini mahihiling kan mga tawo digdi.

Jeremias 25:10

Paparaon ko sa sainda an mga tingog nin kaogmahan asin kagayagayahan, an maogmang tingog kan mga bagong kasal, an paggiling nin trigo, asin an liwanag kan ilaw.

Jeremias 7:34

An daga magigin sarong desyerto. Sa mga syudad nin Juda saka sa mga tinampo nin Jerusalem paoontokon ko an mga tingog nin kaogmahan asin kagayagayahan. Paoontokon ko an maogmang tingog nin mga bagong kasal.

Ezekiel 26:13

Oontokon ko an saimong mga awit, asin dai na madadangog an tanog kan saimong mga lira.

Oseas 3:4

Sa siring na kamugtakan, mamumuhay na mayo nin mga hade o lider an mga Israelita; mayo nin mga sakripisyo o banal na mga hariging gapo, mayong mga dios-dios o mga ladawan na gagamiton sa pag-aram kan dai pa nangyayari.

Oseas 5:7

Dai sinda nagin maimbod sa Kagurangnan; bako niyang sadiri an mga aki ninda. Kaya dai mahahaloy, magagadan sinda asin mararaot an saindang daga.

Levitico 26:20

Masasayang an gabos nindong paghihingowa huli ta dai magkakaigwa nin ani an saindong daga; dai man mamumunga an mga kahoy.

Amos 5:21

An Kagurangnan nagtataram, “Naoongisan ko an saindong mga pyesta; dai ko nawiwilihan an saindong mga banal na pagtiripon.

Amos 8:3

Sa aldaw na iyan, an mga awit sa laog kan palasyo magigin agrangay nin kamondoan. Magkakaigwa nin mga bangkay sa gabos na lugar; itatapok sinda sa luwas na mayo sana nin ribok.”

Amos 8:5

Nagsasaboot kamo, “Dai mi na mahahalat na matapos pa an mga banal na aldaw tanganing ipabakal an samong trigo. Nuarin kaya matatapos an Sabbath tanganing makatinda na kami? Dangan, lalangkawan mi an presyo kan samong paninda, magamit kami nin may dayang sukol saka dadayaon mi sa timbang an mga parabakal.

Nahum 1:10

Arog sa nagkagurumos na mga tonok asin alang na dagami matututong kamo!