Oseas 2:10 - Marahay na Bareta Biblia

¹⁰ Huhubaan ko siya sa atubang kan mga lalaking namomoot saiya, asin mayo nin siisay man na pwedeng magligtas saiya sa sakong kapangyarihan.

Oseas 2:10 ပူးပေါင်းရင်းမြစ်များ

2 Mga Cronica 24:7

An Templo linaog kan mga parasunod ni Atalia, an tampalasan na babae, asin dakul sa mga kagamitan sa Templo an ginamit ninda sa pagsamba ki Baal.)

Salmo 50:22

“Tandaan mo ini, ika na nalingaw sako, ta tibaad gadanon taka, asin mayo nin siisay man na maligtas saimo.

Mga Talinhaga 11:21

Laomon mo na papadusahan an maraot na tawo, alagad ililigtas an matanos.

Isaias 3:17

papadusahan ko sinda— aarisan ko an saindang mga payo asin magdadanay sindang siring.”

Jeremias 13:22

Kun maghapot ka kun tadaw ta nangyari ini saimo—kun tadaw ta ginirisi an saimong gubing asin linupigan ka—ini huli kan magabat mong kasalan.

Jeremias 13:26

An Kagurangnan mismo an magisi kan saimong gubing asin mahayag saimo sa kasosopgan.

Ezekiel 16:16

Ginamit mo an iba mong gubing tanganing samnohan an saimong mga lugar na pagsasambahan, asin arog sa sarong maraot na babae, itinao mo an hawak mo sa kiisay man.

Ezekiel 16:19

Tinawan taka nin kakanon—an pinakamarahay na arina, lana nin oliba asin dugos—alagad an mga ini idinolot mo bilang atang tanganing mawilihan ka kan mga dios-dios.” Ini an tataramon nin Kagurangnan Dios.

Ezekiel 23:29

Huli ta naoongis sinda saimo, kukuahon ninda an gabos na bunga kan saimong kapagalan dangan babayaan kang huba asin hayag na mahihiling an saimong pagkani-maraot na babae. An saimong kadustaan asin karompotan

Oseas 10:1

An Israel nakaagid sa balagon nin ubas na pano nin bunga. Kan magdakul an saiyang bunga, nagdakul man an pinatindog niyang mga altar. Kan mag-orog an bunga kan saiyang daga, orog man na naggayon an ginibo niyang sagradong mga hariging gapo na saiyang sinasamba.

Oseas 13:1

Kaidto, kun minataram an tribu ni Efraim, nagkakatarakot an ibang tribu nin Israel, huli ta an tribung ini ginagalangan sa Israel. Alagad nagkasala an mga tawo huli sa pagsamba ki Baal, asin huli kaini, magagadan sinda.

Oseas 2:3

Kun dai siya mag-ontok, huhubaan ko siya arog kan aldaw na siya namundag. Iaarog ko siya sa sarong alang saka mayong tanom na daga, dangan magagadan siya sa paha.

Oseas 6:9

An mga padi garo sarong grupo nin mga parahabon na naghihipa sa pagsalakay sa sarong tawo. Maski sa dalan pasiring sa banal na lugar sa Shekem, nanggagadan sinda; tuyo nindang ginibo an mga karatan na ini!

Mikas 5:8

An mga matada sa tahaw nin mga nasyon makakaagid sa sarong leon na naghahanap nin pagkakan sa sarong kadlagan o pasabsaban; maduman siya sa tahaw kan mga karnero dangan masalakay. Rinoronot niya an saiyang madakop asin mayo nin paglaom na ikaligtas an saiyang biktima.

1 Corinto 4:5

Kaya dai nindo dapat paghukoman an siisay man bago umabot an tamang panahon; halaton nindo an pag-abot kan Kagurangnan. Ihahayag niya sa liwanag an mga natatago sa kadikloman saka an mga natatagong kamawotan sa puso nin tawo. Dangan aakoon kan lambang saro hale sa Dios an kaomawan na maninigo saiya.