Oseas 14:7 - Marahay na Bareta Biblia

⁷ Mabalik sinda asin mag-eerok sa lindong kan sakong pangataman. Mamumurak sinda arog sa sarong tatamnan, mamumunga siring sa sarong poon nin ubas, asin an hamot ninda magigin arog kan arak nin Lebanon.

Oseas 14:7 ပူးပေါင်းရင်းမြစ်များ

Salmo 138:7

Maski ako maglakaw sa tahaw nin kasakitan, iniingatan mo an sakong buhay; linalabanan mo an mga anggot kong kaiwal, asin iliniligtas mo ako huli kan saimong kapangyarihan.

Salmo 85:6

Ibalik mo giraray samo an buhay, tanganing mag-ogma sa saimo an banwaan mo.

Salmo 91:1

An siisay man na magpaili sa Kagurangnan, asin magdanay sa pag-ingat kan Makakamhan,

Awit nin mga Awit 2:3

Siring sa kahoy na mansanas sa tahaw kan kakahoyan sa kadlagan, an sakong namomotan sa tahaw kan ibang kalalakihan. Boot kong danay na magtukaw sa lindong kaiyan, asin mahamis sa sakong pagnamit an bunga kaiyan.

Awit nin mga Awit 4:11

Yaon sa saimong mga ngabil an namit kan dugos, sakong namomotan; para sakuya, gatas asin dugos an saimong dila. Yaon sa saimong gubing an gabos na hamot nin Lebanon.

Awit nin mga Awit 6:11

Nagduman ako sa tatamnan nin mga kahoy na almendras tanganing hilingon an sadit na mga tinanom sa kapantayan, tanganing hilingon kun nagdahon na an mga balagon asin kun namurak na an mga granada.

Isaias 61:11

Siring na mabuswak saka matalubo an banhi, siring man an pagligtas nin Kagurangnan Dios sa saiyang banwaan, asin oomawon siya kan gabos na nasyon.

Ezekiel 17:23

sa pinakahalangkaw na bukid nin Israel. Magkakaigwa iyan nin mga sanga asin mga bunga, dangan magigin sarong magayon na kahoy na sedro. Manlaen-laen na klase nin gamgam an mag-eerok diyan, asin magpapaili sa limpoy kaiyan.

Oseas 14:5

Ako magigin arog sa uran sa sarong mamarang daga para sa banwaan nin Israel. Mamumurak sinda siring sa lirio; magigin pusog an saindang pagkagamot arog sa mga kahoy nin Lebanon.

Oseas 2:21

Sa panahon na iyan sisimbagon ko an mga pamibi kan sakong banwaan na Israel. Pahuhugpaon ko an uran sa daga dangan mamumunga iyan nin trigo, ubas asin oliba.

Oseas 6:2

Pakalihis nin duwa o tolong aldaw, bubuhayon niya giraray kita asin mamumuhay kita sa saiyang atubang.

Zacarias 8:12

Matoninong sindang magtatanom. Mamumunga nin ubas an saindang mga balagon, mataralubo sa daga an saindang tinanom, asin magkakaigwa nin tamang uran. Itatao ko an gabos na biyayang ini sa mga natadang namamanwaan sa sakong nasyon.

Juan 11:25

Nagsabi si Jesus, “Ako an pagkabuhay-liwat asin an buhay. An nagtutubod sako, maski siya magadan, mabubuhay;

Juan 12:24

Sa katotoohan sinasabihan ko kamo, kun an sarong banhi nin trigo dai mahulog sa daga saka magadan, danay na saro sana iyan. Alagad kun iyan magadan, mamumunga iyan nin dakul.