Oseas 14:6 - Marahay na Bareta Biblia

⁶ Magigin marambong sinda huli sa mga bagong sanga, asin magigin magayon siring sa mga kahoy na oliba. Magigin mahamot sinda siring sa mga sedro nin Lebanon.

Oseas 14:6 ပူးပေါင်းရင်းမြစ်များ

Genesis 27:27

Nagrani si Jacob asin hinadokan an ama; naparong ni Isaac an gubing ni Esau, kaya benendisyonan siya ni Isaac na an sabi, “An parong kan aki ko siring sa parong nin sarong oma na benendisyonan nin Kagurangnan!

Salmo 128:3

An saimong agom makakaarog sa ubas na namumunga sa laog nin saimong harong, asin an saimong kaakian makakaarog sa sadit pang mga kahoy na oliba sa palibot kan saimong lamesa.

Salmo 52:8

Alagad ako kabaing sa kahoy nin oliba sa harong nin Dios. Nagsasarig ako sa danay niyang pagkamoot sa panahon na daing kasagkoran.

Salmo 92:12

Siring sa palma mauswag an mga matanos na tawo; matalubo sinda arog kan sedro sa Lebanon.

Isaias 27:6

Sa mga maabot na aldaw, an banwaan nin Israel, an mga kapagarakian ni Jacob, magkakaigwa nin gamot arog sa sarong kahoy, asin magsusupang dangan mamumurak sinda. Mapapano kan saindang bunga an bilog na kinaban.

Isaias 35:2

Maawit saka makurahaw sa kaogmahan an desyerto; magigin magayon iyan siring sa mga Bukid nin Lebanon asin magigin matubang siring sa kaomahan nin Carmelo saka Sharon. Mahihiling kan gabos an kamurawayan nin Kagurangnan, mahihiling ninda an saiyang kadakulaan asin kapangyarihan.

Isaias 66:14

Kun mahiling na nindo na nangyayari ini, maoogma kamo; ini an magpapakosog asin magpapataba saindo. Dangan maaaraman nindo na ako, an Kagurangnan, an nagtatabang sa mga nagkukuyog sako, asin ipinapahiling ko an sakong kaanggotan tumang sa sakong mga kaiwal.”

Jeremias 11:16

Inapod ko sinda kaidto na sarong madahon na kahoy na oliba, na pano nin magagayon na bunga; alagad ngunyan sa sarong hagubohob na garo daguldol, susuloon ko an mga dahon kaiyan saka puputolon ko man an mga sanga.

Oseas 6:3

Hingowahon tang mamidbidan an Kagurangnan. Madolok nanggad siya sato siring na an bagong aldaw minasirang, siring na an uran minabaribi kan daga.”

Mateo 13:31

Nag-istorya pa si Jesus sainda kan parabolang ini, “An Kahadean nin langit nakakaagid sa sarong tawo na nagtanom nin pisog nin mustasa sa saiyang oma.

Juan 15:1

“Ako an tunay na poon nin ubas; an sakong Ama an paraataman.

Filipos 4:18

Uya an patotoo na an gabos inako ko na saindo; sobra pa ngani an inako ko orog na ngunyan na dinara na ni Epaprodito an saindong mga regalo. Ini sarong mahamot na dolot sa Dios, sarong atang na ikinakaogma niyang akoon.