Oseas 13:8 - Marahay na Bareta Biblia

⁸ Sasalakayon ko kamo siring sa sarong oso na nawaraan kan saiyang mga ogbon, saka roronoton ko an saindong mga daghan. Siring sa sarong leon, kakakanon ko kamo, asin pepedasohon arog sa pagpedaso kan sarong lalaw na hayop.

Oseas 13:8 ပူးပေါင်းရင်းမြစ်များ

2 Samuel 17:8

Ika an nakakaaram na an saimong ama asin an saiyang mga tawohan mga maiisog na lalaki; siring sinda kaisog sa sarong ina nin mga oso na hinabonan nin saiyang mga ogbon duman sa oma. Paralaban an saimong ama asin dai nakikisumaro sa saiyang mga tawohan pagkabanggi.

Salmo 50:22

“Tandaan mo ini, ika na nalingaw sako, ta tibaad gadanon taka, asin mayo nin siisay man na maligtas saimo.

Salmo 80:13

Sinusungkal kan opon sa kadlagan, sinasabsab kan mga hayop sa kapatagan.

Mga Talinhaga 17:12

Marahay pang magsabat sa babaeng oso na inagawan kan saiyang mga ogbon, ki sa sarong lolong sa saiyang kalolongan.

Isaias 5:29

An saindang mga soldados minaungal na garo mga leon na nakagadan nin sarong hayop dangan dinadara ini sa lugar na mayo nin makakaagaw kaiyan sainda.

Isaias 56:9

Sinabihan nin Kagurangnan an dayuhan na mga nasyon na magdolok siring sa mga lalaw na hayop tanganing kakanon an saiyang banwaan.

Jeremias 12:9

An sakong piniling banwaan garo sarong gamgam na pinalibotan kan nagsasalakay na mga agila. Padigdiha an mga lalaw na hayop; tanganing magsabay sa pagkakan kan bangkay niya!

Jeremias 25:38

Binayaan nin Kagurangnan an saiyang banwaan arog kan pagbaya nin sarong leon sa saiyang lungib. Nagin desyerto an daga huli sa karingisan nin gera asin huli sa labi-labing kaanggotan nin Kagurangnan.

Oseas 2:12

Raraoton ko an saiyang tinanom na mga ubas asin mga kahoy na higera, na sinabi niyang ibinayad saiya kan mga namomoot saiya karibay kan saiyang paglingkod sainda. An saiyang mga ubasan saka mga kahoy na higera gigibohon kong sarong kalangtadan; raraoton an mga iyan kan mga lalaw na hayop.

Oseas 5:14

Arog sa leon, sasalakayon ko an mga taga Israel asin mga taga Juda. Ako mismo an maronot sainda dangan babayaan ko sinda. Kun darahon ko na sinda sa harayo, mayo nin siisay man na maligtas sainda.