Oseas 13:6 - Marahay na Bareta Biblia

⁶ Alagad kan makalaog kamo sa marahay na daga asin magkabarasog kamo, nagin mapaabaw-abaw kamo dangan nalingawan nindo ako.

Oseas 13:6 ပူးပေါင်းရင်းမြစ်များ

Nehemias 9:35

Huli kan saimong bendisyon, pinamayohan kan mga hade an saimong banwaan kan nag-erok sinda sa mahiwas, matubang na daga na itinao mo sainda; alagad dai sinda nagtalikod sa maraot nindang gibo asin dai naglingkod saimo.

Salmo 10:4

An tawong tampalasan dai naghahanap sa Kagurangnan; an gabos niyang nasa isip, “Mayo nin Dios.”

Mga Talinhaga 30:9

Kun ako magyaman tibaad makapagsabi ako na dai taka kaipuhan. Alagad kun ako magin dukha, tibaad manghabon ako asin matawan ko nin kasosopgan an sakong Dios.

Isaias 17:10

Israel, nalingawan mo na an Dios nin saimong kaligtasan asin an Gapo na saimong pailihan. Embes kaiyan, nagtanom ka nin sagradong mga tatamnan tanganing magsamba sa sarong dayuhan na dios.

Jeremias 5:7

Naghapot an Kagurangnan, “Tadaw ta papatawadon ko an kasalan kan sakong banwaan? Binayaan ninda ako asin nagsamba sinda sa mga dios na bako man totoong dios. Pinakakan ko an sakong banwaan sagkod na sinda nabasog, alagad nakidorog sinda sa bako nindang agom saka sinayang ninda an saindang panahon sa mga babaeng maraot.

Ezekiel 23:35

Kaya ini an itinataram kan Kagurangnan Dios: “Huli ta nalingawan mo ako asin nagtalikod ka sako, titioson mo an bunga kan saimong kadustaan asin karompotan.”

Ezekiel 28:5

Huli kan dakula mong kadonongan sa negosyo, nadagdagan an saimong kayamanan, asin nagin mapaabaw-abaw ka huli kaiyan.

Oseas 10:1

An Israel nakaagid sa balagon nin ubas na pano nin bunga. Kan magdakul an saiyang bunga, nagdakul man an pinatindog niyang mga altar. Kan mag-orog an bunga kan saiyang daga, orog man na naggayon an ginibo niyang sagradong mga hariging gapo na saiyang sinasamba.

Oseas 12:8

Minasabi sinda, ‘Mayaman na kami. Dakulang halaga na an samong natipon asin mayong makakapagsabi na nagyaman kami huli sa pandadaya.’

Oseas 2:13

Papadusahan ko siya huli kan mga panahon na liningawan niya ako, kan magsulo siya nin insenso ki Baal asin kan isulot niya an saiyang mga alahas tanganing lamagon an mga namomoot saiya. An Kagurangnan an nagtaram.

Oseas 2:7

Lalamagon niya an mga namomoot saiya alagad dai niya maaabotan. Hahanapon niya sinda alagad dai niya makukua. Dangan masabi siya, “Mabalik ako sa enot kong agom—mas marahay pa an kamugtakan ko kaidto sa kaibahan niya ki sa ngunyan.”

Oseas 4:6

Mayong paglaom an sakong banwaan huli ta dai ninda ako minimidbid. Kamo man na mga padi habong magmidbid sako asin isinikwal nindo an sakong katukdoan, kaya isinisikwal ko man kamo asin dai ko man aakoon an saindong mga aking lalaki bilang mga padi ko.

Oseas 4:7

“Mantang nagdadakul kamong mga padi, nagdadakul man an saindong kasalan tumang sako, kaya gigibohon kong kasosopgan an saindong kamurawayan.

Oseas 5:14

Arog sa leon, sasalakayon ko an mga taga Israel asin mga taga Juda. Ako mismo an maronot sainda dangan babayaan ko sinda. Kun darahon ko na sinda sa harayo, mayo nin siisay man na maligtas sainda.

Oseas 7:14

Bakong tudok sa puso an pagpamibi ninda sako, kundi minadarapa saka minaharayo sinda arog kan ginigibo kan mga pagano. Kun namimibi sinda para sa trigo saka arak, linulugad ninda an saindang sadiri siring sa mga pagano. Mga rebelde nanggad sinda!

Oseas 8:14

“Nagpatindog nin mga palasyo an banwaan nin Israel, alagad nalingawan ninda an Kaglalang sainda. An mga taga Juda nagpatindog nin pinapusog na mga syudad, alagad mapadara ako nin kalayo na masulo kan saindang mga palasyo saka mga syudad.”

Oseas 8:4

“Nagpili sinda nin mga hade, sa saindang sadiring kabotan. Nagbugtak sinda nin mga lider, alagad dai ko iyan aram. Sa paagi kan saindang plata saka bulawan, naggibo sinda nin mga dios-dios—para sa saindang kapahamakan.

Deuteronomio 32:18

Nalingawan ninda an Gapo nin saindang kaligtasan, an Dios na nagtao sainda nin buhay.