Oseas 13:5 - Marahay na Bareta Biblia

⁵ Ako an nag-ataman saindo sa mamarang daga sa kalangtadan.

Oseas 13:5 ပူးပေါင်းရင်းမြစ်များ

Genesis 31:40

Tinios ko an init kan aldaw asin an lipot kan banggi; dai na ako nagkakatorog.

Salmo 1:6

huli ta aram nin Kagurangnan an dalan kan mga matanos, alagad an dalan kan mga maraot mapapahamak.

Salmo 142:3

Kun maluya na an sakong espiritu, aram niya an gigibohon ko. Sa dalan na sakong pinaglalakawan, igwang itinagong litag para sako an sakong mga kaiwal.

Salmo 31:7

Mag-oogma ako huli kan danay mong pagkamoot, huli ta nahiling mo an sakong kasakitan, nasabotan mo an sakong mga kahorasaan.

Salmo 63:1

O Dios, ika an sakong Dios, asin napupungaw ako saimo. An sakong kalag napapaha sa saimo; an sakong hawak naghihidaw saimo, siring sa alang asin mamarang daga na mayo nin tubig.

Exodo 2:25

Nahiling niya an kamugtakan kan mga Israelita kaya naherak siya sainda.

Jeremias 2:2

na ipahayag an mensaheng ini sa lambang saro sa Jerusalem. “Nagigiromdoman ko an saimong pagkamaimbod kan ika hoben pa, an saimong pagkamoot sako kan bago kitang kasalon; nagsunod ka sako sa kalangtadan, sa sarong daga na mayo nin maski anong tinanom.

Jeremias 2:6

Dai ninda ako nagiromdoman maski ako an nagluwas sainda hale sa Egipto saka nangenot sainda sa kalangtadan: sarong daga nin mga desyerto asin mga kalot, sarong dagang alang saka pano nin pag-alaman, na mayo nin tawong nag-eerok saka nag-aagi.

Oseas 5:3

Aram ko kun ano an kabaing nin Israel—dai niya ako pwedeng pagtagoan. Dai siya nagin maimbod, asin bakong maninigong magsamba sako an saiyang banwaan.”

Oseas 9:10

Nagsasabi an Kagurangnan, “Kan manumpongan ko an Israel, nakakaagid iyan sa pakanumpong nin ubas sa desyerto. Kan mahiling ko an saindong mga ginikanan, nakakaagid iyan sa pakahiling kan enot na hinog na bunga nin higera. Alagad kan makaabot sinda sa Bukid nin Peor, nagpoon sinda sa pagsamba ki Baal asin dai nahaloy, nakaarog sinda sa mga makauuyam na mga dios-dios na saindang namotan.

Nahum 1:7

Marahay an Kagurangnan; sinusurog niya an saiyang banwaan sa panahon nin kasakitan; inaataman niya an mga tawong minapaili saiya.

1 Corinto 8:3

Alagad an tawong namomoot sa Dios midbid nin Dios.

Galacia 4:9

Ngunyan na midbid na nindo an Dios—o an dapat kong sabihon, ngunyan midbid na kamo nin Dios—tadaw ta boot nindong magbalik sa mga maluluya saka makaheherak na mga espiritu? Nganing kamo magin oripon giraray ninda?

Deuteronomio 2:7

“Benendisyonan kamo nin Kagurangnan na saindong Dios sa gabos nindong gibo. Inataman niya kamo sa saindong pagparalibot sa desyerto asin inibahan niya kamo sa laog nin kwarentang taon; dai kamo nagkulang nin ano man.

Deuteronomio 32:10

“Nakua niya sindang naglalagalag sa desyerto, sarong mapungaw saka madoros na kalangtadan. Ilinigtas niya sinda asin inataman, namotan asin pinadangat nin marahay.

Deuteronomio 8:15

Pinangenotan niya kamo sa saindong pagbaklay sa mahiwas asin makatakot na kalangtadan na may mararang mga halas asin uyang. Duman sa alang asin daing tubig na daga, pinabulos niya para saindo an tubig hale sa matagas na gapo.