Oseas 13:16 - Marahay na Bareta Biblia

¹⁶ Kaipuhan na padusahan an Samaria huli ta nagrebelde iyan sako. Magagadan sa gera an saiyang mga namamanwaan; roronoton sa daga an saiyang mga omboy asin lalaslason an mga tulak kan mga bados na babae.”

Oseas 13:16 ပူးပေါင်းရင်းမြစ်များ

2 Mga Hade 15:16

Kan panahon na iyan, rinaot ni Menahem an syudad nin Tappua, an mga nag-eerok duman, asin an mga teritoryo kaini, magpoon sa Tirza huli ta an syudad dai nagsuko saiya. Ginadan niya an mga nag-eerok digdi. An mga babaeng bados ipinabaak niya an tulak.

2 Mga Hade 17:18

Huli kaini, an Kagurangnan naanggot nin makuri sa mga Israelita, asin hinale niya sinda sa saiyang panhiling; mayo nin natada kundi an tribu sana ni Juda.

2 Mga Hade 17:5

Dangan sinalakay ni Salmaneser an Israel asin nakaabot siya sa Samaria, na pinalibotan niya sa laog nin tolong taon.

2 Mga Hade 17:6

Kan ikasiyam na taon kan paghahade ni Hosea, nasakop kan emperador nin Asiria an Samaria. An mga Israelita dinara niya sa Asiria bilang mga bihag, dangan pinaerok sa syudad nin Hala, asin sa harani kan salog nin Habor sa distrito nin Gozan, saka sa mga syudad nin Media.

2 Mga Hade 8:12

“Tadaw ta naghihibi ka, kagurangnan?” an hapot ni Hazael. “Huli ta naaaraman ko an karatan na gigibohon mo sa banwaan nin Israel; susuloon mo an saindang mga bantayan, gagadanon an mga hoben na lalaki, roronoton an mga aki asin babaakon an tulak kan mga bados.”

Isaias 13:16

An saindang mga aki ipupusak sa atubangan ninda; sasamsaman an saindang mga harong asin lulupigan an saindang mga agom.”

Isaias 17:3

An Israel mawawaraan nin mga toreng bantayan, asin an kahadean mawawara sa Damasco. An mga taga Siria na matatada magigin sarong kasosopgan siring sa banwaan nin Israel. Ako, an Kagurangnan nin mga hukbo, an nagtaram.”

Isaias 8:4

huli ta bago siya makanood na magtaram nin ‘Ama ko’ o ‘Ina ko’, an gabos na kayamanan nin Damasco asin an gabos na sinamsaman nin Samaria dadarahon kan hade nin Asiria.”

Oseas 10:2

Kaipuhan na magtios ngunyan an mga tawong madaya an puso huli kan saindang mga kasalan. Gagabaon nin Dios an saindang mga altar asin raraoton niya an saindang sagradong mga harigi.

Oseas 11:6

An gera madatong sa saindang syudad asin maraot kan saindang mga trangkahan. Magagadan sa gera an sakong banwaan huli ta ginigibo ninda an hinohona nindang tama.

Oseas 7:14

Bakong tudok sa puso an pagpamibi ninda sako, kundi minadarapa saka minaharayo sinda arog kan ginigibo kan mga pagano. Kun namimibi sinda para sa trigo saka arak, linulugad ninda an saindang sadiri siring sa mga pagano. Mga rebelde nanggad sinda!

Amos 1:13

Nagtataram an Kagurangnan, “Paulit-ulit na nagkasala an mga taga Ammon, asin huli kaiyan, papadusahan ko sinda. Sa saindang pakigera tanganing mapadakula an saindang teritoryo, linaslas ninda an tulak kan mga babaeng bados sa Gilead,

Amos 3:9

Ipahayag mo sa mga nag-eerok sa mga palasyo sa Egipto saka sa Asdod: “Magtiripon kamo sa kabubuldan sa palibot nin Samaria asin hilinga nindo an karibongan saka pang-aapi na ginigibo duman.”

Amos 9:1

Nahiling ko an Kagurangnan na nagtitindog sa kataed kan altar. Nagboot siya, “Badoli nin makosog an poro kan mga harigi kan templo sagkod na mayugyog an pundasyon. Pasaa an mga iyan dangan pabayae na mahulog sa mga payo kan mga tawo. An mga matadang buhay, gagadanon ko sa gera. Mayo nin makakadulag; mayo nin makakaligtas.

Mikas 1:4

Matutunaw an kabukidan sa irarom niya arog kan taro sa kalayo; maburulos sinda pasiring sa mga kapantayan siring sa tubig na nagbubulos hale sa bulod.

Mikas 6:16

Mangyayari iyan huli ta sinunod mo an mga maraot na gawe ni Hadeng Omri asin kan aki niyang si Ahab. Pinapadagos mo an saindang mga pagboot, kaya dadarahan taka nin karatan, asin pagngingisihan ka kan gabos. Pag-oolog-ologon ka kan mga tawo saen man na lugar.”

Nahum 3:10

Alagad ipinatapok an mga taga Tebes. Sa lambang kanto kan mga tinampo hinampak an saindang mga aki sagkod na magadan. An saindang ginagalangan na mga lalaki nakakadenahan na dinara dangan pinagripahan kan mga nakabihag sainda.