Oseas 13:15 - Marahay na Bareta Biblia

¹⁵ Maski pa magtalubo an Israel siring sa mga doot, ipapadara ko an mainit na doros sa sirangan hale sa desyerto na iyo an mapamara kan saindang mga burabod saka mga bubon. Iyo man iyan an makua kan gabos na bagay na mahalaga.

Oseas 13:15 ပူးပေါင်းရင်းမြစ်များ

Genesis 41:23

Dangan nagbuswak man an pitong saradit asin tagiltilon na puso nin mais huli sa init kan doros na hale sa desyerto,

Genesis 41:52

Nagsabi pa siya, “Tinawan ako nin Dios nin mga aki sa daga nin sakong kasakitan”; kaya nginaranan niyang Efraim an ikaduwa niyang aki.

Genesis 41:6

Dangan nagbuswak pa nin pitong puso na saradit asin tagiltilon huli sa init kan doros na hale sa desyerto.

Genesis 48:19

Alagad nagsayuma an saiyang ama, na nagsabing, “Aram ko, aki ko, aram ko. Magigin sarong dakulang banwaan man si Manases. Alagad orog na magigin dakula an ngohod niyang tugang, asin an saiyang mga kapagarakian magigin dakulang mga nasyon.”

Genesis 49:22

“Sarong mabinungang sanga si Jose, Sarong mabinungang sanga sa may burabod.

An Libro ni Job 18:16

Naaalang an saiyang mga gamot, asin an saiyang mga sanga naluluyos.

Salmo 1:4

Alagad bakong siring kaini an mga maraot; siring sinda sa ata na pinapalid kan doros.

Salmo 109:13

Magadan logod an saiyang kapagarakian; sa sunod na henerasyon malingawan logod an saiyang ngaran.

Isaias 14:21

Poonan na an panggadan! Magagadan an mga aking lalaki kan hadeng ini huli sa kasalan kan saindang mga ginikanan. Mayong saro man sainda na maghahade sa daga o mapatindog nin mga syudad sa ibabaw kaiyan.

Isaias 17:13

Nagdadangadang an mga nasyon siring sa nagdadangadang na mga alon, alagad sasagweon sinda nin Dios asin madurulag sinda; ipapadpad sinda siring sa alpog sa may bulod, siring sa dagami sa sarong aripuros.

Isaias 27:8

Pinadusahan nin Kagurangnan an saiyang banwaan sa paagi nin pagtapok sainda. Hinale niya sinda sa paagi nin makuring doros na hale sa sirangan.

Isaias 41:16

Papatoronon mo sinda; dadarahon sinda kan doros sa harayo, asin iwawarak sinda kan bagyo. Dangan magigin maogma ka huli ta ako an saimong Dios; oomawon mo ako, an banal na Dios nin Israel.

Jeremias 20:5

Papabayaan kong masamsam kan mga kaiwal ninda an gabos na kayamanan kan syudad na ini asin masadiri an gabos na rogaring ninda, maski na an mga kayamanan kan mga hade nin Juda. An gabos na bagay dadarahon ninda sa Babilonia.

Jeremias 4:11

Maabot an panahon na an mga taga Jerusalem sasabihan na may mainit na doros na mahoyop sainda hale sa desyerto. Bako iyan maluyang doros na mapalid sana kan ata,

Jeremias 4:12

kundi sarong makosog na doros na maghahale sa Kagurangnan! An Kagurangnan mismo an nagpapahayag kan padusa sa saiyang banwaan.

Jeremias 51:1

Nagsasabi an Kagurangnan, “Mapadara ako nin sarong espiritu na maraot kan Babilonia asin kan mga nag-eerok diyan.

Jeremias 51:36

Kaya tinaraman nin Kagurangnan an mga taga Jerusalem, “Makikilaban ako para saindo; ibabalos ko kamo. Papamarahon ko an dagat asin burabod kan Babilonia.

Ezekiel 17:10

Totoo, itinanom na iyan, alagad magtatalubo daw iyan asin mabubuhay? Dai daw iyan maaalang kun hampason iyan kan doros na gikan sa sirangan? Dai daw iyan maalang sa saiyang namumugtakan?”

Ezekiel 19:12

Alagad ginabot ini nin anggot na mga kamot dangan itinapok sa daga. An mga bunga kaini naalang sa huyop kan doros na hale sa sirangan. Binari an mga sanga kaini, naalang dangan sinulo.

Daniel 11:8

Dadarahon niya sa Egipto an mga ladawan kan saindang mga dios-dios saka mga bagay na gibo sa bulawan asin plata na kinonsagra sa mga dios-dios na idto. Pakalihis nin nagkapirang taon nin katoninongan,

Oseas 10:1

An Israel nakaagid sa balagon nin ubas na pano nin bunga. Kan magdakul an saiyang bunga, nagdakul man an pinatindog niyang mga altar. Kan mag-orog an bunga kan saiyang daga, orog man na naggayon an ginibo niyang sagradong mga hariging gapo na saiyang sinasamba.

Oseas 2:3

Kun dai siya mag-ontok, huhubaan ko siya arog kan aldaw na siya namundag. Iaarog ko siya sa sarong alang saka mayong tanom na daga, dangan magagadan siya sa paha.

Oseas 4:19

Dadarahon sinda sa harayo na garo ipinalid kan doros, asin magkakasoropog sinda huli kan saindang paganong mga sakripisyo.

Oseas 9:11

An kadakulaan nin Israel malayog paharayo siring sa sarong gamgam, asin dai na sinda mag-aaki; mayo na nin babaeng mabados asin mayo na nin aking ipapangidam.

Jonas 4:8

Pagsirang kan aldaw, ipinadara nin Dios an sarong mainit na doros hale sa sirangan, asin huli sa init kan aldaw na minatama sa payo ni Jonas, haros madismayo siya. Kaya minawot niyang magadan. Nagsabi siya, “Mas marahay pa sako an magadan ki sa mabuhay.”

Nahum 2:9

Samsamon nindo an plata! Samsamon nindo an bulawan! An syudad pano nin kayamanan!

Deuteronomio 33:17

Igwa kan kosog nin sarong toro si Jose, kan mga sungay nin lalaw na toro. An mga sungay niya iyo an rinibo ni Manases, asin an sampolong rinibo ni Efraim. Ini an isinusuag niya sa mga banwaan, sagkod na makaabot sinda sa mga poro kan kinaban.”