Oseas 13:10 - Marahay na Bareta Biblia

¹⁰ Naghagad kamo nin hade saka mga lider, alagad paano ninda ikakaligtas an nasyon?

Oseas 13:10 ပူးပေါင်းရင်းမြစ်များ

1 Mga Hade 12:20

Kan madangog kan bilog na Israel na nagbalik si Jeroboam hale sa Egipto, ipinaapod ninda siya sa katiriponan kan banwaan, asin ginibo siyang hade nin Israel. An tribu sana ni Juda an nagdanay na maimbod sa kapagarakian ni David.

2 Mga Hade 17:4

Alagad nagpadara si Hosea nin mga sugo ki So, an hade nin Egipto sa paghagad nin tabang, asin dai na siya nagbayad kan buhis ki Salmaneser arog kan ginigibo niya taon-taon. Kan maaraman ini ni Salmaneser, ipinadakop niya si Hosea saka ipinabilanggo.

Salmo 10:16

An Kagurangnan hade sagkod pa man. Mawawara sa saiyang daga an mga nagsasamba sa ibang dios.

Salmo 149:2

Mag-ogma ka, O Israel, huli kan saimong Kaglalang; mag-ogma kamo, mga aki nin Sion, huli kan saindong hade!

Salmo 44:4

Ika an sakuyang hade asin sakuyang Dios; ika an nagtatao nin kapangganahan ki Jacob.

Salmo 74:12

Alagad poon kaidto ika na an samuyang Hade, O Dios; dakul nang beses mo kaming ilinigtas.

Salmo 89:18

Kagurangnan, ika an nagpili kan samong parasurog; Banal na Dios nin Israel, ika an nagtao samo kan samong hade.

Isaias 33:22

Mayo nin kamugtakan an mga gakod sa mga barkong iyan; dai pwedeng bikladon an saindang mga layag! Satong sasamsamon an gabos na yaman kan mga kaiwal na hukbo; kadakul kaiyan, kaya maski an mga pilay na lalaki magkakaigwa kan saindang kahirasan. An Kagurangnan mismo an satong magigin hade; siya an magsasakop asin mag-iingat sa sato.

Isaias 43:15

Ako an Kagurangnan, an saindong banal na Dios. Ako an naglalang saimo, Israel, asin ako an saimong hade.”

Jeremias 2:28

“Haen an saindong mga dios-dios na ginibo nindo? Sa saindong kasakitan magpatabang kamo sainda—kun kaya ninda! Juda, an saimong mga dios-dios arog kadakul kan saimong mga syudad.

Jeremias 8:19

Dangoga! Sa bilog na daga nadadangog an kinurahaw kan sakong banwaan, “Mayo na daw sa Sion an Kagurangnan? Mayo na daw duman an hade nin Sion?” An Kagurangnan, an saindang hade nagsimbag, “Tadaw ta pinapaanggot nindo ako sa paagi kan pagsamba sa mga ladawan asin sa pagluhod sa mga dios-dios na dai nindo midbid saka mayo nin halaga?”

Mga Panambitan 4:20

Binihag ninda an ginikanan kan samong buhay, an hade na linahidan nin Kagurangnan, an samong sinarigan na maingat samo sa lambang parasalakay.”

Oseas 10:3

Dai mahahaloy, magsasabi an mga tawong ini, “Mayo kami nin hade huli ta dai kami natakot sa Kagurangnan. Alagad ano an magigibo nin sarong hade para sa samo?”

Oseas 13:4

Nagsasabi an Kagurangnan, “Ako an Kagurangnan na saindong Dios, na nangenot saindo paluwas sa Egipto. Mayo kamo nin ibang Dios kundi ako sana. Ako sana an saindong paraligtas.

Oseas 3:4

Sa siring na kamugtakan, mamumuhay na mayo nin mga hade o lider an mga Israelita; mayo nin mga sakripisyo o banal na mga hariging gapo, mayong mga dios-dios o mga ladawan na gagamiton sa pag-aram kan dai pa nangyayari.

Oseas 7:7

“Sa init kan saindang kaanggotan, ginadan ninda an saindang mga pamayo; saro-sarong ginadan ninda an saindang mga hade, alagad mayo nin namimibi sa sako sa paghagad nin tabang.”

Oseas 8:4

“Nagpili sinda nin mga hade, sa saindang sadiring kabotan. Nagbugtak sinda nin mga lider, alagad dai ko iyan aram. Sa paagi kan saindang plata saka bulawan, naggibo sinda nin mga dios-dios—para sa saindang kapahamakan.

Zacarias 14:9

Dangan paghahadean nin Kagurangnan an bilog na daga; sasambahon siya kan gabos bilang Dios asin mamimidbidan siya sa siring na ngaran.

Juan 1:49

Nagsabi si Natanael, “Rabbi, totoong ika an Aki nin Dios! Ika an Hade nin Israel!”

1 Samuel 8:7

Nagtaram saiya an Kagurangnan, “Dangoga an gabos na sinasabi saimo kan mga tawo, huli ta bakong ika an saindang hinaboan; ako an hinaboan ninda bilang saindang hade.