Oseas 12:2 - Marahay na Bareta Biblia

² An Kagurangnan igwa nin reklamo laban sa mga taga Juda; papadusahan man niya an Israel huli kan mga gawe kan saiyang namamanwaan. Babalosan niya sinda sosog sa saindang mga gibo.

Oseas 12:2 ပူးပေါင်းရင်းမြစ်များ

2 Mga Hade 17:4

Alagad nagpadara si Hosea nin mga sugo ki So, an hade nin Egipto sa paghagad nin tabang, asin dai na siya nagbayad kan buhis ki Salmaneser arog kan ginigibo niya taon-taon. Kan maaraman ini ni Salmaneser, ipinadakop niya si Hosea saka ipinabilanggo.

An Libro ni Job 15:2

“Minasimbag daw an tawong madonong sa paagi nin madoros na pakaaram, asin pinapano an saiyang hawak kan doros na hale sa sirangan?

Salmo 78:36

Alagad gabos kaputikan an saindang sinabi; an saindang itinaram bakong tudok sa boot.

Parahulit 5:15

An tawo huba kan maglaog sa kinaban; siring man, huba siyang mahale sa kinaban. Maski dakul an saiyang naginibo, mayo siyang madadara maski ano.

Isaias 10:12

Alagad nagtataram an Kagurangnan, “Kun matapos ko na an sakong ginigibo sa Bukid nin Sion asin sa Jerusalem, papadusahan ko an emperador nin Asiria huli kan saiyang kapaabaw-abawan saka kapalangkawan.”

Isaias 10:6

Isinusubol ko an Asiria sa pagsalakay kan mga bakong diosnon na nasyon, mga banwaan na nagpaanggot sakuya. Isinusubol ko sinda tanganing manamsam, manghabon, asin magtimaktimak sa mga banwaan na garo laboy sa mga tinampo.”

Isaias 24:21

Maabot an panahon na papadusahan nin Kagurangnan an mga kapangyarihan sa itaas asin an mga namamayo kan daga.

Isaias 3:11

Herak man sa mga maraot! Madatong sainda an kapahamakan, huli ta kun ano an saindang ginibo iyo man an gigibohon sainda.

Isaias 30:6

Iyo ini an mensahe nin Dios dapit sa mga hayop kan kalangtadan sa habagat: “An mga sugo naglakaw sa daga na pano nin pag-alaman, saen nag-eerok an mga leon asin saen igwa nin makamandag na mga halas saka naglalayog na mga dragon. Kinakargahan ninda an likod kan saindang mga asno saka mga kamelyo nin mahahalagang mga regalo para sa sarong nasyon na dai makakatao sainda nin tabang.

Isaias 59:18

Papadusahan niya an saiyang mga kaiwal sosog sa saindang ginibo, maski idtong mga nag-eerok sa harayong mga daga.

Jeremias 25:31

asin an tingog niya mag-aaniningal sa mga poro kan kinaban. An Kagurangnan igwa nin sumbong laban sa mga nasyon. Malaog siya sa paghukom sa gabos na tawo asin gagadanon niya an mga tampalasan. An Kagurangnan an nagtaram.’”

Oseas 2:13

Papadusahan ko siya huli kan mga panahon na liningawan niya ako, kan magsulo siya nin insenso ki Baal asin kan isulot niya an saiyang mga alahas tanganing lamagon an mga namomoot saiya. An Kagurangnan an nagtaram.

Oseas 4:1

An Kagurangnan igwa nin reklamo laban sa mga tawo na nag-eerok sa dagang ini. Dangoga, Israel, an sinasabi niya: “Mayo nin kaimbodan o pagkaherak sa daga, asin dai ako inaako kan mga tawo bilang Dios.

Oseas 4:9

Parehong padusa an aakoon nindo asin kan mga tawo. Papadusahan ko kamo asin papabayadon kan mga karatan na saindong ginigibo.

Oseas 7:1

“Sa mga panahon na boot ko nang bolongon an sakong banwaan na Israel asin pauswagon giraray sinda, mayo akong nahihiling kundi an saindang katampalasan na saindang ginigibo. Dinadaya ninda an saindang kapwa; sinasalakat ninda an mga harong; asin hinahabonan ninda an mga tawo sa mga tinampo.

Oseas 7:11

Nakakaarog sinda sa sarong salampati, mangmang asin mayong pakasabot; pakatapos na magpatabang sinda sa Egipto, nagduman sinda sa Asiria!

Oseas 7:2

Dai lamang naglaog sa saindang isip na magigiromdoman ko an gabos na karatan na ini; alagad napapalibotan sinda kan saindang mga kasalan, asin dai pwedeng dai ko mahiling an mga iyan.”

Oseas 8:10

Alagad titiponon ko na sinda asin papadusahan. Madali na sindang mamiripit sa kulog kun poonan na sindang apihon kan emperador nin Asiria.

Oseas 8:13

Nagdodolot sinda sako nin mga sakripisyo asin kinakakan ninda an laman kan mga sakripisyo. Alagad ako, an Kagurangnan, dai naoogma sainda, asin gigiromdomon ko ngunyan an saindang kasalan dangan papadusahan ko sinda huli kaiyan; ibabalik ko sinda sa Egipto!

Oseas 8:9

Matagas an saindang payo arog sa mga lalaw na asno; nagsadiri sinda nin dalan na lalakawan. Nagduman sinda sa Asiria tanganing magpatabang, asin nagbayad sinda sa ibang nasyon tanganing surogon sinda.

Oseas 9:15

Nagsasabi an Kagurangnan, “Nagpoon an mga maraot nindang gibo sa Gilgal. Duman nagpoon an pagkaongis ko sainda. Huli kan maraot na ginibo ninda, papahaleon ko sinda sa sakong daga, asin dai ko na sinda mamomotan; nagrebelde laban sako an gabos nindang lider.

Oseas 9:9

Mayo na sindang ibang ginigibo kundi karatan, siring kan yaon sinda sa Gibea. Gigiromdomon nin Dios an saindang kasalan asin papadusahan sinda huli kaiyan.

Amos 2:4

Nagtataram an Kagurangnan, “Paulit-ulit na nagkasala an mga taga Juda, asin huli kaiyan, papadusahan ko sinda. Tinalikodan ninda an sakong mga katukdoan asin dai inotob an sakong mga pagboot. Linagalag sinda kan parehong mga dios-dios na pinaglingkodan kan saindang mga ginikanan.

Mikas 6:2

Kamong mga bukid, asin kamo na nagdadanay na mga pundasyon kan daga; dangoga nindo an reklamo nin Kagurangnan. An Kagurangnan igwa nin reklamo laban sa saiyang banwaan. Sasangatan niya nin kaso an Israel.

Mateo 16:27

Huli ta maabot an Aki nin Tawo sa kamurawayan nin saiyang Ama kaiba an mga anghel, asin babalosan niya an lambang saro sosog sa saiyang mga naginibo.

Roma 2:6

Babalosan nin Dios an lambang saro sosog sa saiyang gibo.

Galacia 6:7

Dai nindo pagdayaon an sadiri nindo; an Dios dai maloloko nin siisay man. Kun ano an itinanom nin tawo, iyan man an saiyang aanihon.