Oseas 12:14 - Marahay na Bareta Biblia

¹⁴ Pinaanggot nin labi-labi kan mga Israelita an Kagurangnan; maninigo sindang magadan huli kan saindang mga ginibong karatan. Papadusahan sinda nin Kagurangnan huli kan kasosopgan na dinara ninda sa saiya.

Oseas 12:14 ပူးပေါင်းရင်းမြစ်များ

2 Samuel 1:16

asin sinabihan ni David an Amalekita, “Hinukoman mo an saimong sadiri kan sabihon mong ginadan mo an linahidan nin Kagurangnan.”

Ezekiel 18:10

“Halimbawa an tawong ini igwa nin aking lalaki na mahabon asin paragadan, na minagibo kan mga bagay

Ezekiel 18:13

dangan nagpapautang na may patubo. Mabubuhay daw siya? Dai nanggad! Ginibo niya an makauuyam na mga bagay na ini, kaya magagadan siya. Siya an babasolon sa sadiri niyang kagadanan.

Ezekiel 33:5

Siya an babasolon, huli ta dai niya pinahalagahan an patanid. Kun pinahalagahan kuta niya, nakadulag kuta siya.

Daniel 11:18

Pakatapos kaiyan, sasalakayon niya an mga nasyon sa tampi kan dagat asin sasakopon niya an kadaklan sainda. Alagad dadaogon siya kan sarong dayuhan na lider asin tataposon kaini an saiyang kapaabaw-abawan; sa katotoohan ipapakakan kan lider na ini sa hade nin Siria an kapalangkawan kaini.

Oseas 4:2

Nanunuga sinda alagad dai iyan inootob; nagpuputik sinda, nanggagadan, nanghahabon, asin nagdodorog sa bako nindang agom. Nagdadakul an krimen, asin sunod-sunod an garadanan.

Oseas 7:16

Padagos sinda sa pagtalikod sako asin minaduman sinda sa sarong dios-dios na mayong kapangyarihan. Dai sinda malalaoman siring sa sarong tiko na pana. Magagadan sinda sa espada huli kan kapalangkawan kan saindang mga lider, asin ngingisihan sinda kan mga taga Egipto.”

Mikas 6:16

Mangyayari iyan huli ta sinunod mo an mga maraot na gawe ni Hadeng Omri asin kan aki niyang si Ahab. Pinapadagos mo an saindang mga pagboot, kaya dadarahan taka nin karatan, asin pagngingisihan ka kan gabos. Pag-oolog-ologon ka kan mga tawo saen man na lugar.”

Deuteronomio 18:15

Masugo siya nin sarong propeta na arog sako hale sa saindong banwa, asin kukuyogon nindo siya.

Deuteronomio 18:18

Papadarahan ko sinda nin sarong propeta na arog saimo hale sa saindang banwaan; tataraman ko siya kun ano an saiyang sasabihon, asin ipapahayag niya sa mga tawo an gabos kong ipinagboboot.

Deuteronomio 28:37

Sa mga daga na pagdadarahan saindo nin Kagurangnan, pagngangalasan kamo, pag-oolay-olayan asin pagngingisihan.

1 Samuel 2:30

Ako, an Kagurangnan Dios nin Israel, nanuga kaidto na an saimong pamilya asin an saimong kamaganakan iyo an maglilingkod sako bilang padi sagkod lamang. Alagad dai na pwede iyan! Oomawon ko an mga tawong nag-oomaw sako, asin ikakaongis ko an mga naoongis sako.