Oseas 12:1 - Marahay na Bareta Biblia

¹ An gabos na ginigibo kan banwaan nin Israel poon sa pagkaaga sagkod sa pagkabanggi, mayong halaga asin nakakaraot. An lambang saro sainda orog na nagigin mapasaluib asin madahas; nakikipagtipan sinda sa Asiria asin nakikipagnegosyo sa Egipto.”

Oseas 12:1 ပူးပေါင်းရင်းမြစ်များ

Genesis 41:6

Dangan nagbuswak pa nin pitong puso na saradit asin tagiltilon huli sa init kan doros na hale sa desyerto.

2 Mga Hade 15:19

An Israel sinalakay ni Tiglat-pileser na emperador nin Asiria. Tinawan ni Menahem si Tiglat-pileser nin treynta y otso toneladang plata, tanganing makua sana an tabang niya sa pagpakosog kan saiyang kapangyarihan sa Israel.

2 Mga Cronica 21:11

Laen pa kaiyan nagbugtak siya nin paganong mga lugar na pagsasambahan sa kabubuldan nin Juda dangan pinangenotan an mga banwaan nin Juda asin nin Jerusalem sa pagsombikal sa Kagurangnan.

An Libro ni Job 15:2

“Minasimbag daw an tawong madonong sa paagi nin madoros na pakaaram, asin pinapano an saiyang hawak kan doros na hale sa sirangan?

Salmo 78:36

Alagad gabos kaputikan an saindang sinabi; an saindang itinaram bakong tudok sa boot.

Jeremias 2:36

Hinalean mo nin halaga an saimong sadiri huli sa pagsunod sa mga dios-dios kan ibang mga nasyon. Sosopogon ka kan Egipto, siring kan ginibo saimo kan Asiria.

Jeremias 22:22

Ipapalid kan doros an saindong mga lider, bibihagon an saindong mga kaalyansa, mawawaraan nin onra an saindong syudad asin mapapasopog, huli kan gabos na karatan na saindong ginibo.

Jeremias 7:15

Papahaleon ko kamo sa atubangan ko arog kan pagpahale ko sa saindong mga kadugo, an banwaan nin Israel. Ako, an Kagurangnan, an nagtaram.”

Mga Panambitan 5:6

Tanganing mabuhay, nakilimos kami nin pagkakan sa Egipto asin sa Asiria.

Ezekiel 17:10

Totoo, itinanom na iyan, alagad magtatalubo daw iyan asin mabubuhay? Dai daw iyan maaalang kun hampason iyan kan doros na gikan sa sirangan? Dai daw iyan maalang sa saiyang namumugtakan?”

Oseas 11:12

Nagsasabi an Kagurangnan, “Mga kaputikan saka pandadaya an ipinalibot sako kan banwaan nin Israel. An mga taga Juda padagos na nagrerebelde laban sako, an maimbod asin banal na Dios.

Oseas 11:9

Dai taka papadusahan sa sakong kaanggotan; dai ko na nanggad raraoton an Israel. Huli ta Dios ako asin bakong tawo. Ako, an Banal na Dios, kaibahan nindo. Dai ako madiyan saindo sa kaanggotan.

Oseas 4:15

“O Israel, maski dai ka nagin maimbod sako, an mga taga Juda dai man logod magkasala nin siring. Dai kamo magsamba sa Gilgal o sa Bet-Aven, ni magsumpa duman sa ngaran kan buhay na Kagurangnan.

Oseas 4:19

Dadarahon sinda sa harayo na garo ipinalid kan doros, asin magkakasoropog sinda huli kan saindang paganong mga sakripisyo.

Oseas 5:13

“Kan mamatean nin Israel an saiyang helang, asin kan mahiling nin Juda an sadiri niyang mga lugad, nagduman an Israel sa Asiria sa paghahagad nin tabang sa emperador, alagad dai niya kayang paomayan an Israel o bolongon an lugad nin Juda.

Oseas 7:1

“Sa mga panahon na boot ko nang bolongon an sakong banwaan na Israel asin pauswagon giraray sinda, mayo akong nahihiling kundi an saindang katampalasan na saindang ginigibo. Dinadaya ninda an saindang kapwa; sinasalakat ninda an mga harong; asin hinahabonan ninda an mga tawo sa mga tinampo.

Oseas 7:11

Nakakaarog sinda sa sarong salampati, mangmang asin mayong pakasabot; pakatapos na magpatabang sinda sa Egipto, nagduman sinda sa Asiria!

Oseas 8:7

Huli ta nagtanom sinda nin doros, mag-aani sinda nin bagyo! An trigo na dai namumunga, dai makukuahan nin arina. Alagad maski mamunga pa iyan, an mga dayuhan man sana an makakan kaiyan.