Oseas 11:8 - Marahay na Bareta Biblia

⁸ “Mapapabayaan taka daw, O Israel? Matitios ko daw na bayaan ka? Pwede daw na raoton taka siring kan ginibo ko sa Adma, o gibohon saimo an ginibo ko sa Zeboiim? Dai minatugot an sakong puso na gibohon ko iyan! Dakula nin marahay an sakong pagkamoot saimo.

Oseas 11:8 ပူးပေါင်းရင်းမြစ်များ

Genesis 14:8

Dangan an mga hade kan Sodoma, Gomorra, Adma, Zeboiim asin Bela nag-andam kan saindang hukbo asin duman sa Kapantayan nin Siddim nakigera sinda

2 Samuel 24:16

Kan an Jerusalem na an raraoton kan anghel nin Kagurangnan, nagliwat siya nin isip dapit sa pagpadusa sa mga tawo. Tinaraman niya an anghel na nanggagadan kan mga tawo, “Ontok! Tama na!” An anghel yaon duman sa may ginikan ni Arauna na Jebuseo.

1 Mga Hade 3:26

An tunay na ina, an saiyang puso pano nin pagkamoot sa saiyang aking lalaki, nagsabi sa hade, “Mahal na Hade, nakikimaherak ako na dai mo paggadanon an aki! Itao mo na sana saiya!” Alagad nagsabi an ikaduwang babae, “Hare pagtawan sa kiisay man samo an aki; baakon an aki.”

2 Mga Hade 13:23

alagad nagin maboot asin maheherakon sainda an Kagurangnan. Dai nagtugot an Kagurangnan na magadan sinda, kundi tinabangan niya sinda huli kan saiyang tipan ki Abraham, ki Isaac, asin ki Jacob. Dai niya nalingawan an saiyang banwaan.

2 Mga Cronica 36:15

An Kagurangnan, an Dios kan saindang mga ginikanan, danay na nagsugo nin mga propeta tanganing patanidan sinda, huli ta boot niyang iligtas sinda saka an Templo.

Salmo 106:45

Huli sainda giniromdom niya an saiyang tipan; asin sa kadakulaan kan danay niyang pagkamoot, naglumoy an saiyang boot.

Isaias 16:11

Kaya nag-aagrangay ako sa kamondoan para sa Moab asin para sa Kir-heres.

Isaias 63:15

Kagurangnan, dungawa kami hale sa langit, saen nag-eerok ka sa saimong kabanalan asin kamurawayan. Haen an saimong dakulang pagmakulog sa samo? Haen an saimong kapangyarihan? Haen an saimong pagkamoot asin pagkaherak? Hare kami pagpabayae.

Jeremias 18:8

alagad an nasyon na iyan magtalikod sa saiyang kasalan, dai ko idadagos an sinabi kong gigibohon ko.

Jeremias 3:12

Tinaraman niya ako na magduman sa Israel saka magsabi, “Bakong maimbod na Israel, magbalik ka sako. Dai taka aanggotan huli ta maheherakon ako. Dai ako maaanggot saimo sagkod pa man.

Jeremias 31:20

“Israel, ika an aki kong namomotan, an aki na sakong nawiwilihan. Kun nasasambit ko an saimong ngaran, ginigiromdom taka na may pagkamoot. Hinihidaw taka kaya maheherakan taka.

Jeremias 42:10

‘Kun magdanay kamo sa dagang ini, papatindogon ko kamo asin dai rurumpagon; itatanom ko kamo asin dai gagaboton. An karatan na dinara ko saindo nagin dahelan kan dakulang kamondoan ko.

Jeremias 9:6

Sunod-sunod na kadahasan an ginigibo ninda, asin an gibo nindang pandadaya mayo nin kataposan. An Kagurangnan nagsasabi na isinisikwal siya kan saiyang banwaan.

Jeremias 9:7

Huli kaini minasabi an Kagurangnan nin mga hukbo, “Lilinigan ko an sakong banwaan asin babaloon ko sinda. Huli ta ano pa an sakong magigibo para sa banwaan kong naggibo nin karatan?

Mga Panambitan 1:20

“Hilinga, Kagurangnan, an sakuyang kasakitan; an kalag ko nasa kahorasaan. Ronot na an sakuyang puso huli kan sakong mga kasalan. Igwa nin garadanan sa mga tinampo; minsan sa laog nin harong an kagadanan yaon man.

Mga Panambitan 3:32

Pwedeng darahan niya kita nin kamondoan, alagad an pagkamoot niya sato makusog asin masasarigan.

Mga Panambitan 3:33

An pagpapasakit o an pagpapamondo sato dai niya nawiwilihan.

Ezekiel 33:11

Sabihan mo sinda na mantang ako, an Kagurangnan Dios na buhay, dai ako naoogma kun nagagadan an sarong parakasala; kundi boot kong mag-ontok siya sa pagkakasala dangan mabuhay. Israel, ontoka an karatan na saimong ginigibo. Tadaw ta boot mong magadan?

Ezekiel 6:9

saen mamumuhay sinda sa pagkatapokan. Duman ninda ako magigiromdoman asin maaaraman ninda na pinadusahan saka hinahalean ko sinda nin onra, huli ta tinalikodan ako kan saindang bakong maimbod na mga puso asin pinaorog ninda an mga dios-dios ki sa sako. Ikakaongis ninda an saindang sadiri huli sa mga karatan saka makauuyam na mga bagay na saindang ginibo.

Oseas 6:4

Alagad nagsasabi an Kagurangnan, “Ano an gigibohon ko saimo Israel? Ano an gigibohon ko saimo Juda? Hidali sanang nawawara an saindong pagkamoot sako arog kan alopoop sa pagkaaga; nakakaagid iyan sa ambon na nawawara amay pa an aldaw.

Oseas 7:1

“Sa mga panahon na boot ko nang bolongon an sakong banwaan na Israel asin pauswagon giraray sinda, mayo akong nahihiling kundi an saindang katampalasan na saindang ginigibo. Dinadaya ninda an saindang kapwa; sinasalakat ninda an mga harong; asin hinahabonan ninda an mga tawo sa mga tinampo.

Amos 4:11

“Tinunaw ko an iba sa saindo arog kan ginibo kong pagtunaw sa Sodoma saka sa Gomorra. An mga natada sa saindo nakaarog sa naglalaad na sanga na kinua sa kalayo, alagad dai man giraray kamo nagbalik sa sako,” an sabi nin Kagurangnan.

Amos 7:3

Nagbago nin isip an Kagurangnan asin nagsabi, “Dai mangyayari an saimong nahiling.”

Amos 7:6

Nagbago nin isip an Kagurangnan asin nagsabi, “Dai man iyan mangyayari.”

Mikas 5:3

Kaya papabayaan nin Kagurangnan sa saindang mga kaiwal an saiyang banwaan sagkod na umabot an panahon na an babae mangaki nin aking lalaki. Dangan an saiyang kapwa mga Israelita na itinapok mabalik sa saindang banwaan nin Israel.

Sofonias 2:9

Mantang ako an Dios na buhay, an Dios nin Israel, minasumpa ako na matutunaw an Moab asin an Ammon arog sa Sodoma saka Gomorra. An mga lugar na iyan magigin mga kalot nin asin, dangan magigin raot sagkod lamang, na pano nin mga doot. An mga natatada sa sakong banwaan iyo an masamsam dangan masakop kan saindang daga.”

Mateo 23:37

“O Jerusalem, Jerusalem! Ginagadan mo an mga propeta asin ginagapo mo an mga sinugo nin Dios saimo! Pirang beses nang boot kong tiriponon an saimong mga aki, arog kan paglukob kan gunakan sa saiyang mga siwo, alagad habo ka!

Deuteronomio 29:22

“Sa maabot na mga henerasyon, an saindong mga kapagarakian sagkod an mga dayuhan na gikan sa mga harayong lugar makakahiling kan mga kasakitan saka mga kahelangan na ipinadara nin Kagurangnan sa saindong daga.

Deuteronomio 29:23

Magigin alang asin tutong an kaomahan na natatambonan nin asupre saka asin; dai iyan tatanoman asin dai tataluboan nin ano man maski kan doot. An saindong daga magigin siring sa mga syudad nin Sodoma saka Gomorra, nin Adma asin Zeboiim, na tinunaw nin Kagurangnan kan siya maanggot nin marahay.

Deuteronomio 32:36

Ililigtas nin Kagurangnan an saiyang banwaan, kun mahiling niyang mayo na sindang kapangyarihan. Maheherakan niya idtong mga naglilingkod saiya, kun mahiling niyang kadikit na sana sinda.

2 Pedro 2:6

Pinadusahan man nin Dios na magin abo an mga syudad nin Sodoma saka Gomorra nganing ipahiling an mangyayari ngapit sa mga tawong maraot.

Judas 1:7

Giromdoma nindo an Sodoma saka an Gomorra asin an mga kataed na syudad, na naggibo man nin karigsokan saka kadustaan, kaya pinadusahan sa paagi nin kalayong daing kataposan. Ini sarong patanid sa gabos.

Kapahayagan 11:8

asin mahuhutad an mga bangkay ninda sa dalan kan dakulang syudad, na inaapod man Sodoma, o Egipto, saen ipinako an saindang Kagurangnan.

Kapahayagan 18:18

kan mahiling ninda an aso kan saiyang pagkasulo, nagkurahaw sinda, “Mayo pa nin syudad na arog kadakula kan syudad na iyan!”

Hukom 10:16

Kaya hinarale ninda an saindang dayuhan na mga dios asin nagsamba sa Kagurangnan. Huli kaini, naherak giraray an Kagurangnan sa kamugtakan nin Israel.