Oseas 11:3 - Marahay na Bareta Biblia

³ Alagad ako an nagtukdo sa Israel sa paglakaw. Sa sakong mga kamot, kinilik ko an sakong banwaan, alagad dai ninda inako na sinda sakong inataman.

Oseas 11:3 ပူးပေါင်းရင်းမြစ်များ

Salmo 107:20

Ipinadara niya an saiyang tataramon asin binolong niya sinda, ilinigtas sinda sa lulubngan.

Exodo 15:26

Nagtaram siya, “Kun bilog na puso nindo akong susunodon huli kan paggibo nin matanos asin huli sa pag-otob kan sakong mga togon saka mga pagboot, dai ko kamo papadusahan kan arin man sa mga kahelangan na ipinadara ko sa mga Egipcio. Ako, an Kagurangnan an saindong parabolong.”

Exodo 19:4

Nahiling nindo kun ano an ginibo ko sa mga Egipcio asin kun paano ko kamo dinara sa sakuya siring sa pagdara kan agila sa saiyang siwo sa ibabaw nin saiyang pakpak.

Exodo 23:25

Kun ako, an Kagurangnan na saindong Dios, iyo sana an saindong sasambahon, bebendisyonan ko an saindong pagkakan asin inomon; dangan hahaleon ko saindo an gabos na helang.

Isaias 1:2

Pagdangog, O kalangitan, asin paghinanyog, O daga; huli ta nagtaram an Kagurangnan, “Nagpadakula ako nin mga aking lalaki, alagad nagrebelde sinda tumang sako.

Isaias 30:26

An liwanag kan bulan magigin siring sa aldaw, asin an aldaw magigin pitong beses an kaliwanagan ki sa dating liwanag kaini, arog sa liwanag nin pitong aldaw na nagliwanag sa saro sanang aldaw. An gabos na ini mangyayari kun bolongon dangan paomayan na nin Kagurangnan an mga lugad na itinao niya sa saiyang banwaan.

Isaias 46:3

“Dangoga nindo ako, mga kapagarakian ni Jacob, gabos na natada sa sakong banwaan. Inataman ko kamo poon kan kamo mamundag.

Isaias 63:9

sa saindang kasakitan. Bakong sarong anghel, kundi an Kagurangnan mismo an nagligtas sainda. Sa saiyang pagkamoot saka pagkaherak, tinubos niya sinda. Inataman na niya sinda kaidto pang panahon,

Jeremias 30:17

Itatao ko giraray saindo an marahay na hawak; bobolongon ko an mga lugad nindo maski nagsasabi an mga kaiwal nindo, ‘Isinikwal an Sion; mayo nin siisay man na nagmamakulog saiya!’ Ako, an Kagurangnan, an nagtaram.”

Jeremias 8:22

Mayo na daw nin mga bolong sa Gilead? Mayo na daw nin mga parabolong duman? Tadaw ta dai naoomayan an sakong banwaan?

Oseas 14:4

Nagsasabi an Kagurangnan. “Papabalikon ko giraray sako an sakong banwaan. Bilog na puso ko sindang mamomotan; bako na akong anggot sainda.

Oseas 2:8

Dai niya nanggad aakoon na ako an nagtao saiya nin trigo, arak, lana nin oliba, asin kan gabos na plata saka bulawan na ginamit niya sa pagsamba ki Baal.

Oseas 7:1

“Sa mga panahon na boot ko nang bolongon an sakong banwaan na Israel asin pauswagon giraray sinda, mayo akong nahihiling kundi an saindang katampalasan na saindang ginigibo. Dinadaya ninda an saindang kapwa; sinasalakat ninda an mga harong; asin hinahabonan ninda an mga tawo sa mga tinampo.

Oseas 7:15

Maski ngani ako an nagpadakula saka nagpakosog sainda, naggiribo sinda nin plano laban sako.

Mga Gibo 13:18

Sa laog nin kwarentang taon inataman niya sinda duman sa kalangtadan.

Deuteronomio 1:31

asin sa kalangtadan. Nahiling nindo kun paano niya kamo dinara sa lugar na ini, siring sa pagdara nin sarong ama sa saiyang aki.’

Deuteronomio 33:27

An daing tapos na Dios an saindong erokan; an saiyang mga kamot an saindong kakosogan. Inalaw niya an kaiwal sa saindong pagdangadang, asin nagtaram siya na sa saindong kamot sinda magagadan.

Deuteronomio 8:2

Giromdoma nindo kun paano kamo pinangenotan nin Kagurangnan, na saindong Dios, sa pagbaklay nindo sa desyerto sa laog nin kwarentang taon. Pinasakitan niya kamo sa pagbalo saindo, tanganing aramon an nasa puso nindo, kun makuyog kamo kan saiyang mga togon o dai.