Oseas 11:2 - Marahay na Bareta Biblia

² Alagad kan ako orog na mag-apod saiya, orog man siyang nagharayo sako. Nagsakripisyo ki Baal an sakong banwaan; nagtutong sinda nin insenso sa mga ladawan.

Oseas 11:2 ပူးပေါင်းရင်းမြစ်များ

1 Mga Hade 12:33

Kan ikakinseng aldaw kan ikawalong bulan, an aldaw na siya mismo an nagtalaan, nagduman siya sa Betel asin nagdolot nin sakripisyo sa altar sa pagselebrar kan pyesta na saiyang minukna para sa banwaan nin Israel.

1 Mga Hade 18:19

Ngunyan pagbotan mo an bilog na Israel na tagboon ako sa Bukid nin Carmelo. Padumanon mo man an kwatro syentos singkwentang propeta ni Baal, saka an kwatro syentos na propeta kan diosang si Asera na pinapakakan ni Jezebel.”

Nehemias 9:30

Dakul na taon matinios na pinatanidan mo sinda. Pinasabongan mo an saimong mga propeta tanganing magtaram sainda, alagad dai sinda nagdangog; kaya ipinasakop mo sinda sa ibang mga nasyon.

Isaias 65:7

huli kan mga kasalan ninda, asin kan kasalan kan saindang mga ginikanan. Nagtutong sinda nin mga insenso sa paganong mga lugar na pagsasambahan asin pinakaraot ako. Kaya papadusahan ko sinda sosog sa saindang mga ginibo.”

Jeremias 18:15

Alagad liningawan ako kan sakong banwaan; nagtututong sinda nin insenso sa mga dios-dios. Nagkadarapa sinda sa dalan na dapat nindang lakawan; dai na ninda sinusunod an dating mga agihan; naglalakaw sinda sa mga dalan na dai pa pinag-aagihan.

Jeremias 44:5

Alagad dai kamo naghinanyog ni nagkuyog. Dai nindo tinalikodan an saindong maraot na gawe nin pagdolot sa mga dios-dios.

Oseas 11:7

Boot nindang magsinutil sako. Maagrangay sinda huli kan sakal na pasan ninda, alagad mayo nin siisay man na mahale kaiyan.

Oseas 2:13

Papadusahan ko siya huli kan mga panahon na liningawan niya ako, kan magsulo siya nin insenso ki Baal asin kan isulot niya an saiyang mga alahas tanganing lamagon an mga namomoot saiya. An Kagurangnan an nagtaram.

Oseas 4:13

Nagdodolot sinda nin mga sakripisyo sa sagradong mga lugar sa ibabaw nin kabukidan, asin nagsusulo sinda nin insenso sa lindong nin mga haralangkaw saka marambong na mga kahoy sa kabubuldan, huli ta marahay an lindong duman! “Huli kaini, naglilingkod bilang mga maraot na babae an saindong mga aking babae, asin nagpapasambay an saindong mga manugang na babae.

Oseas 4:17

An mga taga Israel nadadara na kan kapangyarihan kan mga dios-dios; pabayaan na nindo sinda sa saindang gawe.

Zacarias 1:4

Dai kamo mag-arog sa saindong mga ginikanan. Haloy nang panahon an nag-agi kan itao sainda kan mga propeta an sakong mensahe, na magbakle na sinda sa maraot nindang pamumuhay. Alagad dai sinda nagdangog o nagkuyog sako.

Zacarias 7:11

“Alagad habo sindang maghinanyog. Sinerahan ninda an saindang mga isip

Lukas 13:34

“O Jerusalem, Jerusalem! Ginagadan mo an mga propeta asin ginagapo mo an mga sinugo nin Dios saimo! Pirang beses nang boot kong tiriponon an saimong mga aki arog kan paglukob nin sarong gunakan sa saiyang mga siwo, alagad habo ka!

Juan 3:19

Arog kaini an paagi kan paghukom; nagdigdi an ilaw sa kinaban, alagad orog na namotan kan tawo an kadikloman ki sa liwanag, huli ta maraot an mga gibo ninda.

Mga Gibo 7:51

“Matagas nanggad an saindong mga payo! Harayo sa Dios an saindong puso! Talagang bongog kamo sa mga tataramon nin Dios! Parareho sana kamo kan saindong mga ginikanan; kamo man danay na minatumang sa Espiritu Santo!

Hukom 10:6

Nagkasala giraray sa Kagurangnan an mga Israelita. Nagsaramba sinda sa mga Baal asin sa mga Astarte, patin sa mga dios-dios kan Siria, Sidon, Moab, Ammon asin Filistia. Binayaan ninda an Kagurangnan asin dai na nagsamba saiya.

Hukom 2:13

Nag-ontok sinda sa pagsamba sa Kagurangnan asin naglingkod sa mga Baal sagkod sa mga Astarte.

Hukom 3:7

Nalingawan nin Israel an Kagurangnan na saindang Dios; nagkasala sinda saiya asin nagsamba sa mga Baal sagkod sa mga Asera.