Oseas 11:1 - Marahay na Bareta Biblia

¹ Nagsasabi an Kagurangnan, “Kan an Israel aki pa, namotan ko siya, asin bilang aki kong lalaki inapod ko siya paluwas sa Egipto.

Oseas 11:1 ပူးပေါင်းရင်းမြစ်များ

Salmo 129:1

O Israel, sabihi kami kun paano ka pinasakitan kan saimong mga kaiwal poon kan ika aki pa.

Exodo 19:4

Nahiling nindo kun ano an ginibo ko sa mga Egipcio asin kun paano ko kamo dinara sa sakuya siring sa pagdara kan agila sa saiyang siwo sa ibabaw nin saiyang pakpak.

Exodo 4:22

Kaya sabihan mo siyang ako, an Kagurangnan, nagtaram kaini, ‘An Israel iyo an matua kong aking lalaki.

Exodo 4:23

Tugotan mong maghale an sakong aki tanganing sambahon ako; kun magsayuma ka, gagadanon ko an matua mong aking lalaki.’”

Isaias 43:4

Papabayaan ko an mga nasyon tanganing iligtas an saimong buhay, huli ta mahalaga ka sa sako, asin huli ta namomotan taka sako ginagalangan.

Jeremias 12:7

An Kagurangnan nagsasabi, “Binayaan ko an Israel; isinikwal ko an pinili kong nasyon. An mga tawong sakong namomotan itinao ko sa saindang mga kaiwal.

Jeremias 2:2

na ipahayag an mensaheng ini sa lambang saro sa Jerusalem. “Nagigiromdoman ko an saimong pagkamaimbod kan ika hoben pa, an saimong pagkamoot sako kan bago kitang kasalon; nagsunod ka sako sa kalangtadan, sa sarong daga na mayo nin maski anong tinanom.

Ezekiel 16:22

Sa makauuyam mong buhay bilang maraot na babae, dai mo man lamang nagiromdoman an mga aldaw kan ika aki pa—kan huba ka asin nagkakarigos sa sadiri mong dugo.”

Ezekiel 16:6

“Dangan nag-agi ako asin nahiling takang nagkakarigos sa sadiring dugo, alagad dai taka pinabayaan na magadan.

Oseas 10:15

Siring kaiyan an mangyayari saindo, mga taga Betel, huli kan dakulang karatan na saindong ginibo. Pagpoon pa sana kan ralaban, magagadan an hade nin Israel.”

Oseas 12:13

Nagsugo an Kagurangnan nin sarong propeta tanganing iluwas an banwaan nin Israel sa Egipto asin tanganing atamanon sinda.

Oseas 12:9

Alagad ako, an Kagurangnan na saindong Dios na nangenot saindo paluwas sa Egipto, an mapaerok giraray saindo sa mga tolda, arog kaidto kan magdatong ako saindo sa desyerto.

Oseas 13:4

Nagsasabi an Kagurangnan, “Ako an Kagurangnan na saindong Dios, na nangenot saindo paluwas sa Egipto. Mayo kamo nin ibang Dios kundi ako sana. Ako sana an saindong paraligtas.

Oseas 2:15

Itatao ko giraray saiya an mga ubasan na sadiri niya asin an Kapantayan nin Kasakitan gigibohon kong sarong pintoan nin paglaom. Sisimbagon niya ako duman siring kan ginibo niya kan hoben pa siya, kan mag-abot siya hale sa Egipto.

Malakias 1:2

An Kagurangnan nagtataram sa saiyang banwaan, “Danay takang namotan.” Alagad minasimbag sinda, “Paano mo ipinahiling an saimong pagkamoot samo?” Minasimbag an Kagurangnan, “Magtugang si Esau asin si Jacob, alagad orog kong namotan si Jacob dangan an saiyang kapagarakian.

Mateo 2:15

Duman sinda nag-erok sagkod na nagadan si Herodes. Nangyari ini tanganing maotob an itinaram nin Kagurangnan sa paagi kan propeta, “Inapod ko an sakong Aki hale sa Egipto.”

Deuteronomio 33:3

Namomotan nin Kagurangnan an saiyang banwaan; an mga sadiri niya, saiyang inaataman. Kaya nagduduko kita sa saiyang pamitisan, asin nagkukuyog kan saiyang mga kabotan.

Deuteronomio 7:7

“Namotan asin pinili kamo nin Kagurangnan bakong huli ta mas dakul kamo ki sa ibang banwaan kundi kamo pa ngani an pinakadikit sa gabos.