Oseas 10:4 - Marahay na Bareta Biblia

⁴ Mayo nin kahulogan an saindang mga sinasabi; naggibo sinda nin bakong totoong mga sumpa asin mayong halagang mga tipan. An hustisya nagin inhustisya, na nagtatalubo arog sa nakakahudong na doot sa sarong inaradong oma.

Oseas 10:4 ပူးပေါင်းရင်းမြစ်များ

Isaias 5:7

An ubasan kan Kagurangnan nin mga hukbo iyo an banwaan nin Israel asin an kalalakihan nin Juda iyo an saiyang mga piling tinanom. Naghanap siya nin hustisya, alagad nahiling niya an panggagadan. Naghanap siya nin katanosan, alagad inagrangay para sa hustisya an saiyang nadangog!

Oseas 4:2

Nanunuga sinda alagad dai iyan inootob; nagpuputik sinda, nanggagadan, nanghahabon, asin nagdodorog sa bako nindang agom. Nagdadakul an krimen, asin sunod-sunod an garadanan.

Oseas 6:7

“Alagad pakalaog ninda sa daga duman sa Adan, linapas tolos ninda an tipan.

Amos 5:7

Herak man saindo, kamo na nagbibiko kan hustisya asin nagdadaya kan deretso nin mga tawo!

Amos 6:12

Pinapadalagan daw sa kagapoan an kabayo? Ipinag-aarado daw an baka sa dagat? Alagad an hustisya ginibo nindong hudong asin an tama ginibo nindong sala.

Mga Gibo 8:23

Huli ta nahihiling kong pano ka nin mapait na pagkaori, dangan nagagapos ka nin kasalan.”

Roma 1:31

mga lolong, mga bakong maimbod, mga mayong puso asin pagkaherak sa kapwa.

Deuteronomio 29:18

Maglikay kamo ta tibaad igwa saindo digdi ngunyan nin lalaki o babae, pamilya o tribu na matalikod sa Kagurangnan na satong Dios, tanganing maglingkod sa mga dios-dios kan ibang nasyon. Nakakaagid ini sa sarong kahoy na nagin mapait asin nakakahudong an bunga.

Deuteronomio 31:16

Dangan nagtaram an Kagurangnan ki Moises, “Madali ka nang magadan; pagkagadan mo, masamba an banwaan na ini sa mga dios-dios sa dagang lalaogon ninda. Tatalikodan ninda ako asin lalapason an tipan na ginibo ko sainda.

Deuteronomio 31:17

Sa aldaw na iyan maaanggot ako sainda; papabayaan ko sinda asin magagadan sinda. Dakul na karatan saka kahaditan an maabot sainda, asin masasabotan ninda na an gabos na iyan nangyayari sainda huli ta ako, an saindang Dios, mayo na sa kaibahan ninda.

2 Timoteo 3:3

sinda magigin makuri, mayo nin pagkaherak, parapakaraot, maisog, saka maringis; ikakaongis ninda an marahay;

Hebreyo 12:15

Hingowahon nindo na mayo nin siisay man na magtalikod sa biyaya nin Dios; mayo nin siisay man saindo na magin siring sa sarong mapait na tanom na minatalubo saka ginigikanan nin karibokan asin nakakadigta sa dakul.