Oseas 10:12 - Marahay na Bareta Biblia

¹² Nagsabi ako, ‘Aradohon nindo asin tanoman nin katanosan an dai pa natatanoman na daga, dangan anihon an mga biyaya na magigin bunga kan saindong pagigin maimbod sako. Panahon na tanganing magbalik kamo sako, an saindong Kagurangnan, asin madatong ako dangan mawaras nin mga biyaya sa saindo.’

Oseas 10:12 ပူးပေါင်းရင်းမြစ်များ

Salmo 105:4

Hanapa nindo an Kagurangnan asin an saiyang tabang; danay na sambahon nindo siya.

Salmo 72:6

Siya magin logod siring kan uran sa kaomahan, siring kan tagiti na minahulog sa daga.

Mga Talinhaga 11:18

Mayong marahay na makukua an maraot na tawo, alagad an nagtatanom nin katanosan magkakamit nin marahay na balos.

Mga Talinhaga 18:21

An itinaram mo pwedeng magligtas o magraot nin buhay; kaya dapat mong kakanon an mga bunga kan saimong mga tataramon.

Parahulit 11:6

Magtanom ka sa aldaw asin man sa banggi, huli ta dai mo nanggad maaaraman kun an gabos na itinanom mo matalubo nin marahay o kun an saro mamumunga nin dakul ki sa saro.

Isaias 30:23

Sa panahon na magtanom kamo nin banhi, mapadara nin uran an Kagurangnan asin magkakaigwa nin dakul na sabsabon an saindong mga hayop.

Isaias 31:1

Herak man sa mga nagduduman sa Egipto nganing magpatabang! Nagsasarig sinda sa kosog kan hukbo nin Egipto—mga kabayo, mga karwahe, saka mga soldados. Alagad dai sinda nagsasarig sa Kagurangnan, an banal na Dios nin Israel, ni naghahagad saiya nin tabang.

Isaias 32:20

An gabos magigin maogma huli sa dakul na tubig para sa saindang tinanom asin huli sa ligtas na pasabsaban saen man na lugar para sa mga asno saka mga baka.

Isaias 44:3

“Tatawan ko nin tubig an napapahang daga asin papabuloson ko an mga salog sa mamarang daga. Iwawaras ko an sakong espiritu sa saimong kaakian asin an sakong biyaya sa saimong kapagarakian.

Isaias 45:8

An kapangganahan ipapadara ko hale sa langit arog sa uran; mabuka an daga tanganing akoon iyan, dangan mamumunga nin hustisya saka katalingkasan. Ako, an Kagurangnan, an magibong mangyari iyan.”

Isaias 48:18

“Kun saimo sanang dinangog an sakong katogonan siring kutana sa sarong salog an saindong katoninongan, asin siring sa mga alon nin dagat an saindong katanosan!

Isaias 5:6

Papabayaan kong magtalubo an mga doot; dai ko iyan tatakrasan ni babayoboon, kundi papataluboon ko an mga tonok. Pagbobotan ko an mga dampog na dai maghulog nin uran duman.”

Isaias 54:14

Papakosogon ka kan hustisya asin katanosan. Magigin ligtas ka sa nang-aapi asin sa takot.

Isaias 55:6

Hanapa nindo an Kagurangnan mantang makukua siya, pag-apod kamo saiya mantang harani siya.

Jeremias 50:4

Nagsasabi an Kagurangnan, “Pag-abot kan panahon na iyan, naghihibing maabot an mga taga Israel saka mga taga Juda, sa paghanap sako, na saindang Dios.

Ezekiel 34:26

“Bebendisyonan ko sinda asin tutugotan na mag-erok sa palibot kan sakong banal na bulod. Papadarahan ko sinda duman nin uran sa tamang panahon; an uran na iyan magigin sarong bendisyon.

Oseas 12:6

Kaya ngunyan, kamong mga kapagarakian ni Jacob, magsarig kamo sa saindong Dios, asin magbalik kamo saiya. Magin maimbod kamo saka matanos, asin maghalat kamo na may pakatios sa saindong Dios.

Oseas 14:1

Magbalik kamo sa Kagurangnan na saindong Dios, O banwaan nin Israel. An saindong kasalan iyo an nakapatumba saindo.

Oseas 6:3

Hingowahon tang mamidbidan an Kagurangnan. Madolok nanggad siya sato siring na an bagong aldaw minasirang, siring na an uran minabaribi kan daga.”

Oseas 8:7

Huli ta nagtanom sinda nin doros, mag-aani sinda nin bagyo! An trigo na dai namumunga, dai makukuahan nin arina. Alagad maski mamunga pa iyan, an mga dayuhan man sana an makakan kaiyan.

Amos 5:15

Kaongisan nindo an maraot, kamotan an tama, asin papagdanayon an hustisya sa mga hukoman; tibaad pa maherakan nin Kagurangnan an mga tawo sa nasyon na ini na nagkakaburuhay pa.

Amos 5:4

An Kagurangnan nagtataram sa banwaan nin Israel, “Madya kamo sa sako, asin mabubuhay kamo.

Amos 5:6

Magdolok kamo sa Kagurangnan, asin mabubuhay kamo. Kun dai kamo magdolok saiya, maabot siya sa banwaan nin Israel siring sa kalayo. Susuloon kan kalayong iyan an mga taga Betel, asin mayo nin siisay man na makakasigbo kaiyan.

Amos 5:8

An Kagurangnan an naggibo kan mga bitoon, kan Pleiades asin kan Orion. Pinapangagin niyang kaliwanagan an kadikloman, asin an aldaw pinapangagin niyang banggi. Inaapod niya an katubigan kan dagat dangan inuula niya iyan sa kinaban. Kagurangnan an saiyang ngaran.

Lukas 13:24

“Maghingowa kamong makalaog sa hayakpit na pintoan; huli ta sinasabihan ko kamo na dakul an maghihingowang maglaog diyan alagad dai makakalaog.

Mga Gibo 2:18

Iyo, maski an sakong mga oripon, lalaki man o babae, papahiligon ko kan sakong Espiritu sa mga aldaw na iyan, dangan maghuhula sinda.

2 Corinto 9:10

An Dios, na nagtatao nin banhi sa paratanom saka nin tinapay bilang kakanon, iyo man an matao saindo kan gabos na banhi na kaipuhan nindo. Papataluboon niya iyan, tanganing dakul an magin bunga kan saindong pagkamatinao.

Santiago 3:18

Asin an katanosan iyo an bunga kan itinanom sa katoninongan kan mga parapatoninong.