Oseas 1:1 - Marahay na Bareta Biblia

¹ Ini an mensahe na itinao nin Kagurangnan ki Oseas na aking lalaki ni Beeri kan panahon na si Uzzias, Jotam, Ahaz, saka si Ezekias iyo an nagin mga hade nin Juda, asin kan si Jeroboam na aking lalaki ni Jehoas iyo an hade nin Israel.

Oseas 1:1 ပူးပေါင်းရင်းမြစ်များ

2 Mga Hade 13:13

Nagadan si Jehoas asin ilinubong sa lulubngan kan mga hade sa Samaria. Si Jeroboam Ika Duwa na aki niyang lalaki iyo an nagsalihid saiya bilang hade.

2 Mga Hade 14:16

Nagadan si Jehoas asin ilinubong sa lulubngan kan mga hade sa Samaria. Si Jeroboam Ika Duwa na saiyang aking lalaki iyo an nagsalihid saiya bilang hade.

2 Mga Hade 14:23

Kan ikakinseng taon kan paghahade ni Amazias na aking lalaki ni Joas, nagin hade nin Israel si Jeroboam na aking lalaki ni Jehoas; kwarenta y unong taon siyang naghade sa Samaria.

2 Mga Hade 15:32

Kan ikaduwang taon kan paghahade sa Israel ni Peka na aking lalaki ni Remalias, nagin hade nin Juda si Jotam na aking lalaki ni Uzzias.

2 Mga Hade 15:5

Pinadusahan nin Kagurangnan si Uzzias kaya nagkaigwa siya nin nakakatakot na helang sa kublit sagkod na siya magadan. Nag-erok siya sa sarong siblag na harong. Si Jotam na aki niyang lalaki iyo an namahala kan saiyang harong asin nagpadalagan kan banwaan.

2 Mga Hade 15:7

Nagadan si Uzzias asin ilinubong sa Syudad ni David, sa lulubngan kan mga hade. Si Jotam na saiyang aking lalaki iyo an nagsalihid saiya bilang hade.

2 Mga Cronica 27:1

Beynte y singko an edad ni Jotam kan siya magin hade, asin dyes y seis na taon siyang naghade sa Jerusalem. An saiyang ina iyo si Jerusa na aki ni Zadok.

2 Mga Cronica 28:1

Beynteng taon an edad ni Ahaz kan siya magin hade, asin dyes y seis na taon siyang naghade sa Jerusalem. Dai niya inarog si David na saiyang ginikanan, kundi ginibo niya an bakong matanos sa atubang nin Kagurangnan

2 Mga Cronica 29:33

Nagdara man sinda nin mga dolot na kakakanon kan mga tawo: seis syentos na torong baka saka tres mil na mga karnero.

Isaias 1:1

Nasa librong ini an bisyon na nahiling ni Isaias, na aking lalaki ni Amoz, dapit sa Juda asin sa Jerusalem kan panahon kan paghahade sa Juda ni Uzzias, ni Jotam, ni Ahaz asin ni Ezekias.

Isaias 7:1

Kan si Hadeng Ahaz, na aking lalaki ni Jotam asin makoapo ni Uzzias, iyo an naghahade sa Juda, nagtukad pasiring sa Jerusalem si Rezin na hade nin Siria, asin si Peka na aking lalaki ni Remalias na hade nin Israel, tanganing salakayon an syudad alagad dai ninda nakayang salakayon ini.

Jeremias 1:2

Kinaolay siya nin Kagurangnan kan ikatreseng taon nin paghahade sa Juda ni Josias, na aking lalaki ni Ammon.

Jeremias 1:4

Tinaraman ako nin Kagurangnan,

Ezekiel 1:3

Duman sa Babilonia, sa tampi kan Salog nin Kebar, nadangog kong nagtataram sako an Kagurangnan, asin namatean ko an saiyang kapangyarihan.

Joel 1:1

Iyo ini an mensahe nin Kagurangnan ki Joel na aking lalaki ni Petuel.

Amos 1:1

Iyo ini an mga tataramon ni Amos, an pastor hale sa banwa nin Tekoa. Duwang taon bago an paglinog, kan si Uzzias iyo pa an hade nin Juda asin si Jeroboam na aking lalaki ni Jehoas iyo man an hade nin Israel, ipinahayag nin Dios ki Amos an mga bagay na ini manongod sa Israel.

Jonas 1:1

Sarong aldaw, nagtaram an Kagurangnan ki Jonas na aking lalaki ni Amittai.

Mikas 1:1

Kan panahon na si Jotam, Ahaz, asin Ezekias iyo an mga hade nin Juda, tinawan nin Kagurangnan si Mikas, na taga Moreset, kan mensaheng ini. Ipinahayag nin Kagurangnan ki Mikas an gabos na bagay na ini dapit sa Samaria saka sa Jerusalem.

Zacarias 1:1

Kan ikawalong bulan kan ikaduwang taon kan pagigin emperador ni Dario sa Persia, nag-abot an tataramon nin Kagurangnan ki Zacarias na aking lalaki ni Berekias asin makoapo ni Iddo.

Juan 10:35

Mga dios an apod kan Katogonan sa mga pinaniwalaan kan tataramon nin Dios asin dai pwedeng masudyaan an sinasabi sa kasuratan.

Roma 9:25

Ini an sinabi niya sa libro ni Oseas: “An banwaan na bako kong sadiri, aapodon kong ‘banwaan ko’; an nasyon na dai ko namotan kaidto, aapodon kong ‘sakong namomotan.’

2 Pedro 1:21

Huli ta mayo nin propesiya na gikan sa kabotan kan tawo; kundi sa irarom kan kapangyarihan kan Espiritu Santo, an mga tawo nagtataram kan mensahe na hale sa Dios.