Nehemias 9:8 - Marahay na Bareta Biblia

⁸ Nahiling mo na maimbod siya saimo, kaya nakipagtipan ka saiya. Nanuga ka saiya na itatao mo sa saiyang kapagarakian an daga kan mga Cananeo, mga Heteo, mga Amoreo, mga Pereseo, mga Jebuseo, asin mga Gergeseo. Inotob mo an saimong panuga, huli ta ika matanos.

Nehemias 9:8 ပူးပေါင်းရင်းမြစ်များ

Genesis 12:7

Nagpahiling an Kagurangnan ki Abram asin nagtaram saiya, “Iyo ini an daga na itatao ko sa saimong mga kapagarakian.” Kaya naggibo siya duman nin altar para sa Kagurangnan na nagpahiling saiya.

Genesis 15:6

Nagtubod si Abram sa Kagurangnan, asin huli kaini, ibinilang nin Kagurangnan an pagtubod ni Abram bilang sarong katanosan.

Genesis 22:12

“Dai mo pagkulogan an aki o paggibohan nin ano man,” an sabi kan anghel. “Ngunyan, aram ko nang igwa kang pagkatakot sa Dios, huli ta dai mo isinayuma an saimong bugtong na aki kan hagadon ko siya saimo.”

2 Samuel 22:31

An Dios na ini—marahayon an mga gibo! An saiyang mga panuga totoong masasarigan! Siya an kalasag nin gabos na minapaataman saiya.

1 Mga Cronica 1:14

Si Canaan iyo man an ginikanan kan mga Jebuseo, Amoreo, Gergeseo,

1 Mga Cronica 16:16

tipan na ginibo niya ki Abraham, panuga na isinumpa niya ki Isaac,

Esdras 9:15

Matanos ka, O Kagurangnan na Dios nin Israel, huli ta may natada samong buhay. Ikinukumpisal nyamo saimo an samong mga kasalan; bako kaming maninigo na magdolok sa saimong atubang.”

Nehemias 9:33

Nagin matanos ka sa pagpadusa sa samo; nagin maimbod ka, maski ngani kami nagkasala.

Salmo 116:5

An Kagurangnan maugayon asin matanos; maheherakon an satong Dios.

Exodo 3:17

Nangangako ako na iluluwas ko sinda sa Egipto na nag-ooripon sa sainda asin dadarahon ko sinda sa mayaman saka matubang na daga kan mga Cananeo, Heteo, Amoreo, Perezeo, Heveo, asin Jebuseo.

Exodo 3:8

kaya naghilig ako tanganing iligtas sinda sa mga Egipcio asin darahon sa dagang matubang, mahiwas asin mayaman sa gabos na bagay. Dadarahon ko sinda sa dagang pinag-eerokan ngunyan kan mga Cananeo, Heteo, Amoreo, Perezeo, Heveo asin Jebuseo.

Ezekiel 33:24

“Aki nin tawo, an mga nag-eerok sa mga rumpag na syudad kan daga nin Israel nagsasarabi: ‘Saro sana si Abraham alagad itinao saiya an bilog na daga. Ngunyan mas dakul na kita, kaya satuya na an daga.’

Mga Bilang 13:29

An mga Amalekita nag-eerok sa habagat na parte kan daga nin Canaan; an mga Heteo, Jebuseo, asin Amoreo nag-eerok sa mabulod na daga, asin an mga Cananeo nag-eerok sa baybayon kan Dagat nin Mediteraneo dangan sa pangpang kan Salog nin Jordan.”

Mga Bilang 23:19

An Dios bakong siring sa mga tawo na nagpuputik; Bako siyang tawo na nagbabago nin isip. An ano man na ipinanuga niya, ginigibo niya; Minataram siya, asin nangyayari iyan.

Mga Gibo 13:22

Pakahalea ki Saulo, ginibo nin Dios si David na magin hade ninda. Ini an sinabi nin Dios dapit saiya, ‘Nahiling ko ki David na aki ni Jesse an lalaking oyon sa puso ko. Siya an tawong maotob kan gabos kong kabotan.’

Deuteronomio 26:3

Magduman kamo sa padi na naglilingkod sa panahon na iyan, asin sabihan nindo siyang, ‘Ipinapahayag nyamo sa Kagurangnan na samong Dios na yaon na kami digdi sa dagang ipinanuga niya sa samong mga ginikanan na itatao samo.’

Deuteronomio 32:4

“An Kagurangnan an saindong paraligtas, sa gabos niyang gibo, matanos asin mayong kakulangan. Dios na maimbod asin mayong karatan; matanos siya asin banal.

Deuteronomio 7:1

“Dadarahon kamo nin Kagurangnan na saindong Dios duman sa dagang sasakopon nindo, asin papahaleon niya duman an dakul na banwaan. Sa pagdangadang nindo, aalawon niya an pitong nasyon na orog na dakula asin mapangyari ki sa saindo: an mga Heteo, Gergeseo, Amoreo, Cananeo, Perezeo, Heveo, asin Jebuseo.

Deuteronomio 9:5

Itatao niya saindo an daga ninda bakong huli ta mga marahay kamo asin tama an ginigibo nindo. Papahaleon sinda nin Kagurangnan huli ta mga maraot sinda asin huli ta boot niyang otobon an saiyang panuga sa saindong mga ginikanan, ki Abraham, ki Isaac saka ki Jacob.

Tito 1:2

basado sa paglaom tang magkaigwa nin buhay na daing kataposan. An Dios, na dai nagpuputik, nanuga sato kan buhay na iyan bago pa lalangon an kinaban.

Hebreyo 11:17

Huli sa pagtubod, idinolot ni Abraham an saiyang aking si Isaac bilang atang, kan baloon siya nin Dios. Maski siya an pinanugaan nin Dios, andam si Abraham na iatang an bugtong niyang aki.

Hebreyo 6:18

Kaya an sumpa saka an panuga iyo an duwang bagay na dai maliliwat, asin dapit kaini an Dios dai nanggad magpuputik. Kaya kita na nakakua saiya nin pailihan, minakosog an boot na magsarig sa paglaom na itinao niya sato.

Josue 11:23

Sinakop ni Josue an bilog na daga, siring sa ipinagboot nin Kagurangnan ki Moises. Binaranga ni Josue an daga bilang pamana sa lambang tribu nin Israel. Dangan nagpahingalo sa pakigera an mga tawo.

Josue 11:3

Nagpasabi man siya sa mga Cananeo sa mag-ibong na gilid kan Jordan, sa mga Amoreo, Heteo, Perezeo, asin sa mga Jebuseo na nag-eerok sa kabubuldan, siring man sa mga Heveo na nag-eerok sa pamitisan kan Bukid nin Hermon sa daga nin Mizpa.

Josue 23:14

“Madali na akong magadan. Nakakaaram sa saiyang puso asin kalag an lambang saro sa saindo, na itinao saindo nin Kagurangnan an gabos na marahay na bagay na saiyang ipinanuga. Inotob niya an lambang panuga; mayong nasudya minsan saro.

Josue 9:1

An mga kapangganahan kan Israel nabaretaan kan gabos na hade sa solnopan kan Jordan—sa kabubuldan, sa kababan, asin sa baybayon kan Dagat nin Mediteraneo sagkod sa Lebanon, sa parteng amihan. Sinda iyo an mga hade kan mga Heteo, Amoreo, Cananeo, Perezeo, Heveo, asin mga Jebuseo.

1 Juan 1:9

Alagad kun ikumpisal ta sa Dios an satong mga kasalan, lilinigan niya kita saka papatawadon; lilinigan kita kan gabos tang kasalan, huli ta maimbod siya asin matanos.