Nehemias 9:6 - Marahay na Bareta Biblia

⁶ Dangan an banwaan nin Israel namibi nin siring: “Kagurangnan, ika sana an Kagurangnan; linalang mo an kalangitan asin an mga bitoon sa kaitaasan. Linalang mo an daga saka an dagat, asin an gabos na yaon diyan; ika an nagtao nin buhay sa gabos. An langitnon na hukbo nagsasamba saimo.

Nehemias 9:6 ပူးပေါင်းရင်းမြစ်များ

Genesis 1:1

Sa kapinonan, kan lalangon nin Dios an kalangitan asin an daga,

Genesis 1:9

Dangan nagboot an Dios, “Magkatiripon sa saro sanang lugar an katubigan sa irarom kan kalangitan tanganing mahiling an mamarang kadagaan,” asin ini nangyari.

Genesis 2:1

Kaya nahaman an kalangitan asin an daga.

Genesis 32:2

Kan mahiling niya sinda, nagsaboot siya, “Kampo ini nin Dios!” Kaya an lugar inapod niyang Mahanaim.

1 Mga Hade 22:19

Nagpadagos si Micaias, “Hinanyoga ngunyan an tataramon nin Kagurangnan! Nahiling ko an Kagurangnan na nagtutukaw sa saiyang trono kaiba an saiyang mga anghel na nagtitindog sa too niya asin sa wala.

1 Mga Hade 8:27

“Alagad pwede daw na mag-erok sa daga an Dios? Kun an pinakahalangkaw na kalangitan dai ngani nagkakanigo saimo, gurano pa daw an Templong ini na sakuyang ipinatugdok?

2 Mga Hade 19:15

dangan namibi, “O Kagurangnan, Dios nin Israel, na nakatukaw sa trono sa ibabaw kan mga Kerubin. Ika sana an Dios kan gabos na kahadean sa daga. Ika an naglalang kan langit asin daga.

2 Mga Hade 19:19

O Kagurangnan na samong Dios, nakikimaherak ako, iligtas mo kami sa mga taga Asiria, tanganing maaraman kan mga nasyon sa kinaban na ika sana, O Kagurangnan, an Dios.”

Nehemias 9:5

Dangan nagsabi an mga Levita na si Jesua, Kadmiel, Bani, Hasabneias, Serebias, Odias, Sebanias, asin Petahias; “Magtirindog kamo asin mag-omaw sa Kagurangnan na saindong Dios, sa panahon na daing kasagkoran! Omawon an mamurawayon niyang ngaran na ilinangkaw sa ano man na bendisyon asin kaomawan.”

Salmo 102:25

Kaidto saimong linalang an daga; asin an kalangitan hinaman kan saimong kamot.

Salmo 103:21

Mag-omaw kamo sa Kagurangnan, kamo gabos na saiyang hukbo, kamong mga sorogoon niya na nag-ootob kan saiyang kabotan!

Salmo 115:15

Bendisyonan logod kamo nin Kagurangnan, na naggibo kan langit asin kan daga!

Salmo 124:8

An satong tabang yaon sa ngaran nin Kagurangnan, na naggibo kan langit asin daga.

Salmo 146:6

Sa Dios na Kaglalang kan langit asin daga, kan dagat asin kan gabos na yaon sa mga ini. Danay niyang inootob an saiyang mga panuga;

Salmo 24:10

Siisay ining hade nin kamurawayan? An Kagurangnan nin mga hukbo—siya an hade nin kamurawayan.

Salmo 33:6

Sa pagboot nin Kagurangnan, nalalang an kalangitan, an aldaw, an bulan asin an mga bitoon huli kan saiyang tataramon.

Salmo 36:6

Arog sa kabukidan nin Dios an saimong katanosan; an saimong mga paghukom arog sa dakulang kairaroman. Tawo asin hayop saimong inaataman.

Salmo 86:10

Dakula ka asin naggigibo nin mga ngangalasan; ika sana nanggad an Dios.

Isaias 37:16

“O Kagurangnan nin mga hukbo, Dios nin Israel, na nagtutukaw sa trono sa itaas kan mga kerubin, ika sana an Dios kan gabos na kahadean sa daga. Ika an naglalang kan langit asin kan daga.

Isaias 37:20

Kaya ngunyan, O Kagurangnan na samong Dios, ligtasan kami sa emperador nin Asiria, tanganing maaraman kan gabos na kahadean sa kinaban na ika nanggad sana an Kagurangnan.”

Isaias 43:10

“Banwaan nin Israel, kamo an sakong mga saksi; pinili ko kamo nganing magin sorogoon ko, tanganing mamidbidan nindo ako asin magtubod kamo sa sako patin masabotan nindo na ako sana an Dios. Pwera sako, mayo na nin ibang dios; mayo nanggad kaidto asin dai nanggad magkakaigwa.

Isaias 44:6

An Kagurangnan, na naghahade asin nagsusurog sa Israel, an Kagurangnan nin mga hukbo, nasasabi kaini: “Ako an enot, an huri, an iyo sanang Dios; pwera sako mayo na nin ibang Dios.

Isaias 44:8

Dai kamo matakot, sakong banwaan! Aram nindo na poon pa kaidto sagkod ngunyan hinulaan ko na an gabos na mangyayari, asin kamo an sakong mga saksi. Igwa pa daw nin ibang Dios? Igwa daw nin mapangyaring dios na dai ko pa nadangog?”

Isaias 45:12

Ako an naggibo kan kinaban asin naglalang kan katawohan nganing mag-erok diyan. Inunat ko an kalangitan huli sa sakong kapangyarihan; pinagbobotan ko an aldaw, an bulan, asin an kabitoonan.

Jeremias 32:17

“O Kagurangnan Dios, ginibo mo an kalangitan asin an daga huli kan dakula mong kapangyarihan saka kosog; mayo nin dipisil para saimo.

Ezekiel 20:11

Itinao ko sainda an sakong pagboot asin tinukdoan ko sinda kan sakong mga katogonan, na magdadara nin buhay sa kiisay man na nagkukuyog kan mga iyan.

Jonas 1:9

Nagsimbag si Jonas, “Hebreyo ako. Nagsasamba ako sa Kagurangnan, an Dios nin langit, an naglalang kan daga asin kan dagat.”

Juan 10:30

Ako asin an Ama saro.”

Mga Gibo 4:24

Kan madangog ninda ini, sararo sindang namibi sa Dios, “Kagurangnan, na Kaglalang kan langit, kan daga, kan dagat, asin kan gabos na yaon diyan,

Deuteronomio 10:14

Sadiri nin Kagurangnan na saindong Dios an pinakahalangkaw na kalangitan; sadiri man niya an daga asin an gabos na yaon diyan.

Deuteronomio 32:39

“‘Ako, asin ako sana, an Dios; mayo na nin ibang totoong dios. Nakakagadan ako saka nakakabuhay; nakakalugad saka nakakapaomay, asin mayong makakaolang sa gigibohon ko.

Deuteronomio 6:4

“Dangoga, O Israel! An Kagurangnan—asin an Kagurangnan sana—iyo an satuyang Dios.

Hebreyo 1:3

Nasasalming saiya an kamurawayan nin Dios; siya an tunay na ladawan kan saiyang pagka-Dios. Iniingatan niya an gabos sa paagi kan mapangyari niyang tataramon. Pakalinigi niya kan mga tawo kan saindang mga kasalan, nagtukaw siya duman sa langit sa too nin Dios, an Pinakamapangyari sa gabos.

Hebreyo 1:6

Kan madali nang ipadara nin Dios sa kinaban an panganay niyang Aki, nagsabi siya, “Dapat siyang sambahon kan gabos na anghel nin Dios.”

Kapahayagan 14:7

Nagtaram siya sa makosog na tingog, “Matakot kamo sa Dios asin omawon nindo siya, huli ta nag-abot na an panahon nin saiyang paghukom sa katawohan. Sambahon nindo an Kaglalang kan langit, daga, dagat saka kan mga burabod!”

Kapahayagan 4:11

“Samong Kagurangnan asin Dios! Maninigo kang mag-ako nin kamurawayan, kaomawan saka kapangyarihan. Huli ta linalang mo an gabos na bagay, nabubuhay sinda asin nagdadanay huli kan saimong kabotan.”