Nehemias 9:32 - Marahay na Bareta Biblia

³² “O Dios, samuyang Dios, dakula kang gayo, makangirhat asin mapangyari! Inootob mo an tipan asin ipinapahiling mo an danay na pagkamoot. Dai mo man logod ibilang na kadikit sanang kasakitan an nag-abot samuya, poon kan apihon kami kan mga hade nin Asiria asin sagkod ngunyan; mga kasakitan na nag-abot sa samuyang mga hade, mga lider, mga padi, asin mga propeta, sa samuyang mga ginikanan asin sa bilog na banwaan.

Nehemias 9:32 ပူးပေါင်းရင်းမြစ်များ

1 Mga Hade 8:23

asin namibi, “O Kagurangnan, Dios nin Israel, mayo nin Dios na arog saimo sa langit asin sa daga! Inootob mo an saimong tipan sa saimong banwaan asin ipinapahiling mo an danay mong pagkamoot sa mga sorogoon mong bilog na pusong nagkukuyog saimo.

2 Mga Hade 15:19

An Israel sinalakay ni Tiglat-pileser na emperador nin Asiria. Tinawan ni Menahem si Tiglat-pileser nin treynta y otso toneladang plata, tanganing makua sana an tabang niya sa pagpakosog kan saiyang kapangyarihan sa Israel.

2 Mga Hade 15:29

Sa panahon kan paghahade ni Peka, an Israel sinalakay ni Tiglat-pileser, an emperador nin Asiria, asin nasakop niya an Ijon, Abel-bet-maaca, Janoa, Kedes, Hazor, Gilead, saka Galilea asin an bilog na daga nin Neftali; an mga nag-eerok digdi dinara niyang bihag sa Asiria.

2 Mga Hade 17:23

sagkod na pinara sinda nin Kagurangnan sa saiyang panhiling, siring kan saiyang itinaram sa paagi kan gabos niyang propeta na saiyang mga sorogoon. Kaya itinapok an Israel sa Asiria, saen nag-eerok sinda sagkod ngunyan.

2 Mga Hade 17:3

Nakigera si Salmaneser na emperador nin Asiria laban ki Hosea; nagsuko si Hosea ki Salmaneser asin nagbuhis saiya taon-taon.

2 Mga Hade 17:6

Kan ikasiyam na taon kan paghahade ni Hosea, nasakop kan emperador nin Asiria an Samaria. An mga Israelita dinara niya sa Asiria bilang mga bihag, dangan pinaerok sa syudad nin Hala, asin sa harani kan salog nin Habor sa distrito nin Gozan, saka sa mga syudad nin Media.

2 Mga Hade 23:29

Kan panahon niya, pinangenotan ni Neco, na hade nin Egipto, an sarong hukbo pasiring sa Salog nin Eufrates tanganing tabangan an emperador nin Asiria. Hiningowa ni Hadeng Josias na paontokon an hukbo nin Egipto duman sa Megido, alagad nagadan siya sa gera.

2 Mga Hade 25:7

Ginadan ninda an mga aking lalaki ni Zedekias mantang naghihiling ini, dangan ipinahulwat ni Nebukadnezzar an mga mata ni Zedekias, pinakadenahan saka ipinadara sa Babilon.

Esdras 4:10

kaiba an gabos na tawo na pinahale kan dakula saka mapangyaring si Asurbanipal sa saindang mga harong dangan pinaerok sa syudad nin Samaria asin sa iba pang probinsya sa ibong kan Salog nin Eufrates.”

Esdras 4:2

nagduman sinda ki Zerubabel saka sa mga pamayo kan mga kamaganakan dangan nagsabi, “Tugotan nindo kaming magtrabaho kaiba nindo, huli ta sinasamba mi an parehong Dios na sinasamba nindo, asin nagdodolot kami saiya nin mga sakripisyo poon pa kan panahon ni Esarhaddon, an emperador nin Asiria, na nagdara samo digdi.”

Esdras 9:13

Maski pakatapos kan gabos na nangyari samo bilang padusa kan samong mga kasalan asin kasombikalan, aram nyamo na kulang pa nin marahay an padusa mo samo, O samuyang Dios, asin tinugotan mo pa kaming mabuhay.

Nehemias 1:5

“O Kagurangnan, Dios nin langit, dakula saka ginagalangan na Dios na maimbod na nag-ootob kan tipan asin danay na namomoot sa mga namomoot saimo saka nagkukuyog kan saimong mga togon;

Salmo 47:2

Huli ta an Kagurangnan, an Kahorohalangkawe, kinatatakotan, dakulang hade sa bilog na kinaban.

Salmo 66:3

Sabihan nindo an Dios, “Makangangalas an saimong ginibohan! Dakula nin marahay an saimong kapangyarihan, kaya an saimong mga kaiwal minaduko sa takot sa saimong atubang.

Salmo 66:5

Madya asin hilinga an ginibo nin Dios, an makangangalas niyang mga gibo sa tahaw nin katawohan.

Exodo 18:8

Ibinareta ni Moises ki Jetro an gabos na ginibo nin Kagurangnan sa hade asin sa mga Egipcio tanganing iligtas an mga Israelita. Inistorya man niya an kapagalan na namatean ninda sa paglakaw asin kun paano sinda tinabangan nin Kagurangnan.

Isaias 9:6

Huli ta sarong aki an namundag sato! Sarong aking lalaki an itinao sato! Siya an satong magigin pamayo. Aapodon siyang, “Makangangalas na Parahatol,” “Makakamhan na Dios,” “Amang daing kataposan,” “Prinsipe nin Katoninongan.”

Daniel 9:4

Namibi ako sa Kagurangnan na sakong Dios asin itinuga ko an mga kasalan kan sakong mga kahimanwa. Nagsabi ako, “Kagurangnan Dios, dakula ka asin ginagalangan mi ika. Maimbod ka sa saimong tipan asin ipinapahiling mo an danay mong pagkamoot sa mga namomoot saimo saka nag-ootob kan saimong katogonan.

Daniel 9:6

Dai mi dinangog an saimong mga sorogoon, an mga propeta, na nagtaram sa ngaran mo sa samong mga hade, mga pamayo, mga ginikanan, asin sa samong nasyon.

Daniel 9:8

An kasosopgan napasamo, sa samong mga hade, mga pamayo, asin mga ginikanan huli ta nagkasala kami saimo, Kagurangnan.

Levitico 26:18

“Kun pakatapos kaiyan, dai man giraray kamo magkuyog sako, dadagdagan ko an padusa saindo nin pitong beses huli kan saindong mga kasalan.

Levitico 26:21

“Kun padagos kamong magtalikod asin dai magdangog sako, dadagdagan ko pa nin pitong beses an saindong padusa huli kan saindong mga kasalan.

Levitico 26:24

ako na mismo an maatubang saindo asin papadusahan ko kamo nin pito pang beses kagabat ki sa mga enot na padusa.

Levitico 26:28

sa sakong labi-labing kaanggotan, ako na an maatubang saindo asin papadusahan ko kamo nin pito pang beses kagabat ki sa mga naenot na padusa.

Deuteronomio 7:12

“Kun dangogon nindo asin kuyogon an mga togon na ini, ootobon nin Kagurangnan na saindong Dios an saiyang tipan asin ipapahiling niya saindo an saiyang danay na pagkamoot na ipinanuga niya sa saindong mga ginikanan.

Deuteronomio 7:13

Mamomotan niya kamo asin bebendisyonan, tanganing magdakul an saindong kaakian; bebendisyonan niya an saindong kaomahan, tanganing magkaigwa kamo nin ani, arak saka lana nin oliba; papadakulon niya an saindong mga baka sagkod mga karnero. Iwawaras niya saindo an mga bendisyon na ini duman sa dagang ipinanuga niya sa saindong mga ginikanan na itatao sa saindo.

Deuteronomio 7:21

Kaya dai kamo matakot sainda. Kaiba nindo an Kagurangnan na saindong Dios; dakula siya asin dapat katakotan.

Deuteronomio 7:9

Giromdoma na an Kagurangnan na saindong Dios iyo sana an Dios asin maimbod siya. Ootobon niya an saiyang tipan asin ipapahiling niya an saiyang danay na pagkamoot sa ribo-ribong henerasyon kan mga namomoot saiya saka nag-ootob kan saiyang mga togon,