Nehemias 9:29 - Marahay na Bareta Biblia

²⁹ Pinatanidan mo sinda na magkuyog kan saimong mga katukdoan, alagad sa kapaabaw-abawan isinikwal ninda an saimong mga katogonan, maski ngani an pag-otob kaiyan iyo an dalan pasiring sa buhay. Sutil saka matagas an payo na nagsayuma sindang magkuyog.

Nehemias 9:29 ပူးပေါင်းရင်းမြစ်များ

2 Mga Hade 17:13

An Kagurangnan nagpadara nin mga sugo saka mga propeta tanganing patanidan an Israel asin an Juda: “Talikodan na nindo an saindong mga maraot na gawe. Kuyogon nindo an sakong mga pagboot na nasusurat sa Katogonan na itinao ko sa saindong mga ginikanan, dangan itinao ko man saindo sa paagi kan mga propeta na sakong mga sorogoon.”

2 Mga Hade 17:14

Alagad habo sindang maghinanyog; nagin matagas an saindang payo arog kan saindang mga ginikanan, na dai nagtubod sa Kagurangnan na saindang Dios.

2 Mga Cronica 24:19

Nagpadara siya sainda nin mga propeta tanganing patanidan sinda na magbalik saiya, alagad habo sindang maghinanyog.

2 Mga Cronica 33:10

Maski pinatanidan nin Kagurangnan si Manases asin an saiyang banwaan, alagad dai sinda nagdangog.

2 Mga Cronica 36:15

An Kagurangnan, an Dios kan saindang mga ginikanan, danay na nagsugo nin mga propeta tanganing patanidan sinda, huli ta boot niyang iligtas sinda saka an Templo.

Nehemias 13:15

Kan mga aldaw na idto, nakahiling ako nin mga tawo na nagtatrabaho sa pugaan nin ubas sa aldaw na Sabbath. An iba nagdadara nin mga trigo, arak, ubas, higera, asin iba pang mga bagay na ilinulunad ninda sa mga asno dangan dinadara sa Jerusalem. Pinatanidan ko sinda na dai magpabakal nin anoman kun Sabbath.

Nehemias 9:10

Nagpahiling ka nin mga tanda saka mga ngangalasan laban sa hade nin Egipto, laban sa saiyang mga opisyal asin sa gabos na tawo sa saiyang daga, huli ta aram mo na inapi ninda an saimong banwaan. Nagin bantog an saimong ngaran sagkod ngunyan na aldaw.

Nehemias 9:16

Alagad an samong mga ginikanan nagin mapaabaw-abaw saka matagas an payo, asin dai ninda inotob an saimong mga togon.

Nehemias 9:26

“Alagad an saimong banwaan nagrebelde asin dai nagkuyog saimo; nagtalikod sinda sa saimong katogonan. Ginadan ninda an mga propeta na nagpatanid sainda, na nagtaram sainda na dai magtalikod saimo. Dakul na beses sindang naglanghad saimo,

Nehemias 9:30

Dakul na taon matinios na pinatanidan mo sinda. Pinasabongan mo an saimong mga propeta tanganing magtaram sainda, alagad dai sinda nagdangog; kaya ipinasakop mo sinda sa ibang mga nasyon.

Exodo 10:3

Kaya nagduman si Moises saka si Aaron sa hade asin sinabihan, “An Kagurangnan, an Dios kan mga Hebreyo, nagtaram, ‘Sagkod nuarin ka magmamatagas sa atubangan ko? Tugoteng humale an sakong banwaan tanganing makapagsamba sinda sako.

Jeremias 17:23

An saindang mga ginikanan dai naghinanyog sako ni nagkuyog. Nagin matagas an saindang payo; habo nindang magdangog o magpatukdo sako.

Jeremias 19:15

na an Kagurangnan nin mga hukbo, an Dios nin Israel, nagtaram nin siring, “Dadarahan ko an syudad na ini asin an lambang haraning banwa kan gabos na padusa na ipinahayag kong gigibohon ko, huli ta matagas an saindong mga payo saka habo nindong hinanyogon an mga sinasabi ko.”

Jeremias 42:19

Nagpadagos ako sa pagtaram, “Sinasabihan kamo nin Kagurangnan, kamo na natada sa Juda, na dai magduman sa Egipto. Kaya pinapatanidan ko kamo ngunyan

Jeremias 43:2

nagsabi sako si Azarias na aking lalaki ni Osaias, si Johanan na aking lalaki ni Kareas, asin an gabos na mapalangkaw na lalaki, “Nagpuputik ka. Dai ka sinugo nin Kagurangnan na satong Dios tanganing sabihan kami na dai magduman saka mag-erok sa Egipto.

Jeremias 44:10

Alagad sagkod ngunyan dai kamo nagpapakumbaba. Dai kamo nag-omaw sako ni namuhay sosog sa gabos na katogonan na itinao ko saindo asin sagkod sa saindong mga ginikanan.

Jeremias 7:26

Alagad mayo nin nagdangog ni nagpahalaga kan sakong tataramon. Orog na nagin matagas an saindang payo asin mas rebelde pa kamo ki sa saindong mga ginikanan.

Ezekiel 20:11

Itinao ko sainda an sakong pagboot asin tinukdoan ko sinda kan sakong mga katogonan, na magdadara nin buhay sa kiisay man na nagkukuyog kan mga iyan.

Daniel 5:20

Alagad huli ta nagin mapalangkaw siya, nagin matagas an payo saka makuri, hinale siya sa saiyang trono asin hinale man an saiyang kamurawayan.

Oseas 6:5

Iyan an dahelan kun tadaw ta sinugo ko an sakong mga propeta sa saindo dara an sakong mensahe nin paghukom saka pagrumpag. Maliwanag asin malinaw an mawot ko saindo:

Levitico 18:5

Sunodon nindo an mga pagboot saka mga togon na itinatao ko saindo; iyan an maligtas saindo. Ako an Kagurangnan.”

Mateo 19:17

Nagsimbag si Jesus, “Tadaw ta naghahapot ka sako kun ano an marahay? Saro sana an marahay—an Dios. Kun boot mong magkamit nin buhay otoba an mga togon.”

Lukas 10:28

“Tama an simbag mo,” an sabi ni Jesus. “Giboha iyan asin mabubuhay ka.”

Roma 10:5

Ini an sinurat ni Moises mapadapit sa kun paano nagigin matanos an tawo sa Dios huli sa pagkuyog kan Katogonan: “An nag-ootob kan Katogonan mabubuhay huli kaiyan.”

Galacia 3:12

Alagad an Katogonan dai napapatugmad sa pagtubod, huli ta nasusurat, “An tawong naggigibo kan gabos na ipinagboboot kan Katogonan, mabubuhay sa paagi kaiyan.”

Deuteronomio 31:21

kaya dakul na karatan saka kahaditan an maabot sainda. Alagad aawiton man giraray an awit na ini, asin ini an magsasaksi laban sainda (huli ta padagos ining magigiromdoman kan saindang mga kapagarakian). Maski ngunyan, bago ko sinda darahon sa daga na sakong ipinanuga na itatao sainda, aram ko na an iniisip ninda.”

Deuteronomio 31:27

Aram ko kun gurano kasombikal asin katagas an payo kan banwaan na ini. Nagsombikal sinda tumang sa Kagurangnan mantang nabubuhay pa ako; orog na masombikal sinda saiya kun gadan na ako.

Deuteronomio 4:26

Saksi ko an langit asin an daga laban saindo ngunyan na aldaw, na kun suhayon nindo ako, mapapara kamo sa daga. Dai maghahalawig an saindong buhay sa ibong kan Jordan, sa daga na saindong sasakopon. Magagadan kamo gabos.

Hukom 6:10

Tinaraman ko kamo na ako an Kagurangnan na saindong Dios, asin na dai kamo magsamba sa mga dios-dios kan mga Amoreo na dating kagsadiri kan dagang pinag-eerokan nindo ngunyan. Alagad dai kamo nagdangog sako.”