Nehemias 9:27 - Marahay na Bareta Biblia

²⁷ kaya tinugotan mong madaog saka masakop sinda kan saindang mga kaiwal. Dangan sa saindang kasakitan naghagad sinda saimo nin tabang, asin hale sa langit sinimbag mo sinda. Sa dakula mong pagkaherak nagpadara ka nin mga lider, na nagligtas sainda sa kamot kan saindang mga kaiwal.

Nehemias 9:27 ပူးပေါင်းရင်းမြစ်များ

2 Mga Hade 13:5

Pinadarahan niya an Israel nin sarong lider na iyo an nagpatalingkas sainda sa kamot kan Siria. Kaya an Israel namuhay sa katoninongan, siring kan dati.

2 Mga Hade 14:27

Alagad bakong katuyohan nin Kagurangnan na paraon sa kinaban an Israel, kaya ilinigtas niya ini sa paagi ni Jeroboam Ika Duwa na aki ni Jehoas.

2 Mga Hade 17:20

Isinikwal nin Kagurangnan an gabos na Israelita; pinadusahan niya sinda asin itinao sa kamot kan mga kaiwal sagkod na napara niya sinda sa saiyang panhiling.

2 Mga Hade 17:39

Kuyogon nindo ako, an Kagurangnan na saindong Dios, asin ililigtas ko kamo sa saindong mga kaiwal.”

2 Mga Cronica 36:17

Kaya dinara nin Kagurangnan an hade nin Babilonia tanganing salakayon sinda. Ginadan kan hade an gabos na hoben na lalaki nin Juda maski an mga yaon duman sa Templo. Dai siya naherak sa kiisay man, aki man o gurang, lalaki man o babae; an gabos itinao nin Dios sa saiyang mga kamot.

Nehemias 9:19

Alagad dai mo sinda pinabayaan duman sa kalangtadan, huli ta dakula an saimong pagkaherak. Dai mo hinale an hariging panganoron na nangenot sainda kun aldaw ni an hariging kalayo na nag-ilaw sa saindang agihan kun banggi.

Salmo 136:24

ilinigtas niya kita sa satong mga kaiwal; an saiyang pagkamoot mayo nin kataposan.

Levitico 26:17

Lalabanan ko kamo, kaya madadaog kamo, asin an mga anggot saindo iyo an mahade saindo; madulag kamo maski mayo nin naglalamag saindo.

Obadias 1:21

An mga mapangganang mga lalaki nin Jerusalem masalakay sa Edom saka mamamayo duman, dangan an Kagurangnan mismo iyo an magigin Hade.”

Hukom 2:18

Kun tinatawan nin Kagurangnan an Israel nin sarong hukom, iniibahan niya ini asin iliniligtas an mga tawo sa saindang mga kaiwal sagkod na buhay pa an hukom. Naheherak an Kagurangnan sainda huli ta minaagrangay sinda dahel sa kasakitan asin kaoripnan.