Nehemias 9:25 - Marahay na Bareta Biblia

²⁵ Sinakop kan saimong banwaan an mga pinapusog na syudad, sarong mayaman na daga saka mga harong na pano nin kayamanan, mga bubon na dati nang kinalot, mga olibahan, mga kahoy na namumunga, asin mga ubasan. Nagkarakan sinda kan boot ninda asin sinda, nagtaraba; nag-orogma sinda sa dakulang karahayan na itinao mo sainda.

Nehemias 9:25 ပူးပေါင်းရင်းမြစ်များ

1 Mga Hade 14:9

Dinaog mo sa paggibo nin karatan an mga naenot nang naghade saimo. Isinikwal mo ako asin pinaanggot huli sa paggibo mo nin mga dios-dios asin mga ladawan na metal tanganing pagsambahon.

1 Mga Hade 8:66

Kan ikawalong aldaw pinapuli ni Solomon an mga tawo. Benendisyonan kan mga tawo si Solomon asin maogma sindang nagpuli huli kan gabos na bendisyon na itinao nin Kagurangnan sa saiyang sorogoon na si David sagkod sa banwaan nin Israel.

Nehemias 9:35

Huli kan saimong bendisyon, pinamayohan kan mga hade an saimong banwaan kan nag-erok sinda sa mahiwas, matubang na daga na itinao mo sainda; alagad dai sinda nagtalikod sa maraot nindang gibo asin dai naglingkod saimo.

Salmo 105:44

Itinao niya sainda an daga nin ibang nasyon; asin kinua ninda an bunga kan pinagalan nin ibang mga tawo.

Salmo 65:11

Sarong dakulang ani an itinatao kan saimong karahayan! Dakul an pagkakan saen man na lugar ka minaduman.

Mga Talinhaga 30:9

Kun ako magyaman tibaad makapagsabi ako na dai taka kaipuhan. Alagad kun ako magin dukha, tibaad manghabon ako asin matawan ko nin kasosopgan an sakong Dios.

Isaias 6:10

Pahiboga an puso kan banwaan na ini, pagabata an talinga ninda, asin taklobi an mga mata ninda, ta tibaad makahiling sinda asin makadangog patin makasabot dangan magbalik sako saka magpabolong.”

Isaias 63:7

Ipapahayag ko an danay na pagkamoot nin Kagurangnan; inoomaw ko siya huli kan gabos na ginibo niya para samo. Dakulang marahay an itinao niyang biyaya sa banwaan nin Israel huli kan saiyang pagkaherak asin danay na pagkamoot.

Jeremias 2:7

Dinara ko sinda sa sarong matubang na daga, tanganing magpakabasog sinda sa mga bunga asin sa iba pang marahay na mga bagay na makukua duman. Alagad paglaog ninda, rinaot ninda an sakong daga; dinigtaan ninda an dagang itinao ko sainda.

Jeremias 31:14

Babasogon ko nin masiram na kakanon an mga padi, asin makokontento an sakong banwaan kan sakong karahayan. Ako, an Kagurangnan, an nagtaram.”

Jeremias 32:23

Alagad kan mag-abot sinda asin masakop an dagang ini, dai ninda kinuyog an mga pagboot mo, ni namuhay sosog sa saimong katukdoan. Dai ninda ginibo an arin man sa mga pagboot mo, kaya pinadarahan mo sinda kan gabos na kasakitan na ini.

Ezekiel 20:6

Kan aldaw na idto nanuga ako na iluluwas ko sinda sa Egipto asin dadarahon sa dagang pinili ko para sainda, sarong mayaman na daga, an pinakamarahay sa gabos na daga.

Daniel 11:24

Mayong patanid na sasalakayon niya an sarong mayaman na probinsya asin gigibohon niya an mga bagay na dai pa ginibo kan saiyang mga ginikanan. Dangan babarangaon niya sa saiyang mga parasunod an mga sinamsaman na nakua niya sa gera. Magibo siya nin mga plano sa pagsalakay nin mga bantayan, alagad an saiyang paghahade matatapos tolos.

Oseas 13:6

Alagad kan makalaog kamo sa marahay na daga asin magkabarasog kamo, nagin mapaabaw-abaw kamo dangan nalingawan nindo ako.

Oseas 3:5

Alagad madatong an panahon na an banwaan nin Israel mabalik sa Kagurangnan na saindang Dios asin sa sarong kapagarakian ni David na saindang hade. Dangan magkakaigwa sinda nin takot sa Kagurangnan asin maako sinda kan saiyang marahay na mga regalo.

Roma 2:4

O tibaad hinahaboan mo an saiyang dakulang pagkamaboot, pagkamatinios asin pagkapasensyoso? Dai mo aram na maboot siya saimo huli ta boot ka niyang magbakle?

Deuteronomio 3:5

An mga banwa na ini pinakosog kan mga haralangkaw na kudal, mga trangkahan saka mga barat kaini; asin igwa pa nin dakul na baryo na mayo nin kudal.

Deuteronomio 32:13

“Pinapaghade niya sinda sa kabubuldan, kinakan ninda an mga bunga kan kaomahan. Nakakua sinda nin dugos sa kagapoan; sa magapong daga, saindang mga oliba nagkaburuhay.

Deuteronomio 32:14

Dakul na gatas itinao kan saindang mga baka asin kanding; napasainda an mga pinakamatabang karnero, baka saka kanding, an pinakamarahay na trigo, sagkod an pinakapiling arak.

Deuteronomio 32:15

“Nagyaman an banwaan nin Kagurangnan, alagad nagsombikal; sinda na nagtaba asin nabasog. Tinalikodan ninda an Dios na saindang Kaglalang, nginisihan an Gapo nin saindang kaligtasan.