Nehemias 9:24 - Marahay na Bareta Biblia

²⁴ Sinakop ninda an daga nin Canaan; dinaog mo an banwaan na nag-erok duman. An saimong banwaan tinawan mo nin kapangyarihan na gibohon an boot ninda sa mga hade saka mga banwaan nin Canaan.

Nehemias 9:24 ပူးပေါင်းရင်းမြစ်များ

1 Mga Cronica 22:18

Olay niya, “Bakong inibahan kamo nin Kagurangnan na saindong Dios? Bakong tinawan niya kamo nin katoninongan sa palibot nindo? Itinugot niyang madaog ko an mga nag-eerok kaidto sa dagang ini; ngunyan mga sakop na nindo sinda asin nin Kagurangnan.

Esther 9:5

Kaya sinalakay asin ginadan kan mga Judio an gabos nindang kaiwal asin ginibo ninda an boot nindang gibohon sa gabos na naoongis sainda.

Mga Bilang 14:31

Alagad an saindong mga aki na sinabi nindong magigin mga bihag, iyo an dadarahon ko sa daga na sinayumahan nindo, asin maerok sinda duman.

2 Timoteo 2:26

Dangan mabalik an saindang tamang kaisipan; makakadulag sinda sa padaya kan Diablo, na nagdakop sainda nganing magkuyog kan saiyang kabotan.

Josue 10:40

Sinakop ni Josue an bilog na daga. Nadaog niya an mga hade sa kabubuldan, sa mga tukadon sa parteng sirangan, sa mga kababan sa solnopan, asin sa habagat na parte kan Canaan. Mayo siyang ilinigtas; ginadan niya an gabos. Iyo ini an ipinagboot nin Kagurangnan na Dios nin Israel.

Josue 11:23

Sinakop ni Josue an bilog na daga, siring sa ipinagboot nin Kagurangnan ki Moises. Binaranga ni Josue an daga bilang pamana sa lambang tribu nin Israel. Dangan nagpahingalo sa pakigera an mga tawo.

Josue 12:12

Eglon, Gezer,

Josue 12:24

asin Tirza—treynta y unong hade gabos.

Josue 18:1

Kan masakop na ninda an daga, an bilog na Israel nagtiripon sa Shilo asin pinatindog duman an Tabernakulo nin Kagurangnan.

Josue 21:43

Itinao nin Kagurangnan sa Israel an gabos na dagang ipinanuga niya na itatao sa saindang mga ginikanan. Kaya kan masakop ninda ini, duman na sinda nag-erok.

Josue 21:45

Inotob nin Kagurangnan an lambang saro kan saiyang mga panuga sa banwaan nin Israel.

Hukom 4:23

Kan aldaw na idto, itinao nin Dios an kapangganahan sa mga Israelita laban ki Jabin na hade kan mga Cananeo.