Nehemias 9:22 - Marahay na Bareta Biblia

²² “Pinasakop mo sainda an mga nasyon saka mga kahadean, mga dagang yaon sa saindang pagdolonan. Sinakop ninda an daga nin Hesbon, na an hade iyo si Sihon, asin an daga nin Basan, na an hade iyo si Og.

Nehemias 9:22 ပူးပေါင်းရင်းမြစ်များ

Salmo 105:44

Itinao niya sainda an daga nin ibang nasyon; asin kinua ninda an bunga kan pinagalan nin ibang mga tawo.

Salmo 78:65

Dangan nagmata an Kagurangnan, na garo nagkatorog; arog sa sarong makosog na lalaking nagkukurahaw huli sa arak.

Jeremias 27:5

“Sa paagi kan dakula kong kapangyarihan asin kosog linalang ko an kinaban, an tawo, asin an gabos na hayop na nabubuhay sa daga, saka itinatao ko ini sa kiisay man na pinipili ko.

Jeremias 32:23

Alagad kan mag-abot sinda asin masakop an dagang ini, dai ninda kinuyog an mga pagboot mo, ni namuhay sosog sa saimong katukdoan. Dai ninda ginibo an arin man sa mga pagboot mo, kaya pinadarahan mo sinda kan gabos na kasakitan na ini.

Ezekiel 20:28

Dinara ko sinda sa daga na ipinanuga ko sainda. Kan mahiling ninda an mga halangkaw na bulod asin an mga berdeng kahoy, dinolotan ninda nin sakripisyo an mga ini. Pinaanggot ninda ako huli kan saindang mga tinutong na sakripisyo asin mga dolot na arak.

Deuteronomio 1:4

pakatapos na daogon nin Kagurangnan si Sihon na hade kan mga Amoreo na nag-erok sa Hesbon, saka si Og na hade nin Basan na nag-erok sa Astarot asin Edrei.

Deuteronomio 32:26

Gabos kuta sinda sakong gagadanon tanganing sa sainda mayo nang makagiromdom.

Deuteronomio 4:46

kan yaon sinda duman sa sirangan kan Jordan, sa kapantayan na kahampang kan Bet-peor, sa daga ni Sihon na hade kan mga Amoreo na nag-erok sa Hesbon. Si Hadeng Sihon nadaog na ni Moises asin kan mga Israelita,

Deuteronomio 4:47

dangan nasakop na ninda an saiyang daga saka an daga ni Hadeng Og nin Basan, an saro pang hadeng Amoreo na nag-erok sa sirangan kan Jordan.

Josue 10:11

Mantang nagdudurulag an mga Amoreo sa hukbo kan Israel duman sa dalan na paibaba kan Bet-horon, pinauranan sinda nin Kagurangnan nin yelo na garo mga gapo sagkod sa Azeka; mas dakul sainda an nagadan sa yelo ki sa nagadan kan mga Israelita.

Josue 11:23

Sinakop ni Josue an bilog na daga, siring sa ipinagboot nin Kagurangnan ki Moises. Binaranga ni Josue an daga bilang pamana sa lambang tribu nin Israel. Dangan nagpahingalo sa pakigera an mga tawo.