Nehemias 9:2 - Marahay na Bareta Biblia

² Nagsiblag an mga Israelita sa gabos na dayuhan, dangan nagtindog sinda saka nagkumpisal kan saindang mga kasalan asin kan kasalan kan saindang mga ginikanan.

Nehemias 9:2 ပူးပေါင်းရင်းမြစ်များ

1 Mga Hade 8:47

hinanyoga an mga pamibi nin saimong banwaan. Kun sa dagang pinagdarahan sainda magsolsol saka mamibi sinda saimo, mag-ako kan saindang kasombikalan, hinanyoga an saindang mga pamibi, O Kagurangnan.

Esdras 10:11

Kaya ikumpisal nindo an saindong mga kasalan sa Kagurangnan, an Dios kan saindong mga ginikanan, asin kuyogon nindo an saiyang kabotan. Humarayo kamo sa mga dayuhan na nag-eerok sa satuyang daga asin suhayan nindo an saindong mga dayuhan na agom.”

Esdras 6:21

An mga sakripisyo kinakan kan gabos na nagbalik hale sa pagkatapokan asin kan lambang saro na nag-iba sainda saka nagbaya kan mga paganong gawe kan ibang banwaan, mga tawo na nag-eerok na ngunyan sa daga asin nagsasamba sa Kagurangnan, an Dios nin Israel.

Esdras 9:1

Pakatapos na magibo an gabos na ini, dinolok ako kan nagkapirang lider kan banwaan nin Israel dangan sinabihan, “An mga tawo, an mga padi, asin an mga Levita dai nagsuhay sa mga tawo na nag-eerok sa kataraed na mga nasyon nin Ammon, Moab, saka Egipto, o sa mga Cananeo, Heteo, Perezeo, Jebuseo saka Amoreo. Inaarog pa ninda an makauuyam na mga gawe kan mga ini.

Esdras 9:15

Matanos ka, O Kagurangnan na Dios nin Israel, huli ta may natada samong buhay. Ikinukumpisal nyamo saimo an samong mga kasalan; bako kaming maninigo na magdolok sa saimong atubang.”

Esdras 9:2

An mga Judio nag-agom nin mga dayuhan na babae, kaya nadigtaan an banal na banwaan nin Dios. An mga lider saka an mga opisyal iyo an nangenot sa pagkasala.”

Nehemias 1:6

hilinga ako, Kagurangnan, asin dangoga an sakong pamibi, siring kan sakong pagpamibi aldaw-banggi para sa saimong mga sorogoon, an banwaan nin Israel. Ikinukumpisal kong kami, an banwaan nin Israel, nagkasala saimo. Ako asin an sakuyang mga ginikanan nagkasala saimo.

Nehemias 10:28

Kami, an banwaan nin Israel, an mga padi, mga Levita, mga bantay sa Templo, mga parakanta, mga trabahador sa Templo asin an gabos na nagsiblag sa mga dayuhan bilang pagsunod kan togon nin Dios, kaiba an samuyang mga agom, kaakian, patin an gabos na tatao nang magsabot,

Nehemias 10:29

nakikisumaro sa samuyang mga lider sa pagsumpa na kami mamumuhay sosog sa Katogonan nin Dios, na itinao nin Dios huli ki Moises na saiyang sorogoon; na kukuyogon mi an gabos na pagboot samo nin Kagurangnan na samong Kagurangnan; na ootobon mi an gabos niyang katogonan asin pagsusundon; na mapapairarom kami sa sarong maldisyon kun lapason mi iyan.

Nehemias 13:3

Pakadangog kan mga Israelita kan Togon na ini, isinuhay ninda sa komunidad an gabos na dayuhan.

Nehemias 13:30

Lininigan ko an banwaan sa gabos na digta nin dayuhan, asin ginibo ko an mga pagsusundon kan mga padi saka mga Levita sa paggibo kan saindang katongdan.

Salmo 144:11

Ligtasan ako sa maringis na mga kaiwal; ligtasan ako sa kamot kan mga dayuhan, na an mga ngoso dai nagtataram nin katotoohan, na an saindang toong kamot nanunumpa sa kaputikan.

Salmo 144:7

Igawagaw mo an saimong kamot hale sa itaas, ligtasan ako asin hawasa sa katubigan; ligtasan ako sa kamot kan mga dayuhan,

Mga Talinhaga 28:13

An nagtatago kan saiyang mga kasalan dai nag-uuswag, alagad an nagkukumpisal saka nagbabaya kaiyan maheherakan nin Dios.

Isaias 2:6

O Dios, pinabayaan mo an saimong banwaan, an mga kapagarakian ni Jacob! Lakop na an daga kan mga salamangkero hale sa sirangan asin hale sa daga nin Filistia. Sinusunod kan mga tawo an dayuhan na mga gawe.

Jeremias 14:20

Nagkasala kami saimo, Kagurangnan; ikinukumpisal nyamo an samong mga kasalan asin an mga kasalan kan samong mga ginikanan.

Jeremias 3:13

Akoon mo sana na nagkasala ka asin nagrebelde tumang sa Kagurangnan, na saimong Dios. Ikumpisal mo na sa lindong nin lambang berdeng kahoy, itinao mo an saimong pagkamoot sa dayuhan na mga dios-dios asin dai ka nagkuyog kan sakong mga pagboot. Ako, an Kagurangnan, an nagtaram.

Daniel 9:20

Nagpadagos ako sa pagpamibi, sa pagkumpisal kan sakong kasalan saka kan kasalan kan banwaan nin Israel asin sa pakimaherak sa Kagurangnan na sakong Dios na hirahayon an saiyang banal na Templo.

Oseas 5:7

Dai sinda nagin maimbod sa Kagurangnan; bako niyang sadiri an mga aki ninda. Kaya dai mahahaloy, magagadan sinda asin mararaot an saindang daga.