Nehemias 9:16 - Marahay na Bareta Biblia

¹⁶ Alagad an samong mga ginikanan nagin mapaabaw-abaw saka matagas an payo, asin dai ninda inotob an saimong mga togon.

Nehemias 9:16 ပူးပေါင်းရင်းမြစ်များ

2 Mga Hade 17:14

Alagad habo sindang maghinanyog; nagin matagas an saindang payo arog kan saindang mga ginikanan, na dai nagtubod sa Kagurangnan na saindang Dios.

2 Mga Cronica 29:6

An satong mga ginikanan dai nagin maimbod asin ginibo ninda an dai nawiwilihan kan Kagurangnan na satuyang Dios. Binayaan ninda siya asin tinalikodan an saiyang erokan.

2 Mga Cronica 30:8

Dai kamo magmatagas nin payo arog sainda, kundi magkuyog kamo saiya. Magdalaw kamo sa Templo sa Jerusalem, na sagkod pa man pinabanal nin Kagurangnan na saindong Dios, asin magsamba kamo saiya tanganing dai na siya maanggot saindo.

2 Mga Cronica 36:13

Nagrebelde si Zedekias laban ki Hadeng Nebukadnezzar na nagpirit saiya na magsumpa sa ngaran nin Dios na siya magigin maimbod ki Nebukadnezzar. Nagin matagas an saiyang puso asin nagsayuma siyang magbalik sa Kagurangnan, an Dios nin Israel.

Nehemias 9:10

Nagpahiling ka nin mga tanda saka mga ngangalasan laban sa hade nin Egipto, laban sa saiyang mga opisyal asin sa gabos na tawo sa saiyang daga, huli ta aram mo na inapi ninda an saimong banwaan. Nagin bantog an saimong ngaran sagkod ngunyan na aldaw.

Nehemias 9:29

Pinatanidan mo sinda na magkuyog kan saimong mga katukdoan, alagad sa kapaabaw-abawan isinikwal ninda an saimong mga katogonan, maski ngani an pag-otob kaiyan iyo an dalan pasiring sa buhay. Sutil saka matagas an payo na nagsayuma sindang magkuyog.

Salmo 106:6

Nagkasala kami arog kan samong mga ginikanan; nagsombikal kami, guminibo nin karatan.

Salmo 81:8

Banwaan ko, dangoga an sakong patanid; Israel, kun magdangog ka lamang sako!

Exodo 15:26

Nagtaram siya, “Kun bilog na puso nindo akong susunodon huli kan paggibo nin matanos asin huli sa pag-otob kan sakong mga togon saka mga pagboot, dai ko kamo papadusahan kan arin man sa mga kahelangan na ipinadara ko sa mga Egipcio. Ako, an Kagurangnan an saindong parabolong.”

Exodo 32:9

Nagtaram pa an Kagurangnan ki Moises, “Nahiling ko na matagas an payo kan mga tawong ini.

Mga Talinhaga 29:1

An tawong habong magdangog kun sinasaway, mahuhulog asin dai na makakabangon pag-abot kan panahon.

Isaias 48:18

“Kun saimo sanang dinangog an sakong katogonan siring kutana sa sarong salog an saindong katoninongan, asin siring sa mga alon nin dagat an saindong katanosan!

Isaias 48:4

Huli ta aram ko na magigin matagas an saindong mga payo, arog katagas sa lansang asin arog sa bronse na dai nahihiro.

Isaias 63:10

alagad nagrebelde sinda tumang saiya asin pinamondo ninda an saiyang espiritu. Kaya nagin kaiwal ninda an Kagurangnan asin linabanan niya sinda.

Jeremias 19:15

na an Kagurangnan nin mga hukbo, an Dios nin Israel, nagtaram nin siring, “Dadarahan ko an syudad na ini asin an lambang haraning banwa kan gabos na padusa na ipinahayag kong gigibohon ko, huli ta matagas an saindong mga payo saka habo nindong hinanyogon an mga sinasabi ko.”

Jeremias 2:31

Banwaan nin Israel, hinanyoga an sakong tataramon. Nagin daw ako siring sa sarong desyerto sa saindo, siring sa dagang madiklom saka pano nin pag-alaman? Tadaw ta nagsasabi kamo na gigibohon nindo an saindong mawilihan, na dai na kamo mabalik sako?

Jeremias 7:26

Alagad mayo nin nagdangog ni nagpahalaga kan sakong tataramon. Orog na nagin matagas an saindang payo asin mas rebelde pa kamo ki sa saindong mga ginikanan.

Ezekiel 5:6

Alagad nagrebelde an Jerusalem tumang sa sakong mga togon asin nagpahiling na orog siyang masombikal ki sa mga nasyon sa palibot niya. Isinikwal kan Jerusalem an sakuyang mga togon asin dai kinuyog an sakong mga pagboot.

Mga Gibo 7:51

“Matagas nanggad an saindong mga payo! Harayo sa Dios an saindong puso! Talagang bongog kamo sa mga tataramon nin Dios! Parareho sana kamo kan saindong mga ginikanan; kamo man danay na minatumang sa Espiritu Santo!

Roma 2:5

Alagad huli sa katagasan kan saimong puso asin dai pagsolsol, pinapagabat mo an padusa saimo sa Aldaw na ipahayag an kaanggotan asin an matanos na paghukom nin Dios.

Deuteronomio 31:27

Aram ko kun gurano kasombikal asin katagas an payo kan banwaan na ini. Nagsombikal sinda tumang sa Kagurangnan mantang nabubuhay pa ako; orog na masombikal sinda saiya kun gadan na ako.

Deuteronomio 32:15

“Nagyaman an banwaan nin Kagurangnan, alagad nagsombikal; sinda na nagtaba asin nabasog. Tinalikodan ninda an Dios na saindang Kaglalang, nginisihan an Gapo nin saindang kaligtasan.

Deuteronomio 5:29

Padagos logod sindang matakot sako asin mag-otob kan sakuyang mga togon tanganing mapakarahay sinda asin an saindang kapagarakian sagkod pa man!

Deuteronomio 9:13

“Nagtaram pa sako an Kagurangnan, ‘Aram kong talagang matagas an payo kan banwaan na ini.

Deuteronomio 9:27

Giromdoma an saimong mga sorogoon na si Abraham, si Isaac saka si Jacob; pabayaan mo an katagasan nin payo kan mga tawong iyan, an saindang karatan asin kasalan;

Deuteronomio 9:6

Kaya pakasaboton nindo na itatao saindo nin Kagurangnan an marahay na dagang iyan bakong huli ta maninigo kamo; ata ngani, saro kamong banwaan na matagas an payo.

Hebreyo 3:13

Mantang an tataramon na “ngunyan na aldaw” sa kasuratan ipinapanongod pa sato, magpatarabang-tabang kamo aroaldaw sa pagpakosog kan saindong boot, tanganing mayo saindong madaya kan kasalan saka magin matagas an payo.

Hebreyo 3:15

Ini an sinasabi kan kasuratan, “Ngunyan na aldaw kun madangog nindo an saiyang tingog, dai nindo pagpatagason an saindong mga puso arog kan mga ginikanan nindo na nagtumang sa Dios kaidto.”