Nehemias 9:11 - Marahay na Bareta Biblia

¹¹ Sa atubang kan saimong banwaan binanga mo an dagat, kaya nag-agi sinda sa mamarang daga sa tahaw kan dagat. An mga nagralamag sainda linamos mo sa hararom na dagat, siring sinda sa gapo na nag-irarom sa anggot na mga katubigan.

Nehemias 9:11 ပူးပေါင်းရင်းမြစ်များ

Salmo 66:6

Ginibo niyang mamarang daga an dagat; naglalakaw na inibong an salog kan sakong mga ginikanan. Nag-ogma kita duman huli kan ginibo niya.

Salmo 78:13

Binanga niya an dagat asin duman sinda pinalakaw; pinatindog niya an katubigan siring sa mga lanob.

Exodo 14:14

An Kagurangnan an makikipaglaban para sa saindo. Mayo kamong gigibohon maski ano man.”

Exodo 14:25

Kaya nakalubong an mga rweda kan saindang karwahe kaya nagin masakit an paglamag ninda. Nagsabi an mga Egipcio, “An Kagurangnan an nakikilaban para sa mga Israelita. Magharale na kita digdi!”

Exodo 14:29

Alagad nagbaralyo sa dagat an mga Israelita na an linakawan iyo an mamarang daga, na nasa pagultanan kan duwang lanob nin tubig.

Jeremias 32:20

Naggibo ka nin mga tanda saka ngangalasan sa daga nin Egipto, asin sagkod ngunyan padagos kang naggigibo kaiyan sa Israel saka sa ibang mga nasyon, kaya midbid ka na ngunyan maski saen.

1 Corinto 10:1

Mga tugang, boot kong giromdomon nindo an nangyari sa satong mga ginikanan na nagsunod ki Moises. Naglakaw sinda gabos sa lindong kan panganoron; gabos ligtas na nag-agi sa Dagat na Pula.

Hebreyo 11:29

Huli sa pagtubod, an mga Israelita nakabalyo sa Dagat na Pula na garo sa dagang mamara; alagad kan an mga taga Egipto magbaralyo man, nagkaralamos sinda.

Kapahayagan 18:21

Dangan sarong makosog na anghel an nagpurot nin gapo na arog kadakula kan gapong gilingan saka itinapok idto sa dagat, dangan nagsabi, “Arog kaini kakosog an pagbagsak kan dakulang syudad nin Babilonia; dai na nanggad iyan mahihiling.