Nehemias 9:1 - Marahay na Bareta Biblia

¹ Kan ikabeynte y kwatrong aldaw kan bulan na idto, nagtiripon an banwaan nin Israel sa pag-ayuno asin pagmondo para sa saindang mga kasalan. Nagsulot sinda nin sako saka nagbugtak nin daga sa saindang mga payo bilang tanda nin pagmondo.

Nehemias 9:1 ပူးပေါင်းရင်းမြစ်များ

2 Samuel 1:2

Sunod na aldaw, uminabot an sarong hoben na lalaki hale sa kampo ni Saul. Sa pagpahiling kan saiyang kamondoan, ginisi niya an saiyang gubing asin binugtakan nin daga an saiyang payo. Nagdolok siya ki David asin nagdapa sa pagtaong galang.

2 Mga Cronica 20:3

Natakot si Jehosafat asin namibi sa Kagurangnan. Nagboot siya nin pag-ayuno sa bilog na Juda.

2 Mga Cronica 7:10

dangan kan sunod na aldaw, an ikabeynte y tres na aldaw kan ikapitong bulan, pinapuli ni Solomon an mga tawo sa saindang harong. Nag-orogma sinda gabos huli sa karahayan na ipinahiling nin Kagurangnan ki David, ki Solomon, asin sa bilog na Israel.

Esdras 8:21

Duman sa tampi kan Salog nin Ahava ipinagboot ko an pag-ayuno asin an pagpakumbaba sa atubang nin samuyang Dios, tanganing hagadon saiya na pangenotan kami sa samong pagbaklay asin iligtas kami, an samong mga aki asin an gabos nyamong pagsadiri.

Esdras 8:23

Kaya nag-ayuno kami saka nagpamibi sa samuyang Dios tanganing iligtas kami, asin dinangog niya an samong pamibi.

Nehemias 8:2

Kaya dinara ini ni Esdras duman sa lugar na pinagtiriponan kan mga tawo—mga lalaki, mga babae, saka mga aki na tatao nang magsabot.

Esther 4:16

“Lakaw asin tipona an gabos na Judio sa Susa. Mag-ayuno kamo asin mamibi para sako. Dai kamo magkakan o mag-inom nin anoman sa laog nin tolong aldaw saka banggi. Mag-aayuno man ako kaiba an sakong mga sorogoon na babae. Pakatapos, maduman ako sa hade maski tumang ini sa katogonan. Kun kaipuhan magadan ako sa paggibo kaini, mapagadan ako.”

Esther 4:3

Sa lambang probinsya na inabot kan pagboot asin dekreto kan hade, mapait na nagtangis an mga Judio. Nag-ayuno sinda, naghibi, naghaya asin an kadaklan sainda nagsulot nin sako dangan naghigda sa abo.

An Libro ni Job 2:12

Harayo pa sinda, nahiling na ninda si Job, alagad dai ninda namidbidan. Kan mamidbid na ninda siya, naghiribi asin nagharaya sinda. Ginirisi ninda an saindang gubing sa kamondoan dangan nagpatoron nin alpog sa itaas saka sa saindang payo.

Isaias 22:12

Inapod kamo kaidto kan Kagurangnan Dios nin mga hukbo tanganing maghibi saka magmondo, mag-aris kan saindong payo saka magsulot nin sako.

Joel 2:12

“Alagad maski ngunyan,” an sabi nin Kagurangnan, “magbalik kamo sako sa bilog nindong puso na may pag-ayuno asin pagtangis patin pagmondo.

Levitico 23:34

“Sabihan mo an banwaan nin Israel na sa laog nin pitong aldaw, magpoon sa ikakinse kan ikapitong bulan na ini, iyo an Pyesta nin mga Harong-harong para sa Kagurangnan.

Levitico 23:39

“Pakaani nindo kan saindong mga oma, otobon nindo an mga pyestang ini sa laog nin pitong aldaw, magpoon sa ikakinseng aldaw kan ikapitong bulan. Magpahingalo kamo sa enot na aldaw asin sa ikawalong aldaw.

Josue 7:6

Sa dakulang kamondoan ginisi ni Josue asin kan mga lider nin Israel an saindang mga gubing. Nagdapa sinda sa daga sa atubangan kan Kaban nin Tipan nin Kagurangnan sagkod sa banggi asin binugtakan ninda nin abo an saindang payo.

Kapahayagan 11:3

An duwa kong saksi na nakagubing nin sako tatawan ko nin kapangyarihan na magpropesiya sa laog nin mil dos syentos sesentang aldaw.”

Hukom 20:26

Dangan nagduman sa Betel an gabos na Israelita asin nagmondo. Nagturukaw sinda sa atubang nin Kagurangnan asin dai nagkakan sagkod sa banggi. Nagdolot sinda nin mga tinutong na atang asin mga dolot para sa katoninongan sa atubang nin Kagurangnan.

1 Samuel 4:12

Sarong lalaki na gikan sa tribu ni Benjamin an nagdalagan hale sa lugar nin ralaban asin nakaabot sa Shilo kan aldaw man sanang idto. Ginirisi niya an saiyang gubing asin binugtakan nin daga an saiyang payo sa pagpahiling kan saiyang kamondoan.

1 Samuel 7:6

Kaya nagtiripon sinda sa Mizpa. Nagharok sinda nin tubig dangan inula ninda bilang sarong dolot sa Kagurangnan; nag-ayuno sinda kan aldaw na idto. Olay ninda, “Nagkasala kami sa Kagurangnan.” (Hinukoman ni Samuel an mga Israelita duman sa Mizpa.)