Nehemias 8:6 - Marahay na Bareta Biblia

⁶ Inomaw ni Esdras an Kagurangnan, an dakulang Dios, asin initaas kan gabos an saindang mga kamot saka nagsirimbag, “Amen! Amen!” Nagdarapa sinda asin nagsaramba sa Kagurangnan.

Nehemias 8:6 ပူးပေါင်းရင်းမြစ်များ

Genesis 14:22

Nagsimbag si Abram, “Sa atubang nin Kagurangnan, an Kahorohalangkaweng Dios, kaggibo kan langit asin daga, minasumpa ako

Genesis 24:26

Nagluhod an sorogoon dangan nagsamba sa Kagurangnan

1 Mga Cronica 16:36

Pag-omawon an Kagurangnan, an Dios nin Israel, ngunyan asin sagkod pa man!” Dangan an mga tawo nagsabi, “Amen!” asin nag-omaw sa Kagurangnan.

1 Mga Cronica 29:10

Sa atubangan kan bilog na katiriponan, nag-omaw si David sa Kagurangnan asin nagsabi, “Pag-omawon ka, Kagurangnan, Dios ni Jacob na samuyang ginikanan, sa panahon na daing kasagkoran.

1 Mga Cronica 29:20

Dangan sinabihan ni David an katiriponan, “Omawon nindo an Kagurangnan na saindong Dios!” an bilog na katiriponan nag-omaw sa Kagurangnan, an Dios nin saindang mga ginikanan, nagduko kan saindang payo asin nagsamba sa Kagurangnan saka nagtaong galang sa hade.

2 Mga Cronica 20:18

Dangan nagdapa si Jehosafat asin an gabos na taga Juda saka mga taga Jerusalem sa pagsamba sa Kagurangnan.

2 Mga Cronica 29:10

Nasa puso ko ngunyan an pakipagtipan sa Kagurangnan, an Dios nin Israel, tanganing dai na siya maanggot satuya.

2 Mga Cronica 29:30

An mga Levita pinagbotan kan hade asin kan mga lider na awiton sa Kagurangnan an mga awit nin pag-omaw na sinurat ni David asin kan propeta na si Asaf. Nag-awit an gabos sa dakulang kaogmahan mantang nakadukong nagsasamba sa Dios.

2 Mga Cronica 6:4

Nagsabi siya, “Pag-omawon an Kagurangnan, an Dios nin Israel! Inotob niya an saiyang panuga ki David na sakuyang ama, kan siya magtaram,

Nehemias 5:13

Dangan pinagpag ko an sakong gubing, saka nagsabi ako, “Pagpagon logod nin Dios siring kaini an siisay man na dai mag-otob kan saiyang panuga. Kuahon logod nin Dios an saindong mga harong asin an gabos nindong pagsadiri, dangan mayo nin matada saindo.” An gabos na nagtiripon nagsimbag nin “Amen!” asin nag-omaw sa Kagurangnan. Dangan inotob kan mga lider an saindang panuga.

Nehemias 8:7

Dangan nagbarangon sinda asin nagtirindog sa dati nindang lugar. An Katogonan ipinaliwanag sainda kan mga Levita na si Jesua, Bani, Serebias, Jamin, Akkub, Sabbetai, Odias, Maaseias, Kelita, Azarias, Jozabad, Hanan, asin Pelaias.

Salmo 134:2

Iitaas nindo an saindong mga kamot sa banal na lugar asin omawon nindo an Kagurangnan!

Salmo 141:2

Akoon mo an sakong pamibi siring sa insenso; asin an initaas kong mga kamot bilang pamangging atang.

Salmo 28:2

Dangoga an tingog nin sakong pakimaherak, kun nag-aapod ako saimo sa paghagad nin tabang, kun iniitaas ko an sakong mga kamot sa banal mong erokan.

Salmo 41:13

Pag-omawon an Kagurangnan, an Dios nin Israel; ngunyan asin sagkod pa man! Amen! Amen!

Salmo 63:4

Pasasalamatan taka mantang buhay ako; iitaas ko an sakong mga kamot asin aapodon ko an saimong ngaran.

Salmo 95:3

Huli ta an Kagurangnan sarong dakulang Dios asin sarong mapangyaring Hade sa gabos na dios.

Exodo 12:27

Masimbag kamo, ‘Iyo ini an paggiromdom kan Paskwa nin Kagurangnan, huli ta ilinigtas niya kami kan lihisan niya an harong kan mga Israelita duman sa Egipto, alagad ginadan niya an mga Egipcio.’” Dangan nagruluhod an mga Israelita asin nagsaramba.

Exodo 4:31

Nagtubod sinda, asin kan madangog ninda na dinalaw nin Kagurangnan an banwaan nin Israel saka nahiling an saindang kasakitan sa Egipto, nagduko sinda asin nagsamba.

Jeremias 28:6

“Amen! Gibohon logod iyan nin Kagurangnan; magkatotoo logod an propesiya mo asin ikabalik sa lugar na ini hale sa Babilonia an gabos na kayamanan kan templo asin an gabos na tawong dinara duman bilang mga bihag.

Mga Panambitan 3:41

Bukasan ta an satong puso sa Dios na nasa langit asin mamibi kita,

Levitico 9:24

Biglang ipinadara nin Kagurangnan an kalayo asin inubos kaini an tinutong na atang saka an mga taba na nasa altar. Kan mahiling ini kan mga tawo, nagkururahaw sinda gabos asin nagdarapa sa daga.

Mateo 26:39

Nag-oroenotan pa siya, nagdapa sa daga saka namibi, “Ama ko, kun mahihimo pa sana, palihisa sako an kalis na ini! Alagad bakong an kabotan ko kundi an kabotan mo an kuyogon.”

Mateo 6:13

Hare kami pabayae na madaog nin sogot, alagad agawon mo kami sa maraot.’

1 Corinto 14:16

Kun nagpapasalamat ka sa Dios sa espiritu sana, paanong makasimbag nin “Amen” an tawong mayo nin balaog na arog saimo, dahel ta dai niya aram kun ano an sinasabi mo?

Efeso 1:3

Magpasalamat kita sa Dios na Ama ni Jesu-Cristo na satong Kagurangnan! Huli ta benendisyonan niya kita diyan ki Cristo, kan gabos na bendisyon na espiritwal sa kalangitan.

1 Timoteo 2:8

Kaya mawot ko na sa lambang pagtiripon saen man na lugar, an mga lalaki dapat na mamibi, mag-itaas nin kamot, mayong raot sa boot o kaanggotan sa kapwa.

1 Pedro 1:3

Pag-omawon an Dios, Ama ni Jesu-Cristong Kagurangnan ta! Huli kan saiyang dakulang pagkaherak, tinawan niya kita nin bagong buhay huli kan pagkabuhay liwat ni Jesu-Cristo sa mga gadan. Ini an nagtatao sato nin buhay na paglaom,

Kapahayagan 7:11

An gabos na anghel nagtindog sa palibot kan trono, kan kamagurangan saka kan apat na buhay na linalang. Nagdapa sinda sa atubangan kan trono, nagsamba sa Dios,