Nehemias 8:3 - Marahay na Bareta Biblia

³ Binasa niya sainda duman an Katogonan, magpoon pagsirang kan aldaw sagkod odto, asin hinimate siya ninda nin marahay.

Nehemias 8:3 ပူးပေါင်းရင်းမြစ်များ

Nehemias 10:29

nakikisumaro sa samuyang mga lider sa pagsumpa na kami mamumuhay sosog sa Katogonan nin Dios, na itinao nin Dios huli ki Moises na saiyang sorogoon; na kukuyogon mi an gabos na pagboot samo nin Kagurangnan na samong Kagurangnan; na ootobon mi an gabos niyang katogonan asin pagsusundon; na mapapairarom kami sa sarong maldisyon kun lapason mi iyan.

Nehemias 13:1

Kan basahon sa mga tawo an Katogonan ni Moises, nabasa ninda digdi na ipinapangalad sa kiisay man na Ammonita o Moabita na mag-ayon sa banwaan nin Dios;

Nehemias 8:1

Kan ikapitong bulan, an banwaan nin Israel napamugtak na sa saindang mga banwa. Kan enot na aldaw kan bulan na idto, nagtiripon sinda gabos sa Jerusalem, duman sa atubangan kan Trangkahan nin Tubig. Sinabihan kan mga tawo si Esdras, na sarong padi asin paratukdo kan Katogonan, na darahon an Libro kan Katogonan na itinao nin Kagurangnan sa Israel huli ki Moises.

Nehemias 8:18

Nagbasa sinda sa libro kan Katogonan nin Dios aroaldaw, poon sa enot na aldaw kan pyesta sagkod sa huring aldaw. Nagselebrar sinda sa laog nin pitong aldaw, asin sa ikawalong aldaw, nagtiripon sinda sa pagtapos kan pyesta, siring sa ipinagboot kan Katogonan.

Nehemias 8:4

Nakatindog si Esdras sa ibabaw nin sarong platapormang kahoy na ginibo para sa okasyon na idto. Nagtirindog sa saiyang too si Mattitias, si Sema, si Anaias, si Urias, si Hilkias, saka si Maaseias; nagtirindog sa wala niya si Pedaias, si Misael, si Malkias, si Hasum, si Hasbaddana, si Zacarias, saka si Mesullam.

Nehemias 8:5

Nahiling si Esdras kan gabos na tawo huli ta halangkaw an platapormang tinindogan niya. Nagtirindog an gabos kan bukasan niya an libro.

Markos 12:37

Kun Kagurangnan an apod saiya ni David, paano siyang magin aki ni David?” Dakul na tawo an maogmang nagdangog ki Jesus.

Lukas 19:48

Alagad mayo sindang nakuang paagi, huli ta an mga tawo padagos na naghihinanyog sa saiyang tataramon.

Lukas 8:18

“Pakatandaan nindo an saindong pagdangog, huli ta an siisay man na igwa, tatawan pa nin mas dakul; alagad an siisay man na mayo, kukuahan pa maski kan kadikit na sa paghona niya saiya.”

Mga Gibo 13:15

Pakatapos kan pagbasa sa Katogonan ni Moises asin sa mga kasuratan kan mga propeta, pinasabihan sinda kan mga opisyal sa sinagoga, “Mga tugang, kun igwa kamong sasabihon na makakapakosog kan boot kan mga tawo, sabihon na nindo.”

Mga Gibo 13:27

Huli ta an mga tawong nag-eerok sa Jerusalem, saka an saindang mga lider, dai nakamidbid na si Jesus an Paraligtas. Dai man ninda nasabotan an mga tataramon kan mga propeta na pinagbabasa sa sinagoga kun aldaw na Sabbath; sinda mismo an nag-otob kan sinabi kan mga propeta kan hatolan ninda si Jesus.

Mga Gibo 15:21

Huli ta poon pa kaidtong panahon, an Katogonan ni Moises binabasa sa mga sinagoga lambang aldaw na Sabbath, ipinaghuhulit an mga tataramon niya sa gabos na banwaan.”

Mga Gibo 16:14

An saro sa mga nagdangog samo iyo si Lydia na taga Tiatira; saro siyang negosyante nin mga tela na kolor purpura. Saro siyang parasamba sa Dios. Binuksan kan Kagurangnan an saiyang puso tanganing mag-ako kan mga sinasabi ni Pablo.

Mga Gibo 17:11

An mga Judio duman mas andam na mag-ako kan mensahe ki kan mga idtoon sa Tesalonica. Maogma nindang inako an tataramon; aroaldaw nag-aadal sinda kan mga Kasuratan sa pagsiyasat kun totoo mananggad an pinagsasabi ni Pablo sainda.

Mga Gibo 20:11

Dangan nagbalik si Pablo sa itaas; binaak niya an tinapay saka nagkakan. Nakipag-olay pa siya sainda sagkod na nagsisirang na an aldaw. Dangan naghale siya.

Mga Gibo 20:7

Kan enot na aldaw kan semana, nagtiripon kami para sa pagbaak nin tinapay. Nagtaram si Pablo sa mga tawo sagkod sa matangang banggi, huli ta mahale na siya pagkaaga.

Mga Gibo 28:23

Kaya nagtalaan sinda nin sarong aldaw. Pag-abot kan aldaw na iyan, dakul na tawo an nagduman sa pinag-eerokan ni Pablo. Poon aga sagkod banggi, ipinaliwanag niya sainda an Kahadean nin Dios saka hiningowa niyang magtubod sinda ki Jesus sa paagi kan Katogonan ni Moises saka kan sinurat kan mga propeta.

Deuteronomio 31:9

Kaya isinurat ni Moises an katogonan na ini nin Dios asin itinao sa mga pading Levita, na namamahala kan Kaban nin Tipan nin Kagurangnan, asin sa mga lider kan Israel.

1 Tesalonica 2:13

Igwa pang sarong dahelan kun tadaw ta danay ming pinapasalamatan an Dios; kan ipaghulit mi saindo an mensahe nin Dios, nagdangog kamo saka nagtubod, bakong dahel ta idto hale sa tawo kundi sa Dios, na iyo mananggad an totoo. An bunga kan mensahe nin Dios nahihiling saindo na mga paratubod.

Josue 8:35

An lambang pagboot ni Moises binasa ni Josue sa bilog na katiriponan, kaiba an kababaehan asin kaakian, siring man an mga dayuhan na nag-eerok sa kaibahan ninda.

Kapahayagan 2:29

“An may talinga, magdangog sa mga sinasabi kan Espiritu sa mga simbahan!

Kapahayagan 3:22

“An may talinga, magdangog sa sinasabi kan Espiritu sa mga simbahan!”