Nehemias 8:16 - Marahay na Bareta Biblia

¹⁶ Kaya nagkurua nin mga sanga an mga tawo asin naggiribo nin mga harong-harong sa mga atop kan saindang harong, sa saindang mga patyo, sa patyo kan Templo nin Dios, sa plasa na harani sa Trangkahan nin Tubig asin sa plasa na harani sa Trangkahan nin Efraim.

Nehemias 8:16 ပူးပေါင်းရင်းမြစ်များ

2 Samuel 11:2

Sarong aldaw, kan madali nang magbanggi, nagbangon si David hale sa saiyang pagkatorog asin nagduman sa atop kan palasyo. Mantang naglalakaw-lakaw siya sa atop, natanaw niya an sarong babaeng nangangarigos. Magayon nin marahay an babae,

2 Mga Hade 14:13

Nabihag ni Jehoas si Amazias, dangan nagpasiring siya sa Jerusalem. Rinumpag niya an kudal nin Jerusalem magpoon sa Trangkahan nin Efraim sagkod sa Trangkahan nin Kanto, na minaabot sa dos syentos metros an distansya.

2 Mga Cronica 20:5

Sinda asin an gabos na taga Jerusalem nagtiripon sa bagong patyo kan Templo nin Kagurangnan. Nagtindog si Jehosafat sa atubangan kan gabos

2 Mga Cronica 33:5

Sa duwang patyo kan Templo, nagpagibo siya nin mga altar para sa pagsamba kan mga bitoon.

Nehemias 12:37

Nagpadagos an grupong ini sa Trangkahan nin Burabod, nagsakat sa hagdan na pasiring sa Syudad ni David, nag-agi sa palasyo ni David, dangan nagbalik sa kudal na harani sa Trangkahan nin Tubig, sa sirangan na parte kan syudad.

Nehemias 12:39

Hale duman inagihan mi an Trangkahan ni Efraim, an Daan na Trangkahan, an Trangkahan nin Sira, an Tore ni Hananel, asin an Tore kan Sanggatos, dangan nagpasiring kami sa may Trangkahan kan Karnero. Nag-ontok kami sa may trangkahan pasiring sa Templo.

Nehemias 8:1

Kan ikapitong bulan, an banwaan nin Israel napamugtak na sa saindang mga banwa. Kan enot na aldaw kan bulan na idto, nagtiripon sinda gabos sa Jerusalem, duman sa atubangan kan Trangkahan nin Tubig. Sinabihan kan mga tawo si Esdras, na sarong padi asin paratukdo kan Katogonan, na darahon an Libro kan Katogonan na itinao nin Kagurangnan sa Israel huli ki Moises.

Nehemias 8:3

Binasa niya sainda duman an Katogonan, magpoon pagsirang kan aldaw sagkod odto, asin hinimate siya ninda nin marahay.

Jeremias 19:13

Magigin maati arog kan Tofet an mga harong sa Jerusalem, an mga harong kan mga hade sa Juda asin an gabos na harong, huli ta an bubong kan mga ini ginagamit ninda sa pagtutong nin insenso para sa mga bitoon asin sa pag-ula nin arak bilang dolot na inomon sa ibang mga dios.”

Jeremias 32:29

saka susuloon. Susuloon ninda ini kaiba an mga harong saen pinaanggot ako kan mga tawo huli kan pagtutong ninda nin insenso para ki Baal sa saindang mga atop, saka pag-ula nin arak na dolot sa mga dios-dios.

Deuteronomio 22:8

“Kun magtugdok kamo nin bagong harong, bugtakan nindo nin barandilya an palibot kan atop, tanganing dai kamo pagbasolon kun igwa nin mahulog saka magadan duman.