Nehemias 8:14 - Marahay na Bareta Biblia

¹⁴ Naaraman ninda na an Katogonan, na itinao nin Kagurangnan sa paagi ni Moises, nagboot na an banwaan nin Israel dapat mag-erok sa mga harong-harong sa laog kan Pyesta nin mga Harong-harong.

Nehemias 8:14 ပူးပေါင်းရင်းမြစ်များ

Genesis 33:17

alagad nagpaduman sa Sukkot si Jacob. Nagpatindog siya duman nin harong asin mga harong-harong para sa saiyang mga hayop; kaya an lugar na idto nginaranan nin Sukkot.

Esdras 3:4

Inotob ninda an Pyesta nin mga Harong-harong sosog sa pagsusundon, asin aroaldaw nagdolot sinda kan sakripisyo na kaipuhan idolot sa aroaldaw;

Nehemias 8:13

Kan sunod na aldaw, an mga pamayo kan mga kamaganakan, kaiba an mga padi saka an mga Levita, nagduman ki Esdras tanganing adalan an mga katukdoan kan Katogonan.

Levitico 23:34

“Sabihan mo an banwaan nin Israel na sa laog nin pitong aldaw, magpoon sa ikakinse kan ikapitong bulan na ini, iyo an Pyesta nin mga Harong-harong para sa Kagurangnan.

Juan 7:2

Harani na an Pyesta kan mga Harong-harong.