Nehemias 8:12 - Marahay na Bareta Biblia

¹² Kaya nagpuli an gabos na tawo tanganing mag-orogma; nagkakan sinda, nag-inom asin naghiras sa iba kan yaon sainda, huli ta nasabotan ninda an ipinahayag sainda.

Nehemias 8:12 ပူးပေါင်းရင်းမြစ်များ

1 Mga Cronica 29:22

Kan aldaw na idto, nagkakan sinda saka nag-inom sa atubang nin Kagurangnan sa dakulang kaogmahan. Sa ikaduwang beses, ipinagrukyaw ninda si Solomon bilang hade. Sa ngaran nin Kagurangnan, linahidan ninda siya bilang saindang kagsakop, asin si Zadok bilang padi.

Nehemias 8:10

Magpuli na kamo asin magbangkete. Hirasan nindo nin kakanon saka inomon an mga mayo kaiyan. An aldaw na ini banal para sa satong Kagurangnan, kaya dai kamo magmondo. An kaogmahan na itinao saindo nin Kagurangnan magigin kakosogan nindo.”

Nehemias 8:11

Naglibot an mga Levita sa pagpaontok kan mga tawo asin sa pagsabi sainda na dai magmondo sa banal na aldaw na idto.

Nehemias 8:13

Kan sunod na aldaw, an mga pamayo kan mga kamaganakan, kaiba an mga padi saka an mga Levita, nagduman ki Esdras tanganing adalan an mga katukdoan kan Katogonan.

Esther 9:22

Ini an mga aldaw na nagkaigwa nin kapahingaloan an mga Judio sa saindang mga kaiwal; ini an bulan na naribayan nin kaogmahan an saindang kasakitan saka nin pagselebrar an saindang pagmondo. Sinuratan sinda ni Mardokeo na selebraron an mga aldaw na ini sa paagi nin pagkarakan, pag-orogma, dangan pagtao nin mga kakanon sa lambang saro asin sa mga dukha.

An Libro ni Job 23:12

Danay kong ginigibo an mga pagboot nin Dios; kinukuyog ko an saiyang kabotan, bakong an sakong mga kamawotan.

Salmo 119:111

An saimong mga togon iyo an sakong pamana sagkod lamang; iyan an kaogmahan kan sakong puso.

Salmo 119:127

Namomotan ko an saimong mga kabotan orog pa ki sa bulawan, orog pa ki sa purong bulawan.

Salmo 119:130

An paliwanag kan saimong mga tataramon minatao nin liwanag; nagdadara iyan nin kadonongan sa mga mangmang.

Salmo 119:14

Ikinakaogma kong kuyogon an saimong mga kabotan, orog pa ki sa gabos na yaman.

Salmo 119:16

Ikinakaogma ko an saimong mga katogonan; dai ko lilingawan an saimong mga kabotan.

Salmo 119:171

Danay takang oomawon, huli ta tinutukdoan mo ako kan saimong mga katogonan.

Salmo 119:174

Minamawot ko an saimong kaligtasan, Kagurangnan, asin an saimong katogonan iyo an sakong kaogmahan.

Salmo 119:72

Orog na mahalaga sa sako an itinao mong katogonan ki kan gabos na kwarta sa kinaban.

Salmo 119:97

Namomotan kong gayo an saimong katogonan! Iyan an sakong pinaghohorophorop sa bilog na aldaw.

Jeremias 15:16

Nagtaram ka sako, asin dinangog ko an lambang tataramon mo. Sadiri mo ako, Kagurangnan Dios nin mga hukbo, kaya an saimong tataramon kaogmahan asin kagayagayahan kan sakong puso.

Lukas 24:32

Nag-olay-olay sinda, “Bakong naglaad an satong mga puso kan nagtataram siya sato sa dalan asin nagpapaliwanag kan mga kasuratan?”

Roma 7:18

Aram ko na mayong marahay na yaon sako, boot sabihon, sa sakong laman. Huli ta maski boot kong maggibo nin marahay, dai ko iyan nagigibo.

Kapahayagan 11:10

Maoogma an mga tawo sa kinaban dahel sa pagkagadan ninda. Magpepyesta sinda asin magpapatinaohan nin mga regalo huli ta an duwang propetang iyan nagdara sainda nin dakul na kasakitan.