Nehemias 8:10 - Marahay na Bareta Biblia

¹⁰ Magpuli na kamo asin magbangkete. Hirasan nindo nin kakanon saka inomon an mga mayo kaiyan. An aldaw na ini banal para sa satong Kagurangnan, kaya dai kamo magmondo. An kaogmahan na itinao saindo nin Kagurangnan magigin kakosogan nindo.”

Nehemias 8:10 ပူးပေါင်းရင်းမြစ်များ

1 Mga Hade 8:66

Kan ikawalong aldaw pinapuli ni Solomon an mga tawo. Benendisyonan kan mga tawo si Solomon asin maogma sindang nagpuli huli kan gabos na bendisyon na itinao nin Kagurangnan sa saiyang sorogoon na si David sagkod sa banwaan nin Israel.

1 Mga Cronica 16:27

Omaw asin kamahalan yaon sa saiyang atubangan; kosog asin kaogmahan yaon sa saiyang santwaryo.

Nehemias 8:11

Naglibot an mga Levita sa pagpaontok kan mga tawo asin sa pagsabi sainda na dai magmondo sa banal na aldaw na idto.

Nehemias 8:12

Kaya nagpuli an gabos na tawo tanganing mag-orogma; nagkakan sinda, nag-inom asin naghiras sa iba kan yaon sainda, huli ta nasabotan ninda an ipinahayag sainda.

Esther 9:19

Ini an dahelan kun tadaw ta pinagseselebrar kan mga Judio na nag-eerok sa saradit na mga banwa an ikakatorseng aldaw kan bulan nin Adar bilang sarong aldaw nin kaogmahan asin karakanan, aldaw nin pagtao nin regalo sa lambang saro.

Esther 9:22

Ini an mga aldaw na nagkaigwa nin kapahingaloan an mga Judio sa saindang mga kaiwal; ini an bulan na naribayan nin kaogmahan an saindang kasakitan saka nin pagselebrar an saindang pagmondo. Sinuratan sinda ni Mardokeo na selebraron an mga aldaw na ini sa paagi nin pagkarakan, pag-orogma, dangan pagtao nin mga kakanon sa lambang saro asin sa mga dukha.

Salmo 149:2

Mag-ogma ka, O Israel, huli kan saimong Kaglalang; mag-ogma kamo, mga aki nin Sion, huli kan saindong hade!

Salmo 89:17

Tinawan mo kami nin darakulang panggana; sa pagkamoot mo kami saimong pinapanggana.

Mga Talinhaga 17:22

An magayagayang puso sarong marahay na bolong, alagad an mamondong espiritu minaubos kan kosog nin tawo.

Parahulit 11:2

Magnegosyo ka nin manlaen-laen saka sa dakul na lugar, huli ta dai mo aram kun anong maraot na palad an maabot saimo sa kinaban na ini.

Parahulit 2:24

Mayo nin marahay para sa sarong tawo kundi an magkakan asin mag-inom patin mag-ogma sa saiyang pinagalan. Alagad nahiling ko na maski ini gikan man sa kamot nin Dios;

Parahulit 3:13

Regalo nin Dios sa tawo na siya magkakan asin mag-inom saka mag-ogma sa saiyang pinagpagalan.

Parahulit 5:18

Ini an nahiling kong marahay na gibohon nin tawo: an pagkakan, an pag-inom saka an pag-ogma sa gabos na pinagalan niya mantang dai pa natatapos an halipot na buhay na itinao nin Dios saiya. Ini an palad nin tawo.

Parahulit 9:7

Ipadagos mo an saimong pagkakan asin mag-ogma ka; inoma an saimong arak asin maggayagaya ka. Oyon kaiyan an Dios.

Awit nin mga Awit 5:1

Naglaog na ako sa sakong tatamnan, sakong namomotan, sakong agom. Tinitipon ko an sakong pahamot saka mira; kinakakan ko an sakong dugos asin anira; iniinom ko an sakong arak saka gatas. Kakan kamo asin inom o nagkakaminootan sagkod na maburat kamo sa pagkamoot!

Isaias 49:5

Bago ako namundag pinili na ako nin Kagurangnan; ginibo akong sorogoon niya nganing ibalik an mga nagkawararak na tawo nin Israel. Tinatawan ako nin kaomawan kan Kagurangnan; an sakong kosog saiya minagikan.

Isaias 61:10

Nag-oogma an Jerusalem huli kan ginibo nin Kagurangnan. Nakakaagid siya sa sarong nobya na nakagubing nin pangkasal. Ginubingan siya nin Dios nin gubing nin kaligtasan saka kapangganahan.

Joel 2:23

“Maggayagaya kamo, banwaan nin Sion, mag-ogma kamo sa ginibo para saindo kan Kagurangnan na saimong Dios. Itinao niya saindo an tama sanang uran; pinahugpa niya para saindo an dakul na uran, an enot saka an huring uran arog kaidto.

Zacarias 14:21

An gabos na kagamitan sa pagluto sa Jerusalem asin sa Juda lalaenon tanganing gamiton sa pagsamba sa Kagurangnan nin mga hukbo. Gagamiton an mga iyan kan mga tawong nagdodolot nin sakripisyo para sa paglabon nin karne. Pag-abot kan panahon na iyan, dai na magkakaigwa nin negosyante sa Templo kan Kagurangnan nin mga hukbo.

Lukas 11:41

Kaya itao nindo sa mga dukha an mga nasa laog kan mga tasa saka mga plato nindo, asin an gabos magigin malinig para saindo.

2 Corinto 8:2

Binalo sinda nin makuri kan mga kasakitan na saindang inagihan; alagad an saindang kaogmahan orog kadakula, mala ta orog logod sindang nagin matinao, maski sinda mga daing sukat.

Filipos 3:4

maski pwede man akong magsarig diyan. Mayo nin siisay man na igwa nin orog na dahelan ki sa sako sa pagsarig sa mga seremonya sa hawak.

Kapahayagan 11:10

Maoogma an mga tawo sa kinaban dahel sa pagkagadan ninda. Magpepyesta sinda asin magpapatinaohan nin mga regalo huli ta an duwang propetang iyan nagdara sainda nin dakul na kasakitan.

1 Samuel 25:8

Hapoton mo sinda asin sasabihan ka ninda. Kaya itugot logod na mawilihan mo an sakong mga hoben na lalaki huli ta nag-abot sinda sa aldaw nin pyesta. Nakikimaherak akong itao mo an saimong makakaya sa samo na saimong mga sorogoon asin sa saimong katood na si David.”