Nehemias 8:1 - Marahay na Bareta Biblia

¹ Kan ikapitong bulan, an banwaan nin Israel napamugtak na sa saindang mga banwa. Kan enot na aldaw kan bulan na idto, nagtiripon sinda gabos sa Jerusalem, duman sa atubangan kan Trangkahan nin Tubig. Sinabihan kan mga tawo si Esdras, na sarong padi asin paratukdo kan Katogonan, na darahon an Libro kan Katogonan na itinao nin Kagurangnan sa Israel huli ki Moises.

Nehemias 8:1 ပူးပေါင်းရင်းမြစ်များ

2 Mga Hade 23:2

Nagduruman sinda gabos sa Templo kaiba an mga padi, an mga propeta asin an gabos na tawo, mayaman man o dukha. Sa pandangog kan gabos, binasa kan hade an bilog na libro kan tipan na nakua sa laog kan Templo.

2 Mga Cronica 34:15

Sinabihan ni Hilkias an sekretaryo na si Safan, “Nakua ko sa Templo an libro kan Katogonan.” Itinao niya an libro ki Safan,

2 Mga Cronica 34:30

Nagduruman sinda gabos sa Templo kaiba an mga Levita, an mga padi asin an gabos na tawo, mayaman man o dukha. Sa pandangog kan gabos, binasa kan hade an bilog na libro kan tipan na nakua sa laog kan Templo.

Esdras 7:1

Pakalihis nin dakul na taon, kan si Artajerjes iyo an emperador nin Persia, igwa nin sarong lalaki na an ngaran Esdras. Si Esdras aking lalaki ni Seraias, na aki ni Azarias na aki ni Hilkias.

Esdras 7:10

Idinusay ni Esdras an saiyang buhay sa pag-adal kan Katogonan nin Kagurangnan, sa pag-otob kaiyan, asin sa pagtukdo sa mga Israelita kan gabos na ipinagboboot kan Katogonan.

Esdras 7:11

An surat na ini itinao ni Emperador Artajerjes ki Esdras, an padi asin paratukdo na igwa nin dakulang pakasabot kan mga katogonan saka mga pagboot na itinao nin Kagurangnan sa Israel:

Esdras 7:6

Si Esdras sarong madonong sa Katogonan na itinao ki Moises kan Kagurangnan, an Dios nin Israel. Huli ta benendisyonan si Esdras nin Kagurangnan na saiyang Dios, tinawan siya kan hade kan anoman na hinagad niya. Kan ikapitong taon kan pamamayo ni Artajerjes, naghale si Esdras sa Babilonia dangan nagpasiring sa Jerusalem, kaiba an sarong grupo nin mga Israelita na an iba mga padi, an iba mga Levita, mga paratugtog sa Templo, mga bantay, asin mga sorogoon sa Templo.

Nehemias 12:26

An mga tawong ini nagkaburuhay kan panahon ni Joiakim na aking lalaki ni Josue saka makoapo ni Jehozadak, kan panahon kan gobernador na si Nehemias asin kan panahon ni Esdras, an padi na paratukdo kan Katogonan.

Nehemias 12:37

Nagpadagos an grupong ini sa Trangkahan nin Burabod, nagsakat sa hagdan na pasiring sa Syudad ni David, nag-agi sa palasyo ni David, dangan nagbalik sa kudal na harani sa Trangkahan nin Tubig, sa sirangan na parte kan syudad.

Nehemias 8:16

Kaya nagkurua nin mga sanga an mga tawo asin naggiribo nin mga harong-harong sa mga atop kan saindang harong, sa saindang mga patyo, sa patyo kan Templo nin Dios, sa plasa na harani sa Trangkahan nin Tubig asin sa plasa na harani sa Trangkahan nin Efraim.

Nehemias 8:3

Binasa niya sainda duman an Katogonan, magpoon pagsirang kan aldaw sagkod odto, asin hinimate siya ninda nin marahay.

Isaias 8:20

Simbagon nindo sinda nin, “Dangoga an itinutukdo saindo nin Kagurangnan! Dai kamo magdangog sa mga nakikiolay sa mga gadan—dai magbubunga nin marahay an sasabihon ninda saindo.”

Levitico 9:5

Dinara ninda ini gabos sa atubangan kan Tabernakulo siring sa ipinagboot sainda ni Moises, asin an bilog na Israel nagtiripon duman tanganing sambahon an Kagurangnan.

Malakias 4:4

“Giromdoma nindo an katukdoan kan sakong sorogoon na si Moises, an mga togon saka mga pagboot na itinao ko saiya sa Bukid nin Sinai na dapat kuyogon kan gabos na tawo sa Israel.

Mateo 13:52

Kaya tinaraman niya sinda, “An kahulogan kaini iyo na an lambang paratukdo kan Katogonan na nakanood dapit sa Kahadean nin langit nakakaagid sa sarong kagharong na nagluwas nin bago asin daan na mga bagay hale sa saiyang sarayan.”

Mateo 23:13

“Herak man saindo, mga paratukdo kan Katogonan asin mga Fariseo! Mga parasagin-sagin! Sineserahan nindo sa mga tawo an Kahadean nin langit. Kamo mismo dai minalaog asin inoolang pa nindo an boot lumaog! (

Mateo 23:2

“An mga paratukdo kan Katogonan asin an mga Fariseo iyo an minimidbid na parapaliwanag kan Katogonan ni Moises.

Mateo 23:34

Kaya papadarahan ko kamo nin mga propeta, nin mga tawong madonong asin nin mga paratukdo. Alagad an iba sainda gagadanon nindo, an iba ipapako sa krus, an iba hahampakon sa mga sinagoga, asin pepersegiron sinda sa binurubanwa.

Deuteronomio 31:11

Basahon nindo ini sa atubang kan bilog na Israel, sa panahon na magtiripon sinda sa pagsamba sa Kagurangnan na saindong Dios duman sa lugar na pagsasambahan.

Hukom 20:1

Nagtiripon sa Mizpa sa atubang nin Kagurangnan an gabos na Israelita magpoon sa Dan sagkod sa Beer-sheba, sagkod kan mga taga Gilead.

Hukom 20:8

Sarabay na nagtirindog an gabos na Israelita dangan nagsabi, “Mayo nin siisay man na mapuli samo, nag-eerok man siya sa tolda o sa harong.