Nehemias 7:73 - Marahay na Bareta Biblia

⁷³ An mga padi, an mga Levita, an mga bantay sa Templo, an mga paratugtog, an mga trabahador sa Templo—an bilog na banwaan nin Israel—nag-erok sa mga banwa asin sa mga syudad nin Juda.

Nehemias 7:73 ပူးပေါင်းရင်းမြစ်များ

2 Mga Hade 7:10

Kaya binayaan ninda an kampo kan Siria, nagbalik sa Samaria asin nagkurahaw sa mga bantay kan mga trangkahan, “Nagduman kami sa kampo kan mga Siro asin mayo kaming inabotan na tawo duman o nadangog na tingog. Mayo kaming nahiling kundi an mga kabayo asin mga asno na nagkakagarakod, asin an mga tolda siring kan bayaan ini.”

1 Mga Cronica 9:2

An enot na nagbaralik sa saindang pagsadiri duman sa mga syudad iyo an mga ordinaryong Israelita, an mga padi, an mga Levita asin an mga sorogoon sa Templo.

Esdras 2:70

An mga padi, an mga Levita, asin an nagkapira sa mga tawo, duman nag-erok sa Jerusalem asin sa mga lugar na kataed kaini. An mga parakanta, an mga bantay sa Templo, asin an mga trabahador sa Templo nag-erok sa mga hararaning banwa; an iba pang mga Israelita duman nag-erok sa mga lugar na pinag-erokan kan saindang mga ginikanan.

Esdras 3:1

Kan ikapitong bulan, an mga Israelita napamugtak na sa saindang mga banwa. Dangan nagtiripon sinda gabos sa Jerusalem.

Nehemias 11:3

An banwaan nin Israel, an mga padi, mga Levita, mga trabahador sa Templo asin an mga kapagarakian kan mga sorogoon ni Solomon nag-erok sa ibang mga banwa saka mga syudad sa sadiri nindang rogaring. Iyo ini an lista kan mga ginagalangan na mga namamanwaan sa probinsya nin Juda na nag-erok sa Jerusalem: