Nehemias 7:70 - Marahay na Bareta Biblia

^70-72 Dakul na tawo an nagtarao para sa paghirahay kan Templo. An gobernador nagtao nin walong kilo nin bulawan, singkwentang palanggana, asin kinyentos treyntang mga gubing para sa mga padi. Nagkapirang mga pamayo nin mga kamaganakan an nagtao nin syento sesenta y otsong kilo nin bulawan, mil dos syentos singkwentang kilo nin plata, an ibang mga tawo nagtao nin syento sesenta y otsong kilo nin bulawan, syento kwarentang kilo nin plata, asin sesenta y syeteng mga gubing para sa mga padi.

Nehemias 7:70 ပူးပေါင်းရင်းမြစ်များ

1 Mga Cronica 28:17

Itinukdo pa niya an tamang timbang nin purong bulawan na gagamiton sa paggibo nin mga tinidor, mga palanggana saka mga kalis; dangan an tamang timbang nin bulawan saka plata na gagamiton sa paggibo kan mga mangko;

2 Mga Cronica 4:11

Naggibo man si Huram nin mga kaldero, mga pala asin mga mangko. Tinapos niya an gabos na ipinagibo saiya ni Hadeng Solomon para sa Templo nin Dios:

2 Mga Cronica 4:8

Nagpagibo pa siya nin sampolong lamesa na ipinabugtak man niya sa Templo, lima sa parteng habagat asin lima sa parteng amihan. Dangan nagpagibo siya nin sanggatos na bulawan na mangko.

Nehemias 10:1

An enot na nagpirma iyo an gobernador na si Nehemias, na aking lalaki ni Hacalias, asin an sunod na nagpirma si Zedekias. Nagpirma man an mga minasunod:

Nehemias 7:65

Sinabihan sinda kan gobernador na dai sinda pwedeng magkakan kan dolot sa Dios sagkod na mayo nin padi na tataong maggamit kan Urim asin Tummim.

Nehemias 8:9

Kan madangog kan mga tawo an hinahagad kan Katogonan, natanyog an saindang boot asin huminibi sinda. Kaya sinabihan sinda ni Nehemias, na iyo an gobernador, ni Esdras na padi saka paratukdo kan Katogonan, asin kan mga Levita na nagtukdo sa mga tawo, “An aldaw na ini banal sa Kagurangnan na saindong Dios, kaya dai kamo magmondo o maghibi.

Exodo 12:22

Kumua kamo kan sanga nin isopo, ibuntog nindo iyan sa dugo na nasa palanggana, asin ilahid sa mga hamba saka sa itaas kan mga pinto. Dangan mayo na sa saindong magluwas sa harong sagkod mag-aga.

Exodo 24:6

Kinua ni Moises an kabanga kan dugo kan ginadan na mga hayop asin ibinugtak sa mga palanggana; an kabanga inula niya sa altar.

Jeremias 52:19

Kinua ninda an lambang kagamitan na gibo sa bulawan saka sa plata; sagkod an saradit na mangko, an mga bugtakan nin baga, an mga palanggana, an mga lalagan kan abo, an mga kandelero, an mga mangko para sa insenso, saka an mga mangko para sa dolot na arak.