Nehemias 7:3 - Marahay na Bareta Biblia

³ Sinabihan ko sinda, “An mga trangkahan kan Jerusalem dai dapat pagbukasan kun bako pang halangkaw an aldaw, asin kaipuhan serahan saka baratan an mga iyan bago maghale an mga nagbabantay pagsolnop kan aldaw. Magpili kamo nin mga lalaking taga Jerusalem para magbantay kan lugar sa palibot kan sadiri nindang mga harong.”

Nehemias 7:3 ပူးပေါင်းရင်းမြစ်များ

Nehemias 13:19

Kaya nagboot ako na serahan an mga trangkahan kan syudad sa lambang pagpoon kan Sabbath, kun magbabanggi, asin dai iyan pagbukasan sagkod na dai pa natatapos an Sabbath. Nagbugtak ako sa mga trangkahan nin nagkapira sa sakong mga tawohan tanganing dai nin anoman na ikalaog na mga ititinda sa syudad kun aldaw nin Sabbath.

Nehemias 3:23

Si Benjamin saka si Hassub iyo an naghirahay kan sunod na kabtang na kahampang kan saindang mga harong; Si Azarias, na aking lalaki ni Maaseias asin makoapo ni Ananias, iyo an naghirahay kan sunod na kabtang na kahampang kan saiyang harong;

Nehemias 7:2

Bilang parapamahala kan Jerusalem, pinili ko si Hanani na sakong tugang asin si Hananias na pamayong opisyal kan bantayan. Si Hananias orog na maimbod saka diosnon ki sa gabos.

Nehemias 7:4

An Jerusalem sarong dakulang syudad, alagad dikit an mga nag-eerok sa laog kaiyan asin dikit man an mga harong.

Salmo 127:1

Kun bakong an Kagurangnan an magpatindog kan harong, masasayang sana an trabaho kan mga nagpapatindog kaiyan. Kun bakong an Kagurangnan an magbantay sa syudad, masasayang sana an pagpupuka kan bantay.

Salmo 147:13

Huli ta pinapakosog niya an mga trangkahan mo; benebendisyonan niya an mga kaakian mo.

Mateo 10:16

“Magdangog kamo! Sinusugo ko kamo na garo mga karnero sa tahaw nin mga lobo. Magpakamaingat kamo arog kan mga halas asin magpakamahoyo arog kan mga salampati.