Kaya binayaan ninda an kampo kan Siria, nagbalik sa Samaria asin nagkurahaw sa mga bantay kan mga trangkahan, “Nagduman kami sa kampo kan mga Siro asin mayo kaming inabotan na tawo duman o nadangog na tingog. Mayo kaming nahiling kundi an mga kabayo asin mga asno na nagkakagarakod, asin an mga tolda siring kan bayaan ini.”
Nehemias 7:1 - Marahay na Bareta Biblia1 Nahirahay na ngunyan an kudal, ikinabugtak na an mga trangkahan dangan itinalaan na sa mga bantay kan Templo, sa mga parakanta, asin sa mga Levita an saindang mga trabaho. အခန်းကိုကြည့်ပါ။ |
Nehemias 7:1
12 ပူးပေါင်းရင်းမြစ်များ
Pinaggrupo-grupo giraray ni Hadeng Ezekias an mga padi asin an mga Levita, sosog sa saindang mga katongdan. Kaiba digdi an pagdolot nin mga tinutong na atang asin mga atang para sa katoninongan, an pag-ayon sa gawe nin pagsamba sa Templo dangan an pagtao nin kaomawan saka pasasalamat sa manlaen-laen na kabtang kan Templo.
Kaya sa ikaduwang bulan kan ikaduwang taon, pakabalik ninda sa lugar kan Templo sa Jerusalem, an trabaho pinonan ni Zerubabel na aking lalaki ni Sealtiel, ni Josue na aking lalaki ni Jehozadak, kaiba an saindang mga tugang, an mga padi saka an mga Levita na nagbaralik sa Jerusalem hale sa pagkatapokan. An mga Levita na an edad beynteng taon paitaas, iyo an pinamahala kan trabahong paghirahay kan Templo nin Kagurangnan.
An gabos na dolot na trigo, arak saka lana nin oliba dadarahon kan banwaan nin Israel asin kan mga Levita, sa mga kwartong sarayan na namumugtakan kan mga kagamitan sa Templo. Digdi nag-eerok an mga padi na naglilingkod sa panahon na iyan, asin an mga bantay saka mga parakanta sa Templo. Dai nyamo papabayaan an Templo nin samuyang Dios.
An banwaan nin Israel, an mga padi, mga Levita, mga trabahador sa Templo asin an mga kapagarakian kan mga sorogoon ni Solomon nag-erok sa ibang mga banwa saka mga syudad sa sadiri nindang rogaring. Iyo ini an lista kan mga ginagalangan na mga namamanwaan sa probinsya nin Juda na nag-erok sa Jerusalem:
Pinaggrupo-grupo an mga Levita sa pamamahala ni Hasabias, Serebias, Jesua, Binnui, asin Kadmiel. Danay na igwa nin duwang grupo na nag-oomaw asin nagpapasalamat sa Dios, sosog sa katukdoan na itinao ni Hadeng David, an sorogoon nin Dios. Sarong grupo an nag-awit kan mga pag-omaw asin pasalamat; an ikaduwang grupo an nag-awit kan mga simbag.
ကြော်ငြာတွေ