Nehemias 6:8 - Marahay na Bareta Biblia

⁸ Pinadarahan ko siya kan simbag na ini: “Bakong totoo an mga sinabi mo; gibo-gibo mo sana an gabos na iyan.”

Nehemias 6:8 ပူးပေါင်းရင်းမြစ်များ

An Libro ni Job 13:4

Tinatahoban nindo nin kaputikan an saindong kamangmangan; garo kamo mga doktor na dai nakakabolong kan mga may helang.

Salmo 36:3

An saiyang ngoso pano nin karatan asin kaputikan; mayo na siyang gibong tama asin marahay.

Salmo 38:12

Mga litag ibinubugtak kan mga boot sakong gumadan, an mga boot magkulog sako nagsasabi nin karatan; sa maghapon, an pagpasaluib sako iyo an kamawotan.

Salmo 52:2

Bilog na maghapon iniisip mo an pagpakaraot nin iba, an dila mo siring sa matarom na labaha, ika na parapasaluib.

Isaias 59:4

Minasangat kamo nin kaso, alagad bako man tama an saindong sumbong. An kaputikan iyo an saindong sinasarigan tanganing manggana kamo sa saindong kaso. Pinapadagos nindo an saindong mga plano nganing makulogan an iba.

Daniel 11:27

An duwang hade matukaw sa sarong lamesa tanganing magkakan, alagad parehong maraot an nasa isip ninda asin magpuputik sinda sa lambang saro. Dai ninda makakamtan an saindang minamawot huli ta dai pa minaabot an panahon para sa bagay na iyan.

Mateo 12:34

Mga rimoranon! Paano kamong makataram nin mga marahay na bagay, na kamo mga maraot? Huli ta kun ano an nasa puso iyo an maluwas sa ngoso.

Juan 8:44

Mga aki kamo kan saindong ama, an Diablo; kun ano an boot niya iyo an ginigibo nindo. Paragadan siya poon pa sa kapinonan asin kaiwal niya an katotoohan, huli ta dai nanggad siya nagtataram kan katotoohan. Nasa naturalesa niya an pagputik huli ta putikon siya asin siya an ama nin kaputikan.

Mga Gibo 25:10

Nagsimbag si Pablo, “Nakaatubang ako sa hukoman ni Cesar. Digdi ako dapat bistahon. Aram mong mayo akong naginibong sala sa mga Judio.

Mga Gibo 25:7

Paglaog ni Pablo, pinalibotan siya kan mga Judio na hale sa Jerusalem; isinumbong ninda siya nin mga magagabat na bagay, alagad dai man ninda napatotoohan.