Nehemias 6:6 - Marahay na Bareta Biblia

^6-7 na iyo ini an laog: “Ipinag-oosip sa kataraed na nasyon asin sinasabi man ni Gesem na ika saka an mga Judio boot magrebelde, kaya hinihirahay nindo an kudal. Ibinareta man na boot mong magin hade, asin nagbugtak ka nin mga propeta na mapahayag sa Jerusalem na ika an hade nin Juda. Makakaabot an baretang ini sa emperador kaya magdigdi ka asin pag-olayan nyato an bagay na ini.”

Nehemias 6:6 ပူးပေါင်းရင်းမြစ်များ

Esdras 4:12

“Boot ming maaraman kan saimong kamahalan na an mga Judio na nag-abot digdi hale sa ibang lugar na sakop mo nag-erok na ngunyan sa Jerusalem. Hinihirahay ninda idtong maraot saka rebeldeng syudad. Pinonan na ninda an paghirahay kan kudal asin matatapos na ninda.

Esdras 4:15

tanganing ipasiyasat mo an mga talaan kan saimong mga ginikanan. Mahihiling mo na an syudad na ini danay na nagrebelde, asin maski kaidto nagin problema na ini kan mga hade saka mga pamayo nin mga probinsya, huli ta an mga tawo diyan dipisil na pamahalaan. Kaya rinumpag an syudad na ini.

Nehemias 2:19

Kan madangog ini ni Sanballat kan Bet-horon, ni Tobias na opisyal kan Ammon asin ni Gesem na Arab, nginisihan ninda kami. Nagtutuyatuya sindang nagsabi, “Ano sa paghona nindo an saindong ginigibo? Marebelde kamo laban sa emperador?”

Nehemias 6:13

Binayadan siya ninda tanganing takoton ako asin magkasala; dangan raoton an ngaran ko asin sopogon ako.

Nehemias 6:5

Dangan nagsugo si Sanballat nin saro kan saiyang mga sorogoon, dara an ikalimang mensahe na nasa porma nin sarong bukas na surat,

Jeremias 20:10

Nadadangog kong naghihinghing an lambang saro, “An katakotan yaon sa gabos na lugar! Kaya isumbong ta siya sa mga awtoridad!” Maski an harani kong mga katood nagmamawot kan sakong kapahamakan. “Tibaad pwede siyang madaya,” an sabi ninda; “dangan madadakop saka mababalos ta siya.”

Mateo 5:11

“Paladan kamo kun minumuda kamo, pinapasakitan asin pinapakaraot kan mga tawo dahel sako.

Lukas 23:2

Duman isinumbong siya ninda, “Nadakop mi an tawong ini na sinosotsotan an mga tawo na magrebelde, asin nagpapangalad kan pagbayad nin buhis ki Cesar saka nagsabi na siya mismo an Cristo na sarong hade.”

Juan 19:13

Pagkadangog kaini ni Pilato, dinara niya sa luwas si Jesus asin nagtukaw sa tukawan kan hukom sa lugar na inaapod “Platapormang Gapo,” (sa tataramon na Hebreyo, “Gabbatha.”)

Roma 3:8

Tadaw ta dai kita maggibo nin maraot tanganing lumataw an marahay? Ini daa an itinutukdo ko, an sabi kan nagkapirang nagpapakaraot sako! Alagad an mga tawong iyan maninigong kondenaron.

2 Corinto 6:8

May panahon na inoomaw kami dangan may panahon na sinosopog; may panahon na pinapakaraot kami, may panahon man na inooyonan. Ibinibilang kaming mga putikon, maski totoo an pinagtataram mi;

1 Pedro 3:16

Alagad magin kamong mahuyo saka magalang sa pagsimbag nindo. Papagdanayon nindong malinig an saindong konsyensya, tanganing mapasopog an nagpapakaraot kan marahay nindong gawe bilang mga parasunod ni Cristo.