Nehemias 5:7 - Marahay na Bareta Biblia

⁷ Pinaghorophorop ko ini asin sinagwe ko an mga lider saka mga opisyal. Sinabihan ko sinda, “Inaapi nindo an saindong mga tugang!” Nag-apod ako nin sarong dakulang pagtiripon laban sainda,

Nehemias 5:7 ပူးပေါင်းရင်းမြစ်များ

Salmo 109:11

An gabos niyang rogaring kuahon logod kan saiyang mga inutangan. Samsamon logod kan mga dayuhan an mga bunga kan saiyang kapagalan.

Salmo 15:1

Kagurangnan, siisay an pwedeng maglaog sa saimong Templo? Siisay an pwedeng magsamba sa Sion, an banal mong bulod?

Salmo 15:5

Dai siya nagpapautang na may patubo, asin dai nagpapasuhol tumang sa mayo nin sala. An naggigibo kan mga bagay na ini dai nanggad matatanyog.

Salmo 27:8

Kan ika magtaram, “Madya, sambahon mo ako.” Nagsimbag an puso ko, “Kagurangnan, madolok ako.”

Salmo 4:4

Matakot kamo saiya asin dai magkasala; sa katoninongan maghorophorop kamo sa saindong mga higdaan.

Salmo 94:16

Siisay an nagtindog para sako tumang sa mga tampalasan? Siisay an nag-apil sako tumang sa mga paragibo nin karatan?

Exodo 22:24

Maaanggot ako asin gagadanon ko kamo sa gera. Mababalo an saindong mga agom asin maiilo an saindong mga aki.

Exodo 22:25

“Kun kamo magpautang nin kwarta sa mga dukha sa sakong banwaan, dai nindo pag-arogon an ibang parapautang; dai nindo sinda pagpatuboan.

Mga Talinhaga 27:5

Mas marahay an hayag na pagsagwe ki sa natatagong pagkamoot.

Mga Talinhaga 28:4

An tampalasan inoomaw kan mga tawong nagpapabaya kan katogonan, alagad laban sainda an mga tawong nagkukuyog kaiyan.

Ezekiel 22:12

An iba sa sainda nagpapatandan tanganing manggadan. An iba nagpapautang sa kapwa Israelita na igwa nin dakulang tubo. Nalingawan na ninda ako.” An Kagurangnan Dios an nagtaram.

Ezekiel 45:9

Nagtaram an Kagurangnan Dios, “Nagkasala kamo sa haloy nang panahon, mga pamayo nin Israel! Ontoka nindo an kadahasan asin an pang-aapi. Giboha nindo an matanos asin tama. Dai na nanggad nindo pagpahaleon sa saindang daga an sakuyang banwaan. Ako, an Kagurangnan Dios, an nagtataram saindo kaini.

Levitico 19:15

“Dai kamo maghukom na bakong matanos; dai kamo magpahiling nin pagsurog sa mga dukha o pagkatakot sa mga mayaman, alagad sa katanosan, hukoman nindo an saindong kapwa.

Levitico 25:36

Dai kamo maghagad nin tubo kun siya mag-utang, kundi matakot kamo sa Dios tanganing an kapwa nindo Israelita padagos na mamuhay harani saindo.

Mateo 18:17

Kun dai niya kamo dangogon, isumbong mo siya sa simbahan. Kun sagkod sa atubangan kan simbahan, habo ka niyang dangogon, ibilang mo siyang sarong pagano o sarong parasingil nin buhis.

2 Corinto 5:16

Kaya poon ngunyan, dai na kami naghuhukom sa kiisay man sosog sa sukolan nin tawo. Maski ngani kaidto hinukoman mi si Cristo sa sukolan nin tawo, dai mi na iyan ginigibo ngunyan.

Galacia 2:11

Pag-abot ni Pedro duman sa Antiokia, sinagwe ko siya sa publiko, huli ta hayag na sala siya.

1 Timoteo 5:20

Sagweon mo sa atubangan kan gabos an mga padagos na nagkakasala tanganing magkatarakot an iba.

Tito 2:15

Itukdo mo an mga bagay na ini, saka gamita an bilog mong kapangyarihan sa pagsadol saka sa pagsagwe sa mga nagdadangog saimo. Dai mo pagtugotan na pagbasang-basangon ka nin siisay man.