Nehemias 5:5 - Marahay na Bareta Biblia

⁵ An samong rasa pareho man kan rasa kan kapwa mi Judio; an samong mga aki pareho man kan saindang mga aki. Alagad napipiritan kaming ipaoripon an samong mga aki. An nagkapira ming aking babae ipinabakal na bilang mga oripon. Mayo kaming magiginibo kaini huli ta kinua na kan iba an samong mga oma saka mga ubasan.”

Nehemias 5:5 ပူးပေါင်းရင်းမြစ်များ

Genesis 29:14

asin nagsabi ini, “Tunay nanggad na laman ka nin sakong laman asin dugo nin sakong dugo.” Duman na nag-erok si Jacob sa laog nin sarong bulan.

Genesis 37:27

Ipabakal ta na sana siya sa mga Ismaelitang iyan; sa siring na paagi, dai na kaipuhan na kulogon ta pa siya; tugang ta siya, sadiri tang dugo saka laman.” Dinangog siya kan saiyang mga tugang.

2 Mga Hade 4:1

Nagduman ki Eliseo an sarong babaeng balo na kaayon sa sarong grupo nin mga propeta asin nagsabi, “An sakong agom gadan na. Naaaraman mo na igwa siya nin pagkatakot sa Kagurangnan, alagad an pinagkautangan niya nag-abot tanganing kuahon an duwa kong aking lalaki tanganing oriponon.”

Mga Talinhaga 22:7

An dukha oripon kan mayaman, asin an parautang oripon kan pinagkautangan.

Isaias 50:1

Nagsasabi an Kagurangnan, “Sa paghona nindo sinuhayan ko an sakong banwaan siring sa pagsuhay nin sarong lalaki sa saiyang agom? Haen, kun siring, an mga kasuratan nin pagsuhay? Sa paghona nindo ipinabakal ko kamo sa kaoripnan arog sa pagpabakal nin sarong lalaki sa saiyang mga aki bilang mga oripon? Dai, nabihag kamo huli kan saindong mga kasalan; isinubol kamo sa harayo huli kan saindong mga kasombikalan.

Isaias 58:7

Hirasan nindo nin pagkakan an mga nagugutom asin pasakaton nindo sa saindong mga harong an mga dukhang mayo nin harong. Tawan nindo nin gubing an mga mayo, asin dai kamo magsayuma sa pagtabang sa saindong mga kadugo.

Mateo 18:25

An sorogoon na ini mayong ibabayad, kaya nagboot an hade na ipabakal siya kaiba an saiyang pamilya saka an gabos niyang rogaring tanganing mabayadan an utang.