Nehemias 5:2 - Marahay na Bareta Biblia

² May mga nagsarabi, “Darakula an samuyang mga pamilya, kaya kaipuhan makakua kami nin kakanon tanganing mabuhay.”

Nehemias 5:2 ပူးပေါင်းရင်းမြစ်များ

Genesis 41:57

Nagduman sa Egipto an mga tawo hale sa gabos na lugar kan kinaban tanganing magbakal nin mais, huli ta grabe an gutom minsan saen.

Genesis 42:2

Nadangog kong igwa nin pagkakan sa Egipto; magduman kamo dangan magbakal nin pagkakan tanganing dai kita magkagaradan sa gutom.”

Genesis 43:8

Nagsimbag si Juda sa saiyang ama, “Paibaha na sako an aki dangan maduman na kami tanganing mabuhay kita asin dai magadan sa gutom.

Genesis 47:19

Hare man kami pabayaeng magadan. Gumibo ka nin paagi! Hare pagtugot na magin sarong desyerto an samong mga daga. Ribaya kami asin an samong mga oma nin pagkakan. Kami na an magigin mga oripon kan hade asin siya na an magigin kagsadiri kan samong mga oma. Alagad tawe kami nin mais tanganing mabuhay kami asin tawe man kami nin banhi na itatanom sa samong mga oma.”

2 Mga Hade 4:1

Nagduman ki Eliseo an sarong babaeng balo na kaayon sa sarong grupo nin mga propeta asin nagsabi, “An sakong agom gadan na. Naaaraman mo na igwa siya nin pagkatakot sa Kagurangnan, alagad an pinagkautangan niya nag-abot tanganing kuahon an duwa kong aking lalaki tanganing oriponon.”

Nehemias 5:3

An iba nagsarabi, “Isinangra mi an samong mga oma, mga ubasan saka mga harong tanganing igwa kami nin kakanon asin dai kami magutom.”

Hageo 1:6

Dakul na trigo an saindong itinanom, alagad dikit sana an saindong inani. May pagkakan kamo, alagad kulang pa tanganing mabasog kamo. May arak kamong inomon, alagad kulang man tanganing maburat kamo! Igwa kamo nin gubing, alagad kulang man giraray tanganing mahimbongan kamo. An trabahador kulang man an inaakong tandan tanganing mabuhay.

Malakias 2:2

Kaipuhan na omawon nindo ako sa paagi kan saindong ginigibo. Kun dai kamo magdangog sa sakong sinasabi, dadarahan ko kamo nin maldisyon. Mamaldisyonon ko man an mga biyaya na inaako nindo. Sa katunayan, minaldisyon ko na an mga iyan, huli ta dai nindo pinahalagahan an sakong pagboot.

Deuteronomio 23:19

“Kun magpautang kamo nin kwarta, pagkakan o ano man na bagay sa kapwa nindo Israelita, dai nindo pagpatuboan.